原帖由 GL3789 於 2012-2-1 08:12 發表 http://www.hkitalk.net/HKiTalk2/images/common/back.gif
首先，「平均約10分鐘有車搭」、「四彩有大量交通服務選擇」，都係客觀事實
另外究竟行三個字先有車搭係咪只係少數人，有以偏概全之嫌
你有無實際行過先，我有理由懷疑你只係道聽途說
其次，你將條線改行內街，唔行彌敦道只係 ...
我有行過一次果段路，唔見得好好行。
如果你話好似秀茂坪重建後，沿路有晒上蓋，唔使上落斜，要上落的地方有扶手電梯，咁又唔同。
問題係果段路長得來又唔好行。
至於你話「增加塞車」一說，恕我無法認同，
而家我只係由第二D線抽資源，唔係新增資源。
無論係將24成條搬走上山，又或者好似我一開頭，重組3C/9/203E之時順手開四彩旺角線，
入旺角的巴士數目基本上無增加過（唔好唔記得我抽左10架車開條3仔，唔入旺角的）。
既然有不同方法可以唔使加車、唔增加旺角車流的情況下開到條彩福旺角線，
因此用「增加擠塞」為由反對，理據實在相當薄弱。
你可以話你唔反對四彩有全日旺角線，但係你一路以來的論點，
就只係由各方面潑冷水，又話「政策規限」，又話「果度根本有大量交通服務選擇」。
實情係果度得4條早繁單向線，當中兩條每日一班，一條每日兩班，
其他巴士線並無途經，咁已經唔係有「大量交通服務選擇」啦。
你用埋晒呢D似是而非的理據，又唔諗下點樣在合乎現時政策規限的前提下變通，
俾讀者感覺只係你極力反對開線，無視實際需要。
原帖由 S3BL100 於 2012-2-1 12:37 發表 http://www.hkitalk.net/HKiTalk2/images/common/back.gif
我有行過一次果段路，唔見得好好行。
如果你話好似秀茂坪重建後，沿路有晒上蓋，唔使上落斜，要上落的地方有扶手電梯，咁又唔同。
問題係果段路長得來又唔好行。
至於你話「增加塞車」一說，恕我無法認同，
而家我只係由第二D ...
你好取巧咁話3果10架車唔入旺角，但事實係果10架車係經旺角
我同dippy將24延長既方案都可以考慮，但你話唔合理，非要25不可，咁無辦法啦
我明白你想表達講四彩得83A/M兩個選擇，其他外圍既交通服務都唔係服務緊四彩，只不過四彩居民焗住要行出去搭車
但我想問你兩個問題
1. 現有交通服務係咪absorb唔晒三萬人口既乘客量?
2. 基於平均約10分鐘路程有車搭或站位位置唔理想既因素，25既開辦你係咪保證四彩大部分既居民唔會去外圍搭車?
原帖由 dippy 於 2012-2-1 14:14 發表 http://www.hkitalk.net/HKiTalk2/images/common/back.gif
(我親身行過經彩石里上山, 真係十分鐘已經去到彩德邨彩仁樓, 仲要只係慢慢hea上去)
咁當你係旺角去四彩既時候, 果三萬人既需求會有幾多流入去新既25而唔坐2A/27等密車線仲係未知既
咁當然係開線初期唔會有咁多人去專登等25啦, 到時只會跌番入去無客減班既loop度
你估行上山好好玩？如果係平路都話。
同埋亦係因為呢個原因，25一開線唔可以做太疏，定線上亦要用最直接行法，唔可以兜路。
15分鐘一班係可以接受的極限。
原帖由 GL3789 於 2012-2-1 14:06 發表 http://www.hkitalk.net/HKiTalk2/images/common/back.gif
你好取巧咁話3果10架車唔入旺角，但事實係果10架車係經旺角
而家運吉有冇講過話果段窩打老道都係繁忙路段，唔俾加車？無！
咁都叫做經旺角，用呢個理由唔俾開多條旺角線既話，你就真係取巧，咩都你講晒。
52X 2009年延長去旺角，其中一個方向仲要經彌敦道，係咩黎？
我同dippy將24延長既方案都可以考慮，但你話唔合理，非要25不可，咁無辦法啦
dippy唔係將24延長，而係將24繞經四彩，
咁都可以保證到四彩客會搭，啟業麗晶就不嬲都無咩人搭24，有綠小46，
行出去搭車亦方便過四彩好多。但係與其係咁，倒不如成條24搬走上山，做少啟業 - 四彩一段慳油慳車。
咁成條24搬走上山，嚴格來講唔係開新線，應該都得啦掛？係咪咁都唔俾？
點解四彩要兜入啟業麗晶就得，調轉啟業麗晶本身都無咩人搭24，要佢地兜上山或者搬走條線就唔得？
我明白你想表達講四彩得83A/M兩個選擇，其他外圍既交通服務都唔係服務緊四彩，只不過四彩居民焗住要行出去搭車
但我想問你兩個問題
1. 現有交通服務係咪absorb唔晒三萬人口既乘客量?
2. 基於平均約10分鐘路程有車搭或站位位置唔理想既因素，25既開辦你係咪保證四彩大部分既居民唔會去外圍搭車?
大大話話九龍灣突然間多左幾條邨住三萬人，當其中一萬人每日繁忙時間要通勤，
咁都要80架雙層巴士先載得晒，但係入伙咁耐，港鐵、巴士都無加過班，
你知唔知三萬人對成區的交通壓力係幾大？
25當然保證唔到四彩居民唔會去外圍搭車，至少目的地係新界/過海果班應該唔會考慮，
但係假設25繁忙時間12分一班，用雙層車，一小時都只係載到約120*5 = 600人出去，
我唔信四彩出旺角的高峰時段需求會連600人都無。
你成日強調車站位置唔理想，但係點都近過行一大餐先落到山，係咪？
好多野唔係你不斷回帶就會變成真理。
你話3仔「經旺角」，又一直話10分鐘有車搭，又拎運吉做擋箭牌
（而事實上，根據近年實例，例如52X、796X、796P，果堆政策好多只係佢有佢講），我覺得你只係不斷搵藉口反對開線。
原帖由 dippy 於 2012-2-1 19:44 發表 http://www.hkitalk.net/HKiTalk2/images/common/back.gif
其實習慣左就OK了
根本好多村都要行十分鐘上山, 例如水泉拗, 安逹臣道, 四彩
現存既慈北, 上白田...
根本唔係問題
但我都同意如果資源許可既可以arrange條線比佢地
而且24繞經牛頭角亦都同時方便買餸客, 都叫做OK既
(新24經埋牛池灣街市同牛頭角街市)
同意這個區最好係有條穿前穿後的路線，咁就乜站都停晒又唔會有人覺得自己要兜好耐。
唔知彩德頂同彩盈頂（彩榮路）行落彩霞道易唔易呢？如果特登叫條雙穿線兜入去又過份繞路。
我自己睇Google Maps就認為彩榮路住客可以經隧道在合理時間內落到彩霞道。
唔知有冇誤解dippy的意思，我心目中24繞經四彩定線係咁樣：http://g.co/maps/8yq2b
原帖由 dippy 於 2012-2-1 19:44 發表 http://www.hkitalk.net/HKiTalk2/images/common/back.gif
但我都同意如果資源許可既可以arrange條線比佢地
而且24繞經牛頭角亦都同時方便買餸客, 都叫做OK既
(新24經埋牛池灣街市同牛頭角街市)
原帖由 DIH 於 2012-2-1 21:12 發表 images/common/back.gif
唔知有冇誤解dippy的意思，我心目中24繞經四彩定線係咁樣：http://g.co/maps/8yq2b
一次過回：
dippy的建議行法就係咁，我覺得本身都無乜問題，
只係彩福依然要行落彩盈先有車搭，但係比起再行多10分鐘落九龍灣已經好好多。
但係回程我反而會prefer行彩石里上山，唔行牛池灣街巿果邊，停少三盞燈。
停啟業個站先放左班客先，跟住再兜上彩福調頭，中間停多彩德商場同彩福兩個站，
之後再經彩盈落返牛頭角再入啟業。
（我話得prefer，即係唔係話行牛池灣街巿係唔得）
但係都係果句，啟業 - 彩福一段預計唔會太多客。
當然就吸到一班淘大返麗晶的客源（而家其實2A/6D甚至13D都有人淘大上車搭一個站去啟業的）
但係如果唔係為左塞住佢地把口的話，我寧願成條24搬走上山，來回加埋燒少20分鐘油。
原帖由 dippy 於 2012-2-2 01:00 發表 http://www.hkitalk.net/HKiTalk2/images/common/back.gif
期實只係蝕少D咁解, 九巴已經著數左
到時好客加車都可以唔駛比啟麗
牛頭角總站可以調頭 實際運作好可能會出問題，加短途特車既結果會係同正車夾唔到時間
除非將總站放牛頭角，牛頭角->上彩盈->出旺角->上彩盈->牛頭角->啟業轉圈->牛頭角，咁樣行
咁就可以make sure到牛頭角<->旺角一段唔會因為夾唔夾時間而人為導致拖卡
[ 本帖最後由 ~誰@359~ 於 2012-2-2 02:38 編輯 ]