九巴 287X 下繁上唔到車問題
正如題目 , 本篇文是關於 287X 於下繁上唔到車的問題 .287X 自從開辦 , 憑著青沙公路快速直達沙田的優勢大受歡迎 ,
尤其以大角咀為甚 , 從奧運站出發 , 可以做到 15 甚至 10 分鐘返到大圍 ,
與前身 87A 完全無得比 , 亦因此大角咀下繁往往於好幾個車站都有唔少乘客等車
然而因為 287X 途經佐敦道 、 彌敦道加上循環運作 , 塞車和脫班的情況經常出現
大角咀的乘客因而經常要等候大量時間 , 叫苦連天
但下繁 287X 於大角咀經常出現頂閘情況 , 導致乘客即使於巴士站等候多時仍無法上車
亦不時有人會於網上反映此問題 , 證明此問題係有需要解決 ,
面對水泉澳人口不斷上升 , 預計 287X 客量將會繼續增加
但九巴遲遲不肯解決問題 , 究竟這種情況何時才得以解決 ?
287X換哂新車又加了S50字軌。早排放工時間至19:00, 九巴有職員在君滙港睇287X, 之後再無動作。
問題都是當日開287X低估了有一班返工客, 無論在奧運站/ 九龍站/ 香港站會用它做駁腳入大圍轉車去沙田, 馬鞍山, 大埔, 什至北區。
drbean7218 發表於 2016-8-5 18:45
287X換哂新車又加了S50字軌。早排放工時間至19:00, 九巴有職員在君滙港睇287X, 之後再無動作。
問題都是當 ...
因為大角咀本身搭鐵返新界東路線迂迴又要多重轉車 , 成人車費亦比 287X 高
287X 剛好大角咀是尾站返沙田 , 又連接著奧運站 , 吸引力夠大
不過最意外既都係估唔到可以同時做到東涌線接駁既角色 ,
相信都有D出乎九巴意料之外
bjbus 發表於 2016-8-5 19:02
建議全線改用大水塘，
包可以上車，不過你地會話無位坐
有咩所謂，在奧海城企一陣都到大圍站落車。
問題是放工時間經常出現25-30 mins 一班，有eta都無用。
現在我搭緊287x 入大圍，部車入到柏景灣已經坐滿了95%。
Snowbb 發表於 2016-8-5 19:00
因為大角咀本身搭鐵返新界東路線迂迴又要多重轉車 , 成人車費亦比 287X 高
287X 剛好大角咀是尾站返沙田...
我經常話最緊要夾到287x。夾到的，香港站去大圍站都是20-25 mins。
香港站去帝柏海灣上埋287x，最快10分鐘搞掂。
其實搭左咁多次奧運站真係嚴重地幾班車都上唔到
基本上都係有交通意外做成
正常情況差極第一班頂閘都好
第二班講緊四五分鐘已經到仲有唔少位坐
今日我搭個班唔夠四十人就已經上青沙
drbean7218 發表於 2016-8-5 20:41
有咩所謂，在奧海城企一陣都到大圍站落車。
問題是放工時間經常出現25-30 mins 一班，有eta都無用。
我試過早幾個星期有晚行過奧運站，六點幾班次，
一個站一班車可以上近三十幾人...
其實會唔會安排D車係山東街／旺角街市／奧運起載
始終依D加班車對舒緩脫班情況比全程車更易就時間、更有效解決久候未能上車問題
980X, 982X, 985 回程., 便能抒緩287X 壓力/ 開新客源
到時再唔得, 就加大角咀特車
坦白講, 而家個路線發展轉得唔夠快, 唔夠華麗