市區綫轉車站問題

荃灣綫、觀塘綫、港島綫、將軍澳綫轉綫站如太子、旺角、金鐘、油塘，有時車長見對面有車會秒速關門，有時等埋對面架車乘客，等成兩分鐘，繁忙非繁忙時間都會出現，結果有時幾班車塞入一班車，轉車站下個站乘客就上唔到車。

其實除左收車前時段，都冇必要等對面班車，市區四綫下班車一般都是三至四分鐘，有時等埋對面令到下一個轉車站駁唔到車，例如因為太子等埋遲左兩分鐘，荔景夾唔到東涌綫，乘客要等8-10 分鐘，或者金鐘等埋去到北角走左對面班康城列車。

除咗荔景站，我覺得其他線都無乜需要互等，又唔係好似九巴啲轉車站咁疏車

Ohm 發表於 2023-12-10 21:34
除咗荔景站，我覺得其他線都無乜需要互等，又唔係好似九巴啲轉車站咁疏車 ...

對觀塘綫乘客來講, 將軍澳綫實在太疏, 很多時非繁兩至三班觀塘綫才有一班將軍澳綫.

經常呆企油塘站等將軍澳綫, 或者睇住呢邊開門, 對面即刻關門, 除非有人勇於以「身」犯險衝門, 才死死地氣打番開門亦時有經歷.

其實都未必係車長專登等, 可能係有客上落, 無法即刻閂門

Ohm 發表於 2023-12-10 21:34
除咗荔景站，我覺得其他線都無乜需要互等，又唔係好似九巴啲轉車站咁疏車 ...

以前（早十年八年前）多數會等，但近幾年越來越少。
疫情開始後更明顯，寧願俾自己架車早開或者夾到人都唔好遲開。

有次非繁金鐘紅轉藍個月台，我搭藍線，一開門就即刻播請勿靠近車門，開門大約6-7秒就閂。
原來紅線班轉車客啱啱跑到門前，應該藍線車長知道兩條線一齊開門，所以急急腳開走。
太子旺角依家都一定唔等，對面月台早10秒開門都送車尾，除非太多人要上車，未上晒人下班車轉車客過到嚟。

EX-TL 發表於 2023-12-11 12:25
對觀塘綫乘客來講, 將軍澳綫實在太疏, 很多時非繁兩至三班觀塘綫才有一班將軍澳綫.

經常呆企油塘站等將 ...

東涌線都一樣，比例上比綠線：紫線更差。
荔景夜晚非繁10分鐘都可以唔等轉車客，亦唔只一次咁，最誇張可以點呢？
星期五夜晚十點八一班東涌線食五班紅線。
22:29紅色線荔景轉返青衣，目送東涌線閂門開走（下一班係22:39）。
中間兩部紅線到，東涌線未到。
東涌線到嗰時，第四班紅線啱啱開出（當時22:40，東涌線都遲咗少少）。
本來架東涌線迫到飛起，但個車長仍然堅持等，因為下班紅線又準備入站。
到22:43兩條線先一齊開走。
以前成日依啲時間返去，我喺荔景都唔知浪費咗幾多時間，星期日至四晚班次一定唔夾。
近一年搬走咗真係唔駛喺荔景等到燥。

TA7343@N241 發表於 2023-12-11 18:34
以前（早十年八年前）多數會等，但近幾年越來越少。
疫情開始後更明顯，寧願俾自己架車早開或者夾到人都 ...

太子旺角好似自從四線搞慳電模式之後就好少等
不過而家份時間表編定上層月台係夾到時間嘅
下層月台就大家都準時嘅話會送車尾
當然太子因為觀塘綫上行例遲所以都大機會唔駛等
但旺角就多數要等足一班荃灣綫下行🤭

TA7343@N241 發表於 2023-12-11 18:47
東涌線都一樣，比例上比綠線：紫線更差。
荔景夜晚非繁10分鐘都可以唔等轉車客，亦唔只一次咁，最誇張可以 ...

荃灣綫夜晚個5分鐘一班時間表上行編得30-30.5分鐘跑
淨係荔景到站時間，遇著唔同車長都可以+/-1分鐘，好難預埋駁東涌綫個時間啦

Ricky403 發表於 2023-12-12 10:41
荃灣綫夜晚個5分鐘一班時間表上行編得30-30.5分鐘跑
淨係荔景到站時間，遇著唔同車長都可以+/-1分鐘，好 ...

東涌線上行荔景22:19後到十二點都係逢8字尾到，9字尾準備開，三四十秒咁上下閂門，踏正0字尾離開晒月台。
星期日至四晚五分鐘時間表比較緊但亦唔算鬆，紅線幾乎次次上行逢0同5字尾荔景到站開門，未試過可以早入站或兩條線一齊互轉到。
就算紅線遲到都好，過咗荔枝角就有大把時間追（荔枝角去荔景慳電模式下開得好慢）。
即係去到荔景轉東涌線上行，一係等4分鐘，一係呆等9分鐘。
遲到情況星期五晚就先比較多，可能真係太多客。

下行22:00後東涌線到荔景就逢8字尾到，而日至四晚紅線到荔景就逢1同6字尾到，兩線同樣好少互轉到。

TA7343@N241 發表於 2023-12-12 13:44
東涌線上行荔景22:19後到十二點都係逢8字尾到，9字尾準備開，三四十秒咁上下閂門，踏正0字尾離開晒月台。
...

美孚去荔景本身跑嗰段落咗限速啦，而家都唔再碌入站
就算過完中央側線波口再畀盡力上斜到尾，同而家個慳電模式比都係快10秒左右，一個彌敦道段嘅彈門都唔夠追

可能而家荃灣綫夜晚客量又再跌咗cut咗dwell少咗彈門啦
之前東涌綫夜晚轉荃灣綫，有時都唔係等一等就有車，都要架東涌綫走哂，荃灣綫先至見到車頭燈
甚至試過東涌綫到站係見住荃灣綫走然後出3分鐘