HT408 發表於 2016-8-4 21:28
1A開緊7分鐘一班
咁你係觀塘會揀1A落尖咀定215X?
Snoopy@FB8617 發表於 2016-8-4 22:20
咁你係觀塘會揀1A落尖咀定215X?
我講漏特快比人有位入都無計
不過以往1A同13X既時間差異較細係事實
只不過問題唔係出自藍田/觀塘道咁解
213X開左就扭轉部份局面
始終秀茂坪兜唔齊
本帖最後由 dennis28a 於 2016-8-5 05:26 編輯
castanopsis 發表於 2016-8-4 06:49
其實下繁尖東路況一樣好樣衰，尤其南行，成日都塞滿車
當然，計埋應該都快過行佐敦道彌敦道到太空館，但唔 ...
搞清楚兩件事：
1. 尖東塞車問題唔係無得搞
2. 彌敦道車行其實仲順過漆咸道南好多
咁所以，點解下繁既 14X 仲會慢過一部係漆咸道南塞緊既 215X？
再搞清楚一件事，究竟 215X 下繁塞緊咩野路。
A. 漆咸道南右轉入柯士甸道
不過柯士甸道就算幾塞，對 215X 影響其實唔太大，因為 215X 一開始就入左理工既慢線，
只要下繁暢運道無事，車流就會走，其實係行到既；反而公主道落柯士甸道既車其實唔會影響到 215X 行唔行到。
B. 漆咸道南近麼地道一段
依個就正題啦，原因為大量旅遊巴強佔慢線，但你問我，只係行慢少少，又唔係行唔到。
如果真係行唔到，理論上車流會完全倒流入番去死亡交叉，結果落佐敦既巴士全部車招。
至於加士居道落佐敦道，我上個星期有朋友至係女拔塞左半個鐘唔郁（而佢既目的地係九龍站）。
我亦都試過上 104 係紅隧口，訓左 15 分鐘都仲係逸東酒店。
就算漆咸道南情況幾差，中招率遠遠唔到加士居道高。
可能我上面講得唔好
我口中既11X+796X走線，係講緊行啟德隧道+紅磡繞道
既然無論係13X、213X、定98P，本身都唔需要服務紅磡土瓜灣，紅土一段當然會用最快走線行，亦即行紅磡道
啟德隧道+紅磡道+紅繞，肯定穩定過上面提到既任何一個方案
當然，如果咁行，尖沙咀服務範圍會比較窄，個人傾向用繁時特班方式玩，補償未來重組可能產生既尖東特快真空位
咁行係唔一定係最穩定，我講過，土瓜灣道落紅磡道有太多問題要回避：
1. 上鄉道、落山道塞車黑點，依度塞起上黎，慢線巴士線等埋站；快線排隊入落山道，想快得番條中線。
（搞得巴士專線，就證明果度交通有幾麻煩）
2. 之後直落去到庇利街，睇下果時有幾塞，唔塞的話過落山道過庇利街唔太耐。
但你講到東九龍走廊塞左半條天橋既時候，庇利街通常係龍尾，個個都想轉軚入紅磡道，想左轉？你排下隊先啦。
反而跟 28 右轉仲有得行，因為無咩私家車會願意行出去歐化等死。
3. 想回避？唔好以為入海心公園一定好安全，
如果你撞正返學放學，比幾十部旅遊巴、私家車頂死崇安街，又係另一回事。
好在大陸團同對少左，以前仲有更多人係土驗附近購物，問你死未？
最荒謬既係，我就過好幾次，行海心公園仲慢左我朋友係加士居道落紅隧直出。
穩定？叫做行得走得，心理上安心少少，唔一定包生仔。
想穩定就要判斷當然係咩時間，同埋邊條路最大機會唔塞。
其實你長篇大論咁講唔同時間既路面狀況，仍然未回應213X走線既兩個主要問題——班次不穩、窒礙未來重組
你講既路面情況我可能無你咁清楚
但早繁東九龍走廊落橋行快線最快、非繁下繁行慢線cut中線最快既情況我都親身體會過唔少次
而你篇文打到咁長，其實正正帶出我想講既嘢——紅磡一帶交通狀況好複雜，邊條線最快唔能夠一概而論
正正就係因為個路況複雜，唔同司機既判斷唔同，已經可以導致前後車行車時間出現明顯差異，造成班次不穩
我相信大家唔係未見過有98D/296D既司機非繁死塞快線，搞到行車時間大幅延長，甚至因而出現脫卡
98D/296D/13X仲叫做有個總站調整下班次，213X呢？
其實我又唔係幾認同大循環好過有總站好多，最低限度係班次上面。
14X 係人版，就算尖沙咀班次亂晒大龍，都可以死都部車去鯉魚門開。
當你見識過 8、11、215X、296D 係九龍站空城計，等左 20 分鐘都無車返，仲有咩調整班次何言。
最經典係，成知巴總得 281A 叫做有車返。
另一個問題係，215X 班次好穩？單係一個新港中心上得太多客，都可以搞到加連威老道一拖二。
98D 又係咁，因為海防道上得太多客，去到柯士甸道就已經拖緊卡。
要解決脫班問題？吉車踢落山起載仲好。
而中途起載，有無總站已經唔係重點，而係邊個變部車出黎？
Snoopy@FB8617 發表於 2016-8-4 22:19
又咁講呀
有總站果三條線班次又唔係特別穩
296D亦唔見得真係好客過219X/224X
重點在於個班次有幾多密
多於你係行循環定搵到個總站泊
至於之後重組問題
只要你條線繼續落到佐敦同尖咀既
反對聲音應該唔會多
你講緊邊三條線？
以我所知，下繁計13X班次其實keep得相當唔錯（雖然開足班次都未必夠載）
98D加時後都好等咗好多
至於296D/215X，九龍站一帶既交通係死症，你擺條循環線落去只會仲衰
而條296D喺咁既情況下仍然叫做有班次，其實都係拜總站調控所托
我試過有日企寶順路數車，check返record，296D當時開15分鐘一班，最後到既時間，係1808、1831、1844、1903、1917
你想象下堆車撞正下繁時段，由九龍站塞到出尖沙咀，然後上滿，再飛啟隧、觀繞、將隧入將軍澳
最後堆車入到將軍澳時間，竟然最快都只係比編定班次快2分鐘，最慢都只係慢咗8分鐘，其實我自己覺得已經好難得
而我喺將隧口企咗不下20日，唔同時間都試過，我感覺上296D個班次都幾穩定下
我又真係唔信循環線可以做到同樣既班次穩定性
（或者可能我真係見98A/296A/219X見得太多，對長途循環實在有戒心）
至於重組障礙問題
我純粹係擔心尖東特快俾咗之後收唔返
當然你可以話服務範圍無變，反對聲音有限
但有時煩少一樣嘢得一樣嘢，如果真係因為咁而重組唔到我會覺得好可惜
尤其觀乎現時形勢，康翠尖咀線某程度上都要靠13X/213X重組去搞
（Again，我唔認為喺可見既將來區內會有本錢拆三條尖咀線去處理康翠）
本帖最後由 castanopsis 於 2016-8-5 08:21 編輯
dennis28a 發表於 2016-8-5 05:18
搞清楚兩件事：
1. 尖東塞車問題唔係無得搞
2. 彌敦道車行其實仲順過漆咸道南好多
至於加士居道落佐敦道，我上個星期有朋友至係女拔塞左半個鐘唔郁（而佢既目的地係九龍站）。
我亦都試過上 104 係紅隧口，訓左 15 分鐘都仲係逸東酒店。
就算漆咸道南情況幾差，中招率遠遠唔到加士居道高。
我唔知到近幾個月會唔會突然間差咗好多
但我以往搭104紅隧口去女拔萃一段，最塞既其實係紅隧口落死亡交叉一段
原因係有尖東車要u-turn入康莊道南行入紅隧，條車龍一出現，係可以連101/111都連累埋
至於佐敦道，路況的確係幾差
但要完全行唔到，兼倒塞到加士居道，我咁多年來只係見過一次，就係7月16日下午五點
我唔知塞到落加士居道係唔係週末下繁既"新常態"，不過講真，影響到幾多人？
西行最多人既早繁、非繁、晚間，基本上加士居道佐敦道都暢通
我會覺得，213X甚至219X、224X選擇玩循環，避塞車只係其次
最重要其實係巴士公司想兜少次尖沙咀，節省用車
如果巴士公司真係覺得加士居道咁可怕，14X一早已經跟219X咁行順時針
咁講，資源緊拙既時候透過行循環去開線我理解
但行循環搞到來回程車程不一致，西行趕佐敦客、東行趕尖東客，仲要犧牲總站區應有既班次穩定性，我覺得唔係咁理想
咁行係唔一定係最穩定，我講過，土瓜灣道落紅磡道有太多問題要回避：
......略.......
紅土邊條街幾時塞我肯定無你咁清楚
但我上面講得開繁時特班，就當然係根據繁時一兩個鐘既交通狀況去釐定走線
最低限度應該唔會撞正返放學時間、旅遊巴時段，根據你上面所講，海心公園應該安全
而我會相信，無論如何，行紅繞都會穩定過東九龍走廊
我之前有一排要搭98D坑口特尾班出尖沙咀，條東九龍走廊真係夠膽死一日完全唔塞，另一日塞到橋面
九碼一帶應該點都無咁差
其實我又唔係幾認同大循環好過有總站好多，最低限度係班次上面。
14X 係人版，就算尖沙咀班次亂晒大龍，都可以死都部車去鯉魚門開。
當你見識過 8、11、215X、296D 係九龍站空城計，等左 20 分鐘都無車返，仲有咩調整班次何言。
最經典係，成知巴總得 281A 叫做有車返。
另一個問題係，215X 班次好穩？單係一個新港中心上得太多客，都可以搞到加連威老道一拖二。
98D 又係咁，因為海防道上得太多客，去到柯士甸道就已經拖緊卡。
要解決脫班問題？吉車踢落山起載仲好。
而中途起載，有無總站已經唔係重點，而係邊個變部車出黎？
你講既問題其實叫做行車時間不足
如果14X行車時間好似九龍站堆線咁緊，一樣會無車返
喺俾夠行車時間既情況下，循環線個班次肯定會差過有兩邊總站既線
要知道，以213X為例，總站擺一部車已經係一個20分鐘既buffer去穩定班次
當然唔擔保20分鐘夠用，但至少有好過無
最後修正你一點，98D下繁因為尖東同彌敦道都多客，好多時發車模式會好奇怪
至少我見過不下一次係連開兩部車，一部淨做尖東，另一部直踢海防道起載，最後兩部拖住入將軍澳
咁就解釋到點解柯士甸道會拖卡
（講真，我其實唔係幾鍾意站長咁玩，因為兩部車經常互相頂死，搞到後面真係拖卡，我寧願佢班次開密少少或者玩AB站）
castanopsis 發表於 2016-8-5 07:33
你講緊邊三條線？
以我所知，下繁計13X班次其實keep得相當唔錯（雖然開足班次都未必夠載）
98D加時後都好 ...
13X同98D班次keep得唔錯?
或者係尖東總站開出就係既
但係只要係佐敦睇既
唔難發現仍然間唔中一班頂閘一班窗口都唔滿
應該咁講
基本上你一到繁忙時間漆咸道南/廣東道連埋梳士巴利道轉入彌敦道
就已經班次唔會穩定
唔否應有總站係好少少既
不過真係唔差得遠
第一件事反而我會諗既
老九想唔想做重組先
尖唔尖東特快真係好次要既問題
唔駛講多 13x 除左塞死亡交叉 佐敦
重要塞埋美麗華到柯士甸道一段彌敦道
本帖最後由 dennis28a 於 2016-8-6 00:02 編輯
castanopsis 發表於 2016-8-5 08:07
我唔知到近幾個月會唔會突然間差咗好多
但我以往搭104紅隧口去女拔萃一段，最塞既其實係紅隧口落死亡交叉 ...
都可以肯定唔係依幾個月，兩年前又係咁，年半前又係咁，早幾個星期都係咁。而且加士居道問題，係下午五點打後就開始現形，仲要係無定向果下先死，
今日唔中招，唔代表聽日無事，今日五點無事，但聽日可能五點就有事，而去到七點又正常番果下至過癮。
我會覺得，213X甚至219X、224X選擇玩循環，避塞車只係其次
最重要其實係巴士公司想兜少次尖沙咀，節省用車
如果巴士公司真係覺得加士居道咁可怕，14X一早已經跟219X咁行順時針
咁講，資源緊拙既時候透過行循環去開線我理解
但行循環搞到來回程車程不一致，西行趕佐敦客、東行趕尖東客，仲要犧牲總站區應有既班次穩定性，我覺得唔係咁理想
14X 唔可以逆時針，因為係 14 特快線，一定要落佐敦先。
如果你研究過 14X 係中間道舊乳豬紙，佢預計到站時間會係下午五點開始加，最可怕係加左 20 分鐘都仲可以遲多 15 分鐘至到。
又倒返轉講，有總站但永世無車返，除非踢大量車去做起載，否則對中途站班客而言，點搞都唔見得有幾穩定（215X 係尖東批客係人板）。
紅土邊條街幾時塞我肯定無你咁清楚
但我上面講得開繁時特班，就當然係根據繁時一兩個鐘既交通狀況去釐定走線
最低限度應該唔會撞正返放學時間、旅遊巴時段，根據你上面所講，海心公園應該安全
而我會相信，無論如何，行紅繞都會穩定過東九龍走廊
我之前有一排要搭98D坑口特尾班出尖沙咀，條東九龍走廊真係夠膽死一日完全唔塞，另一日塞到橋面
九碼一帶應該點都無咁差
海心公園得早繁叫做正常少少，下繁要差起上黎，有時同上橋塞車係咩分別。
都係果句，如果東九龍走廊上到橋面，仲有其他司機會轉入下路逃離現場，
又倒番轉，馬頭圍道每朝咁多車，你去到東九龍走廊大塞，姐係有唔少私家車一早係宋皇臺走入下路。
既然個個都想快而駛入下路，早繁又有幾唔繁忙呢？
唔係話開兩味特別班唔可行，但以今時今日下路交通情況，又應唔應該唔好再塞車入去？
再塞多幾部 5-10 分鐘一班巴士，沿途又多燈，每 5-6 部巴士加埋咁多車，行一行就頂一支燈，
特別係果段下路出名係塞車黑點，真係唔好對下路有太大幻想，只係多個選擇。
有心想改善情況，最少等紅磡道延長到浙江街，咁可能有少少好轉。
你講既問題其實叫做行車時間不足
如果14X行車時間好似九龍站堆線咁緊，一樣會無車返
喺俾夠行車時間既情況下，循環線個班次肯定會差過有兩邊總站既線
要知道，以213X為例，總站擺一部車已經係一個20分鐘既buffer去穩定班次
當然唔擔保20分鐘夠用，但至少有好過無
正如我上面所講，其實 14X 兩繁行車時間係預鬆 20 分鐘係加士居道塞車，
唔好問 14X 點追番班次，事實上係有比鬆近半個鐘行車時間比佢。
條條尖沙咀線全部上、下繁都有加時，但加左時又點？
單係 215X，上、下繁去到九龍站完全亂晒，仲要係一脫脫 3-4 班車，總站有幾多 Buffer 係無用。
最後修正你一點，98D下繁因為尖東同彌敦道都多客，好多時發車模式會好奇怪
至少我見過不下一次係連開兩部車，一部淨做尖東，另一部直踢海防道起載，最後兩部拖住入將軍澳
咁就解釋到點解柯士甸道會拖卡
（講真，我其實唔係幾鍾意站長咁玩，因為兩部車經常互相頂死，搞到後面真係拖卡，我寧願佢班次開密少少或者玩AB站）
98D 咁做既原因係因為經常性一拖幾返尖東，而中間有段過鐘空窗期完全無發車，
尖東站長咁做，因為佢地計過數，如果尖東踢去海防道最少快番最少 5-10 分鐘，咁樣可以令彌敦道班客變相有番拉番疏正常班次出黎清客。
但問題係，中途起載班車埋站時間太耐（一上每個站最少上成 3 分鐘），而總站各停班車因為有前車清客，海防道、栢麗埋站時間又秒殺，
最後去到柯士甸道，兩部車點會唔拖卡。
不過係班客角度，只係得勞資審裁處打後班客比較慘，反正彌敦道班客最少一定有部車有位上，係好事黎。
而家巴士公司唔太敢玩 AB 站，咁樣會比人投訴點解唔比我上後面部車，結果兩部車要由尖東拖到去山谷道，去到將軍澳反而仲耐。
kay 發表於 2016-8-4 22:36
我講漏特快比人有位入都無計
不過以往1A同13X既時間差異較細係事實
咁而家 213X 叫做有返少少進步，但我始終認為唔得激動。
先唔理尖沙咀點分工；
要激動，213X 應該係安達兜落秀明道之後，就立即上觀繞，
而原有 13X 就由上秀開，做番原本批客入機隧。
到時中秀、寶達、安達臣有快車，又唔影響曉光街、樂華、牛頭角利益。
本帖最後由 cheungtszfung 於 2016-8-6 00:21 編輯
dennis28a 發表於 2016-8-5 23:59
都可以肯定唔係依幾個月，兩年前又係咁，年半前又係咁，早幾個星期都係咁。而且加士居道問題，係下午五點 ...
仲有一點，14X行順時針圈就會係尖東區車站同215X全部打對面，連雞都無得執
同樣道理，九巴想搏寶達樂華13X客坐213X，所以213X只可以行順時針圈，唔關塞車問題事