【附圖】將軍澳線北角越位隧道詳細佈局+北港島線定線討論

原文在此：http://www.hkitalk.net/HKiTalk2/ ... tra=page%3D1&page=3

經連月來的資料搜集及整理，將軍澳線北角越位隧道的詳細佈局大致如下（見附圖）：
- 將軍澳線進入北角越位隧道之調頭列車，其停止位置在交叉波口中間點前方約320米
- 止衝擋設於停車位置之前方約70米
- 止衝擋後面有仍有一段長約150米、無安裝信號及機電設備的路軌
- 上述的路軌盡頭後面仍有一段長約60米、無鋪設路軌的隧道
- 西行及東行隧道盡頭分別位於維景臺及君悅華庭下方，距離港島線行車隧道約30米

因應當年為將軍澳線預留接駁北港島線(換線方案)的條件，地鐵公司把原先的
北角越位隧道向西延長270米，直指天后站，以便將來只需進行較小規模的挖掘。
現在北港島線改用交匯方案，越位隧道由接駁天后站，改為接駁新建的銅鑼灣北站，
止衝擋後面約210米長的預留隧道，除非打通港島線並興建渡線，否則將會失去其功用。

我想了解下兩條overrun 管道係邊個位開始上/落斜

佢地嘅盡頭係預備接駁港島線, 即係各自同兩條港島線管道係同一個水平
而係交叉波口嗰個位就一定係同一個水平
咁呢兩條管道係係邊個位置左右分道揚鑣?

係過咗交叉波口之後,
通風口之後,
停車位置之後,
止衝擋之後,
定係停車位置同止衝擋之間, 嗰條橫向通道之後?

好懷疑北港島綫起好後連宜家調頭隧道用緊嘅部份都會棄用，因為原有設計係連接港島綫隧道但宜家變左要避開港島綫隧道
根據現時港鐵作風，應該唔會嘥錢起不常用嘅渡綫，例如南港島綫取消左金鐘站連接港島綫嘅渡綫；
但會嘥錢拆毀棄用嘅隧道，例如西港島綫拆毀上環站前港島綫調頭隧道嘅尾段連通風站，以免日後要花錢做保養
相信呢段生不逢時嘅隧道未來會消失喺地圖上

marcowong1011 發表於 2017-7-1 21:32
我想了解下兩條overrun 管道係邊個位開始上/落斜

佢地嘅盡頭係預備接駁港島線, 即係各自同兩條港島線管道 ...

由停車位置開始，西行線就一直以坡度3%下斜至接近隧道盡頭才改為平坦，
而東行線就先以平坦，再以坡度3%上斜及短暫下斜至隧道盡頭再改為平坦。
西行線及東行線之間的小通道是一條接近平坦的斜道。

P.S. 附圖上的停車位置略為向西修正

hokachung 發表於 2017-7-2 02:28
好懷疑北港島綫起好後連宜家調頭隧道用緊嘅部份都會棄用，因為原有設計係連接港島綫隧道但宜家變左要避開港 ...

北港島線改為交匯方案後，北角站西面的定線也截然不同了，
但目前的北角站調頭軌道部分未必一定會棄用，原因有二：
1. 將軍澳線延長到添馬總站後，若有列車在北角及銅鑼灣北站
　之間發生故障，由油塘至北角站之間均沒有軌道供列車掉頭
　作臨時短途班次。
2. 按目前北港島線交匯方案的規劃，新隧道會在交叉波口東面
　已開始向隧道壁外側分岔，因此只有西行線的新隧道會在接近
　蒙特梭利國際學校小學部及翠巒閣附近橫跨預留隧道及港島線。
　由於要避開港島線的管道及英皇道以西的樓宇樁柱，新隧道的
　深度很大機會比預留隧道及港島線西行管道更深，所以情況與
　在上環站越位隧道興建西港島線新隧道有所不同。

因此，現時仍不能斷言北角越位隧道的掉車軌道會在北港島線
建成後棄用。至於止衝擋後面多出的預留隧道是否繼續保留作
日後發展，就要看MTR的決定。

tonyng 發表於 2017-7-2 03:44
北港島線改為交匯方案後，北角站西面的定線也截然不同了，
但目前的北角站調頭軌道部分未必一定會棄用，原 ...

首先，港島綫軌道連接左將軍澳綫嘅話，市區4綫之間調車一定方便左
但係受軌道配置所限，港島綫列車經新渡綫由上行綫轉往下行綫須要駛入將軍澳綫正綫，變相難以喺行車時段內發生，
日常應用上似一對無調頭功能、只能原路駛出嘅儲車側綫，所以對港島綫而言較為雞肋

至於北角站調頭軌道嘅去留，我估港鐵可能會同寶馬山下嘅調頭隧道一併考慮，即係：
一係重開鰂魚涌站調頭軌道、拆毀北角站調頭隧道；一係拆毀前鰂魚涌站調頭隧道、保留北角站調頭軌道
總之以減少保養閒置隧道為目標

題外話，現時北角站調頭隧道嘅通風井大約喺北角站同天后站中間（炮台山道），但係距離未來嘅銅鑼灣北站相當遠，將來仲足以應付全段隧道嘅通風需要嗎？

如果部份使用換線及交匯方案，將軍澳綫使用換線方案直到堅尼地城，港島綫由柴灣到炮台山站，使用新隧道直到添馬站，轉乘東涌綫又是否可行呢？

hokachung 發表於 2017-7-2 06:18
首先，港島綫軌道連接左將軍澳綫嘅話，市區4綫之間調車一定方便左
但係受軌道配置所限，港島綫列車經新渡 ...

如果把將軍澳線北角越位隧道的盡頭再向前挖掘30米以連接港島線，似乎只能作跨線列車調度之用（例如方便港島線列車駛返將軍澳車廠）。


關於北港島線的通風樓，除了擴建現時炮台山道及天后廟道交界的通風井外
還會在維多利亞公園的東北角（近興發街及琉璃街交界）另建新的通風樓。

053h4 發表於 2017-7-3 13:41
其實最好就係50%港島線列車過海，50%列車去柴灣。北港島線同理。

如果將來北港島線總站同現有金鐘站唔算遠我就無咩所謂  （轉南港島線／東鐵／荃灣線／去金鐘都快左），係去CWB，中上環，西區煩D）