其實輕鐵點解冇錢賺？

根據2015年既資料，輕鐵平均每年蝕一億。但呢個只係拆賬拆出黎，實際上好多乘客都買左月飛，輕鐵營運要連埋西鐵一齊睇。將輕鐵由區域鐵路轉為社區接駁，係MTR或者九鐵一直以黎既目標，雖然屯門唔係好成功(過唔到區議會)，但係元朗同天水圍已經變成將客流送佢西鐵站既一種方法(特別係天水圍兩條循環線)，輕鐵自身係唔係賺錢就唔再係重點。賣月飛可以話係最成功既手段，因為列車係唔係都開咁多，屬於固定成本，相反多一個人上西鐵邊際成本好低，優點係首先確保每個月月頭月尾都有一筆穩定既現金流，隨時唔洗拎定期/投資都夠俾人工(西鐵日客量40幾萬，假設有10萬人買南昌月飛，已經有5000萬現金流入)，其次就係車站既租務收益、廣告收益，而西鐵乘客轉乘其他路線，亦都會帶旺其他車站既廣告收益(特別係美孚站)。為左衝人流，甚至整個轉乘75折優惠~~
所以，輕鐵蝕錢肯定會繼續做~~~西鐵賺錢就OK..

S3BL470@98A 發表於 2018-7-2 16:08
輕鐵在九鐵年代已經有虧損，原因是與付款模式有關。
輕鐵的付款模式，與巴士，電車，火車，地鐵等是有明顯 ...

捉人嘅罰款，應該足以抵銷哂因逃票帶來嘅損失。

其實好應該拆左佢全部用巴士接駁，咁樣會釋放番好多路面空間出來

bennyho1004 發表於 2018-8-28 14:02
其實好應該拆左佢全部用巴士接駁，咁樣會釋放番好多路面空間出來

用巴士可能更蝕
一卡輕鐵＝差唔多三架巴士

而且輕鐵大量轉乘客，先引致614/615拆短途614p/615p堅成本同谷客上西鐵，呢個情況對mtr同市民都無好處～

所以港鐵都係加閘機落輕鐵 la，有可能會令逃票班客比番$而回本～

384047x 發表於 2018-8-28 18:36
用巴士可能更蝕
一卡輕鐵＝差唔多三架巴士

加閘機要考慮另一樣嘢，下下日曬雨淋
維修成本會唔會仲貴過逃票損失呢？

HV9990 發表於 2018-8-29 02:10
加閘機要考慮另一樣嘢，下下日曬雨淋
維修成本會唔會仲貴過逃票損失呢？
...

又唔一定要個個站都有閘
大站/有空間既加都得
細站/無位就用現有方法

bennyho1004 發表於 2018-8-28 14:02
其實好應該拆左佢全部用巴士接駁，咁樣會釋放番好多路面空間出來

釋放路面，巴士唔定受益
當吸引更多小巴的士私家車行時咪一樣
而且香港唔似日本因為過疎化而要廢鐵
使用量龐大已經足以保留路線

siupy 發表於 2018-8-29 20:35
又唔一定要個個站都有閘
大站/有空間既加都得
細站/無位就用現有方法

如果唔係個個站加又好似無咩意義喎
咁我走去啲細站度逃票囉
唔喺天水圍上，喺坑尾村上，你吹得我脹？

cky 發表於 2018-8-29 22:57
釋放路面，巴士唔定受益
當吸引更多小巴的士私家車行時咪一樣
而且香港唔似日本因為過疎化而要廢鐵

再唔係好似新加坡咁架空化

bennyho1004 發表於 2018-8-28 14:02
其實好應該拆左佢全部用巴士接駁，咁樣會釋放番好多路面空間出來

輕鐵一架載客量多巴士咁多，上落客又同時用三道門，唔洗好似巴士咁要先等上層乘客落車先再上到車，又唔會係市區內排放廢氣，
講營運效率，一定係輕鐵好得多…
特別係元朗大馬路，巴士站又多又密，就算冇左輕鐵，巴士都係要塞埋站，最後成條大馬路都係會塞車而已。依家元朗大馬路係傍晚放工時段就係俾巴士頂死哂，好彩有輕鐵係度輸送人流。如果冇左輕鐵，輕鐵站D乘客全部係巴士站等車，我諗會塞到上博愛迴旋處