新高鐵方案問答大會

再睇返某壇有人貼出黎ge當年會議紀錄:
http://www.legco.gov.hk/yr06-07/ ... 207-translate-c.pdf

"公民黨基本上支持興建這條鐵路，但最難以理解的是，為何政府多次聽到立法會各黨派在不同會議中均要求為廣深港高速鐵路興建專用鐵路，但政府及九鐵卻一直不理立法會一致的聲音，反而仍要求顧問公司研究與西鐵共用鐵路及設專用通道這兩個方案。既然立法會已有一致的看法， 為何仍要花一大筆顧問費用， 研究如何與西鐵合用一條路軌呢？ 其實，東鐵的例子正是很好的顯示，我們看到東鐵列車每天也因要遷就1 8 班跨境列車而作出特別的車務安排。"

再引用今日新聞:
http://news.mingpao.com/20091220/gna1.htm

"公民黨議員梁家傑批評政府似不欲民間再討論高鐵項目，急於靠鐵票讓工程通過，似乎所有項目都要讓路。他表示，政府雖然不斷反駁民間提出的錦上路方案，但有利益衡突，因此沒有說服力，至少應聘請獨立專家研究其是否可行，才可令人心服。"

真係唔知應該點去理解好

大家有機會廣泛散播上述前言不對後語之經典, 好讓多o的人知道公民黨的真面目。

謝謝分享。

原帖由 syp 於 2009-12-21 00:09 發表
大家有機會廣泛散播上述前言不對後語之經典, 好讓多o的人知道公民黨的真面目。

謝謝分享。

我要告狀（師）！
我都有親戚被人誤導，話起去錦上路可以慳返好多錢，可以方便屯門元朗居民，
話政府好離譜，當公帑係自己錢，亂洗。
我就話，我支持起去西九、希望減價、起到錦上路不如完全唔起。
當時我沒有提及有人反口覆舌之事，因為大家都係講幾句嗟，到頭來起唔起都唔會影響到自己。
另外，這位親戚亦都支持總辭，可能因為佢已經好多年冇野做，怨氣甚深。
我同我爸意見一致，高鐵一定要起去市區，才能有足夠客源，才能物有所值。

要記住，六百幾億唔起高鐵，唔等於會派錢！被政客玩弄的大學生們，咪發夢啦！
香港段要咁貴，係因為材料、人工都比內地貴好多，要平咪用內勞同豆腐渣囉！
將高鐵全段當成內地領土囉！（但基本法唔畀喎）
阿支阿左，乜議員你自己去掘丫！用你自己份人工去貼丫！

下次不如發動「支持西九高鐵　聲討反口覆舌」包圍立法會啦！！！
－－－－－－－－－－
#171的文件

P.97
鄭家富議員：
廣深港區域快線是港珠澳大橋外，另一項被長期拖延的工程。
早於九十年代， 政府已進行區域快線的研究工作，但時至今天，
當內地各城市路段紛紛動工之際，香港卻仍停留在走線爭論的階段。
政府仍在共用通道（ 即與西鐵共用）或專用通道的問題上猶豫不決。
民主黨希望政府採用專用通道方案， 盡快興建廣深港區域快線。
不過，希望政府在採用專用通道的同時， 不要中止北環線的規劃及興建工作。

好喇，而家係邊個令香港仍停留在走線爭論的階段？係邊個令高鐵一拖再拖！

P.195
湯家驊議員：
第一，為何政府在每一項大型基建上馬前，總像欠缺一套全盤計劃，
而其落伍、短視的規劃， 更令新的配套不久便已飽和， 以致需要更多大型基
建來支援原有的建設，最終因規劃失當而浪費公帑。第二， 我們不明白為何
政府在規劃大型基建時， 每每好像沒有清楚評估對環境及當區居民的影響，
也似乎沒有設法把影響減至最低。

第一點：誰短視、誰落伍？
第二點：全隧道專用方案正正是設法把影響減至最低！

扮作美式火車站人員聲音：
All ablog! (Original: All aboard!)
－－－－－－－－－－
是可忍孰不可忍，我明白反高鐵人士有自己的standpoint，亦尊重他們的意見，
但希望他們潔身自愛，不要和前言不對後語、反口覆舌、撈油水的政客扯上關係，
這只會玷污了他們的純真、令他們的訴求失去真正想表達的價值，
不論支持或是反對高鐵，我們作為選民都被政客愚弄、出賣了！
社會之所以分化，發展毫無寸進，正因為有口水多過茶得閒去飲茶的尊貴議員們，
多番拿我們單純的意見作為自己的戰衣，到處挑起火頭，燒著後的爛攤子卻要我們收拾、使計令我們互相攻訐！

實在太激動，請原諒我用了這麼多粗字和感嘆號。

[ 本帖最後由 DIH 於 2009-12-21 14:01 編輯 ]

佢地跟本就係反正苦
而唔係反高鐵..

如果正苦e  一刻係反對起高鐵的話 , 我諗我地唔洗2015 就搭到高鐵喇

佢地成日都話700億可以做咩可以做咩? 但唔起高鐵就等於政府會重新興建居屋?
跟本就兩回事...

唔怪得民主黨唔參加五區總辭啦, 因為佢地怕返唔到立法會囉..

[ 本帖最後由 JF1261 於 2009-12-21 17:05 編輯 ]

突然唸到一個新論點
唔知大家覺得有無point
有人話可以起到去錦上路就算
我覺得可以拎返九龍南線一段通車前後ge客量變化做例子去解釋乘客心理ge影響
未有九龍南線果時
坐西鐵去美孚或者南昌轉車一樣只係要轉一次車就可以入CBD
柯士甸站又係"吊腳站"
起果時要反轉成個尖沙咀(計埋尖東延線真係反轉左成個尖沙咀好多年)
去尖東轉車又要行得咁遠
時間優勢唔係特別明顯
但係事實係西鐵響九龍南線起好左之後客量就明顯急升

由兩年前ge事例
已經睇到係政府做得越急佢地越想拖
政府越係拖佢地就越係要催
政府都要學下點樣玩曲線

原帖由 kychung 於 2009-12-21 18:09 發表
由兩年前ge事例
已經睇到係政府做得越急佢地越想拖
政府越係拖佢地就越係要催
政府都要學下點樣玩曲線

而家政府最好就懶懶閒，最多攤晒多年來與區域快線／高鐵有關的立法會紀錄出來，
放在立法會大樓外免費取閱，唔好成日提住西九先，過多一頭半個月，總辭過埋，
某類人士正為失去議席而煩惱、或為衝擊政改方案而分身不暇時，白駒過隙搞掂高鐵。

似乎「林生」（負責政改的那位林生）更加懂得軟骨功。

[ 本帖最後由 DIH 於 2009-12-22 10:19 編輯 ]

今日有人似乎見被爆料，知衰想褪軚。

以下是節錄，旨在引起興趣，難免斷章取義，
為了有更全面的判斷，各位應查看原文。

http://news.mingpao.com/20091222/gsu1.htm

"公民黨梁家傑認為，若政府認為道理是站在政府一邊，不妨花時間讓社會消化政府的理據。"
即梁家傑都話政府有可能正確，唔係錯晒。

"財委會主席劉慧卿昨與傳媒茶磘時表示，上周五並沒有人告知她泛民會配合「打拉布戰」，
但她聽到有市民不滿立法會未能通過高鐵撥款，是因為有議員利用程序刻意拖延。"
即類似我們這班人的聲音，不消兩天已經傳到卿姐耳裡，不排除他們黨內或親信都對盲目反對有質疑。

"公民黨湯家驊昨表示，他在上周五以「要求聘請獨立專家」提出動議，若再由他提出動議，似乎不太好"
假如有根有據，理直氣壯，由同一人重提有何不好？家陣輪流請食飯呀？

"公民黨余若薇指該黨暫未有提出類似動議的計劃，但要視乎關心高鐵的民間團體會否再揭露新的資料：
「他們揭的資料真是愈揭愈多，作為議員當然有責任跟進。」"
大律師們應該明白，無謂為了同班窮苦大眾玩泥漿摔角，
而得失中產、中小企、專業人士、白領藍血長期支持者。

「關心高鐵」可以是支持或者反對；
而我不認為反對高鐵陣營有甚麼「資料」可以「揭」，
一來那是他們自己寫出來的，不是揭出來的，只是我們在揭公文袋的往史罷了；
二來他們提出的根本不是資料，說得好聽是訴求，不好聽是妖言惑眾，
甚麼衝擊波、收樓被壓價、西九大擠塞，算係「資料」嗎？
定係菜園村係官地、村屋大部分係霸佔官地的寮屋、錦田依據發展規劃根本不可能做副都心、
區域快線／高鐵已經討論十年、政府現在的方案正是回應公文袋三年前的提議、
越來越多網民表示不支持公文袋，這些才是「資料」呢？

所以余大狀此句，係一個屈尾十將全黨急煞車，
單係總辭已經焦頭爛額，但洗濕個頭頂硬上，
支持高鐵、討厭拖延的民意已經浮頭，若然公文袋錯估形勢以為自己「降呢」好威，只係不自量力。

反高鐵的人，知道甚麼是政治了吧？

[ 本帖最後由 DIH 於 2009-12-22 13:55 編輯 ]

其實飯民響呢度有線眼已經係公開ge秘密
呢張"牌"傳到佢地耳中其實好正常
而率先揭露有人前言不對後語ge係被稱為充滿打手ge某大壇
我自己就唔係幾認為真係有"網民"有咁好心機去搵返幾年前ge文件黎算賬ge
(雖然一早就已經知道飯民呢一刻至黎反高鐵係忽然轉太)
或者我地響呢件事上都係親建制陣營ge棋子呢

原帖由 kychung 於 2009-12-22 12:36 發表
其實飯民響呢度有線眼已經係公開ge秘密
呢張"牌"傳到佢地耳中其實好正常
而率先揭露有人前言不對後語ge係被稱為充滿打手ge某大壇
我自己就唔係幾認為真係有"網民"有咁好心機去搵返幾年前ge文件黎算賬ge
(雖然一 ...

講真，即使係我呢個普通人唔係咩打手，但單憑我記憶，都記得佢地前言不對後語，
近個幾兩個月我對佢地齋up有金執的怨氣已經好勁，正正想省佢地一巴，
我又賦閒在家，有心機的話要搵返以前的文件逐個插有咩咁難，
不過只係我未出手而有人已經貼了連結而已，咁我當然要加以善用。

即係話，今次已經唔止打手出動，唔係可有可無的政治議題，
而係議員阻撓他們自己原本大力支持的基建，令原本沉默、支持民主的人，
都對泛民的操守及誠信極度懷疑（或進一步印證懷疑）而希望採取行動一洩怨憤，
而建制派只係做緊一直以來的角色，知趣地沒有聞聲起舞（不變應萬變係高招）。

真理越辯越明，一味指摘對方、迴避問題核心、抗拒深入了解的，好明顯真理不在他們身邊，而時間會證明一切。

非常巧合地，高鐵同總辭時間上couple在一起，泛民如果唔係自己拿屎上身，根本唔會天怒人怨。

社會急速發展，訴求多元化而且一時一樣，政客若對時事沒有充份認識，
對要求專業知識的技術性議題還是不要多嘴為妙，除非對方主動邀請啦。
好似卿姐咁，高鐵一事沒有介入太多，話不要說得太盡，
咁有起咩事上來都可以見風轉舵，卿姐不愧係卿姐呀下。

本來係總辭還總辭，高鐵還高鐵，我諗當初都冇咩人預料到而家會有「協同效應」，大家一於玩鋪勁既。

OT：我都很奇怪，總辭一事其他論壇已經吵得面紅耳熱，
為何italk好耐都沒有出現討論總辭的文章，就算近來終於有，回應少得可憐，大抵大家心裡已有決定吧。

成篇野都好政治添～