探討於東涌線設立機場特車

dogdog002 發表於 2018-1-3 01:15
你睇番香港九龍青衣三個站設計就知

佢根本當正自己係JR站或者大站

機鐵大多數路段行130，的士點快得過？

eternalflame 發表於 2018-1-3 13:15
枱底下是否面子問題要等英國方面歷史檔案解密了
但枱面上主要係機場核心計劃造價高，中方怕英方用基建掏 ...

你話我陰謀論都係這樣講

英國佬係想要面子﹐想將機場97年回歸前開通﹐亦想做到最完美的一面﹐包括全四軌的大嶼山鐵路﹐作為自己的政治本錢﹐可以向外宣揚英國佬的遠見﹐國際間爭取不同的建設生意。

即使做衰左﹐錢又唔係英國人的錢﹐又有乜所謂。
註: 我都唔知當中的工程﹐有幾多錢落入英國公司手中。如果係多的話﹐更加可以解釋點解英國佬要盡量駛錢﹐將機場做到最好。


而中方﹐表面當然係講怕用晒D錢啦。
但你話無故意去拖延﹐令到唔可以在回歸前完成新機場﹐我就唔會信。
無理由咁順灘比英國佬攞晒新機場的功勞

miklcct 發表於 2018-1-3 13:29
機鐵大多數路段行130，的士點快得過？

機鐵會停站架，同埋轉彎，轉軌路段你肯定行行足130?

miklcct 發表於 2018-1-3 13:29
機鐵大多數路段行130，的士點快得過？

首先正如版友所講, 機鐵會停站, 又唔係全程行足135km, 的士係可以快過機鐵架,
以香港站 - 機場為例, 干諾道中 - 西隧限速80km, 西九龍公路限速100km, 青葵/ 青沙公路 - 青嶼幹線收費站限速80km, 北大嶼山限速110km,

配合的士超速技術, 暢通情況下西隧, 青沙可以上90 - 110km, 西九龍公路應該有110 - 130km, 北大嶼山甚至可以130 - 150km,
過快相位都係減20 - 30km, 其實唔難, 咁樣其實速度同機鐵相差無幾, 省卻停站同轉車時間, 的士快過機鐵並唔係困難既

利申: 發夢試過屯門公路幾乎全程行100km以上

kei_hk 發表於 2018-1-3 10:02
一點都幾肯定的係英國佬真係好想97之前完成新機場﹐真係想"末代皇帝"在新機場坐飛機走﹐在規劃上未必真係 ...

其實機鐵各站既東涌線範圍都冇話為機場轉車客而特別設計, 香港, 九龍, 青衣3站都係同普通地鐵站一樣, 得1部升降機,
香港唔似得日本, 拖筴都可以用扶手電梯, 如果全部人都迫住用一部升降機, 一定會塞人

順便講埋, 香港機場核心計劃始於1989年, 目的係因為1989年"果場政治風波"搞到香港人外逃, 為穩定人心而造既,
1989年距離1997年只有8年, 要8年內由零做好一個新機場連同附帶設施既所有規劃, 建設係困難既,

因為經濟放緩同保護海港條例等等嘅出現，令發展重心由繼續加強CBD轉移左去九龍東同港島東。

其實CBD一直都係主打發展金融 (有名你叫CBD), 佢同一般市民既日常生活關系唔算太大, 機鐵香港站都係主要由商務客/ 遊客使用,
就算冇保護海港條例, 相信CBD都唔會發展成人口聚集地, 因為當地本身都係商業發展多,
但係一般人前往機場都係由家中出發, 呢D人其實一直都係集中係九龍, 港島東, 新界等地, 機鐵就偏偏全部唔經, 除左九龍站班有錢佬,
反觀, 日本京成Skyliner/ Skyacces特急同JR NEX機場特急就相反, 兩者都係主要服務東京首都圈既住宅區,

京成Skyliner直達上野 — 台東區, 一個住宅聚集區, 重可以轉一大堆JR同地鐵
京成Skyacces特急去既住宅區有淺草, 押上 (Skytree附近), 品川
JR NEX重去埋大宮, 橫濱, 千葉, 新宿, 八王子, 立川等, 全部都係住宅區黎

用香港機鐵比喻落去, 就係成田一出就直剷日本橋, 果到係商業中心呀, 不過都冇人住既, 去東京站又行鬼死咁遠, 搵鬼搭咩?

qunow 發表於 2018-1-3 03:45
之前不是有說過東涌站和東涌北去機場的班次嗎？

受限於現有既軌道, 如果要咁做只有以下做法,

一, 起新軌道連接東涌同機場, 二, 東涌開出後係小蠔灣掉頭, 三, 東涌東站起係機鐵軌道內, 不過咁樣東涌站就無法直達東涌東站,

四, 東涌東站起係迎禧路盡頭附近 (東涌線同機鐵分叉位前), 機鐵加停東涌東, 呢個相信係最可行既辦法,
不過要特登轉多次車既問題仍然未解決, 只係轉車站由青衣搬左去東涌東

DIH 發表於 2018-1-3 09:38
香港鐵路係跟英國習慣歐洲標準，旋轉座椅在歐洲係近年先有的新鮮事物，廿年前無此考慮並唔出奇。

在選址 ...

其實轉向式座椅一早就係香港出現過, 版友去搭下天星, 或者去鐵博睇下, 堆舊客卡咪係用轉向式座椅, 就係類似0系同223系既設計,
但係而家連最新既R-Train都冇呢類設計, 請個人兩邊總站較好堆凳都唔係咁困難掛?

東京去成田幾遠? 香港站去機場又幾遠?

唔係距離問題, 係走線同接駁服務既問題, 距離近, 行車時間少, 理應更易接駁鄰近地區, 因為要兼顧既範圍小, 黎黎去去都係果幾個站
(其實如果當初淨係駁到荔景, 旺角, 中環站已經足夠, 起碼6成人轉一次車就可以到機場)

ky26042008 發表於 2018-1-3 02:52
九龍站呢Part我以前都聽講過, 不過果條東九龍線只係一條中型鐵路, 接駁能力成疑 (可憐既東九龍線, 死完一 ...

青衣站東涌綫嗰邊嘅設計真係何其垃圾
明知大把人由市區綫轉乘機場快綫，竟然要全世界逼入同一部豆潤升降機
部升降機仲要兩層月台share，喺往香港方向月台等Lift只能望門興嘆
跟住個F出口同青衣城又唔平層，搞到坐輪椅人士prefer等Lift多過call人開升降台

hokachung 發表於 2018-1-3 23:32
青衣站東涌綫嗰邊嘅設計真係何其垃圾
明知大把人由市區綫轉乘機場快綫，竟然要全世界逼入同一部豆潤升降機 ...

如果真係明知大把人鐵轉鐵就唔會所有東涌線 - 機鐵轉乘站都係一部升降機走天下同埋機鐵行埋D咁過癮既走線啦, 專去埋D冇人住又冇車轉既地方
但係明明青衣城都係地鐵物業, 因咩事會起到咁既, 話哂係自己"當家作主"喎

ky26042008 發表於 2018-1-3 21:27
其實轉向式座椅一早就係香港出現過, 版友去搭下天星, 或者去鐵博睇下, 堆舊客卡咪係用轉向式座椅, 就係類 ...

見你講R-Train就講多少少東鐵綫，宜家東鐵綫列車喺紅磡站停站時間係相當短
唔好話請個人較凳，根本連基本清潔都唔夠時間做，所以東鐵綫列車整潔程度長期都欠佳