羅湖站重開

羅湖站重開恢復2加1班次


下圖由 hkitalk.media 小編加上

龍先生終於可以光明正大咁搭R-Train入羅湖

班次與疫情前相同, 但疫情前多3卡喎

魔雪巴士頻道 發表於 2023-2-3 22:09
班次與疫情前相同, 但疫情前多3卡喎

多年前，某位權威站友，多次強調東鐵新車雖然少3卡，但屆時信號系統會更新到識飛，會大幅加密班次，所以每小時車卡數量，會同12卡車時相若/更多。唔知羅湖重開時，成真未？？
即使如有神助，真係做到每小時車卡數量同12卡車時相若/更多，但別忘記頭等這東鐵獨家怪物。所謂12卡同9卡，嚴格黎講，係11+1同8+1，即係加密班次後，仍然每班1卡既頭等，就肯定做到每小時數量增加，但少左3卡既普通等，補唔補得返呢？

MTR新聞稿

kk12120 發表於 2023-2-4 06:58
MTR新聞稿

金鐘往羅湖尾班車23：01開出，往落馬洲尾班車21：29分開出

mckhgc 發表於 2023-2-3 23:30
多年前，某位權威站友，多次強調東鐵新車雖然少3卡，但屆時信號系統會更新到識飛，會大幅加密班次，所以 ...

以前12卡嘅南北行尾三卡根本好少客，上繁只係維持出軌前嘅2.5分鐘一班都無爆鑊啦
嘈嘅點都只係北部都會對條東鐵綫客量有幾大影響，但北區保鐵比率本身都高，大把空間轉移去點對點巴士到

東鐵綫大圍被逼留後都只係出現喺沙田特之後一班
對比屯馬綫無論上下繁郁啲就尾站甩班留後，東鐵綫削剩九卡後做到呢個成績已經好好

注意到班次間距嘅安排同疫情前有啲唔同

平日日間中段，以前嘅班次間距係：
落馬洲 - 3分 - 羅湖 - 6分 - 羅湖 - 3分 - 落馬洲 (即來往羅湖班次固定相隔6分鐘)

而家就應該改成：
落馬洲 - 4分 - 羅湖 - 4分 - 羅湖 - 4分 - 落馬洲 (即金鐘 - 上水一段班次固定相隔4分鐘)

相信而家嘅安排可以喺一定程度上改善以前載客率不均嘅問題

Ricky403 發表於 2023-2-4 11:10
以前12卡嘅南北行尾三卡根本好少客，上繁只係維持出軌前嘅2.5分鐘一班都無爆鑊啦
嘈嘅點都只係北部都會對 ...

以前(如果係講2019年6月前，仲係蝗蝸極嚴重既年代)，所謂12卡尾三卡根本好少客，通常只限北行，北行客量好易估，通常頭3卡普普通通，第4卡最少人(頭等)，第5卡喪爆多人，之後越後越少人，尾卡通常大把位。其實我唔明原因，因為尾卡喺九龍塘對正兩個電梯位。

而南行就非常難觸摸，大概係卡卡都咁多人，亦可以話分配得比較平均，但偶然有D係頭幾卡好少人，頭等後尾3卡多人。

可能係同南行起載點眾多(羅湖、落馬洲、上水、大埔墟....)有關，唔同起載點既旺位都唔同，例如大埔墟係巴士站近尾卡，大多數人都要搭巴士小巴到大埔墟站，所以大多數人都係車尾上車。

相反北行起載點就幾乎全部都係紅磡/尖東，所以乘客分佈就比較統一。