碌到咁離譜 抵俾人投訴

原帖由 gordon 於 2007-8-6 14:29 發表

如果係司機故意放慢車速, 九巴係受理架.

試過有次我投訴某條東九龍去西九龍的市區線有司機碌車, 結果九巴去查, 仲要查出個司機真係
碌車(同前車相差成11分鐘才到總站), 九巴話會派便衣監察.

因為司機故意放慢車速 ...

我早兩日都投訴左 116 (九巴)，我係歐化對面果個站等車，等左 15 分鐘都無 116 都覺得奇，
到差唔多 20 分鐘，有架 116 黎，8 成滿，但趕時間無計，照上，一開車已覺得唔對路，
當時往香港方向兩條線都塞滿車，但往尖沙咀(加士居道)方向就暢通，架架隧巴都諗計抽出去行，
偏偏我呢架就係度排隊，排左 5 分鐘先施施然打燈抽頭，淨係咁樣都用左差唔多 10 分鐘，我又趕時間，
心裡面已經好急，都算數，跟住沿途都好塞車，佢慢我可以接受，但出隧道，鵝頸橋塞到頂返落黎隧道入面，
佢見條長長車龍，就拿拿聲去排隊，好喇，跟住入戲肉，等下又等，等下又等，d 車一步一步咁郁，
後面第一架 116 出現，行慢線走左，過多三分鐘，第二架 116 出現，亦一樣，再過多兩分鐘，第三架 116 都一樣。
連續三架 116 都過晒，真係火都黎埋，排到去鵝頸橋，又係拿拿聲搵機會塞入慢線，又係等等等。
到落橋，明明見右邊線係塞到唔郁，但左邊線 d 車係咁行，等下又一次轉紅燈，等下又一次，等到轉左三次燈，
佢先死死氣 cut 出左線行，跟住去到 SOGO 門口果個站，前面架 116 對正站落客，我地架車停左係 38，42 果個站，
佢又唔肯開門落客，最後我去到天后銀幕街果個站足足坐左 1 個鐘，1430 上車，1530 先落車

話時話，今日坐 6A 某密龍掛牌，坐到我好鬼死火.......

係尖沙咀碼頭上車，架車就一路係咁碌
架車又唔係好多人坐 wo
但係未到中央郵政局，已經被後車 6A AVW 扒頭 LA

如果唔係我今日帶唔夠錢出街，又冇車跟，我都唔使慢慢等熱狗返屋企.........