再論A/E線定位

之前係舊POST建議過縮短所有E線至後勤區,由A線成為GTC唯一巴士服務
但始終歷史遺留既問題好難解決
如果一早98年時果時係咁做已經可以解決
新建議:首先所有新開E線以後勤區/逸東做總站
           現有E線全部不再上客運大樓
           E線不入港珠澳
           E線價錢與同區A線睇齊,如E42會改收A41價錢22.3,國泰城開始加分段變番13.9.往機場方向係國泰城打後(GTC範圍收22.3),GTC範圍落車只開頭閘及必須再拍卡.機場員工可以照用E線價坐E線.
咁就可以係唔撤出GTC情況下推唒班飛機客用A線

出依個post之前，其實你有冇諗過A線同E線嘅分別？唔好出埋啲重覆又重覆嘅post. 之前嘅post已經有人提出過會造成好多問題，唔清楚就refer番。

新瓶舊酒
樓主方案令東涌乘客
俾A線價,之前我解釋過
就算A/E票價睇齊,由於
後者行車時間較長,結果
仍然係E線成本較高,我就
傾向建議A線常客減價,又
總結一下過往嘅論點先。

龍運願整A線即日回程次程半價,
已經惠及員工、送機客甚至去機場
睇電影嘅人,總好過E線落車時再徵收
行李費,一陣又話我幫龍運做義工或者
迫害旅客嘞……另一篇文先講緊城巴嘅
A/E線失衡相對地無咁嚴重……

再唔係龍運另設A線月票,
唔一定要用九巴部機賣/以
780蚊與九巴互通,機場客戶服務
中心做唔得嘅……可設為每月30程
A線消費為上限,需以個人八達通登記。

東涌居民也可申請
以常到北區計算,如果
A43平均票價下調嘅咁
就算青馬A/E轉乘都忿氣啲。

A41P/A43與E31轉乘
合共僅收20蚊又得唔得呢?
我就睇吓幾多人會慳幾蚊而
咁樣浪費時間將一程變三程,
A/E其中一個分別咪兩蚊問題囉。

至於龍運A線唔肯收少啲
(主要原因係港鐵難構成競爭)
、點解要劏旅客、A43仍比A21
便宜等就不再解釋,歷史原因係要
參考,但不是有絕對的凌駕性,優點
果啲又唔見有人走去「沿用歷史」?

憑咩去機場就要畀貴價?

點解週不時都有呢啲「迫人搭貴價車」嘅建議呢?

講得出呢啲建議嘅人，係咪持有好多巴士公司嘅股份?

呢啲嚴重向大商人傾斜嘅建議可行性極低，區議都唔會畀你咁搞法。

大不了開放市場競爭(僅限機場)，畀小巴營辦商競投各條機場線，抗衡其他天價巴士線。

其實應該用新加班既E線(或字母新線)先去東涌, 再入大橋口岸區為總站, A線直去機場. 回程也是.

一來吾影響去機場既客既行車時間, 二來可以進一步迫機場客上A線.
三來都吾會影響東涌居民行車時間同有無位坐(比大橋客坐晒)既問題.因為只有新加密既班次入大橋口岸區, 本來就無尼班車,
同樣其實目前既A線安排, 大橋客都未必有位坐.
新安排保證人人有位坐, 大家happy.

香港黃毛小子 發表於 2018-8-6 10:34
憑咩去機場就要畀貴價?

點解週不時都有呢啲「迫人搭貴價車」嘅建議呢?

因為旅客嘅需求唔穩定
機場職員無論早中夜甚至
其他行業唔常見嘅工作時段
對北嶼路線需求大致穩定。

而家有唔少A線係回本都成
問題(不足20名乘客,尤其非繁)
仍要維持住30或60分鐘一班,巴士
公司又面對車長不足/運吉唔俾買太多
車嘅現實,結果繁時A線都難加班。

我無迫旅客搭的士已經好仁慈
自己諗吓每名乘客帶規章所限
嘅體積行李,唔准擺通道或輪椅位
可以滿足到幾多乘客先……

至於小巴,做返短途/
巴士入唔到嘅窄路咪算囉
如果真的有利可圖,相信已經
有非專做東涌至馬鞍山/北區,
機場島受機管局控制所以要另行
申請,但實情係營運開支,要以A線
嘅高價去補助E線,結果失衡。

容許我咁講，雖然我(或者呢度部分版友)唔滿意某d巴士公司的建議和政策，但巴士公司點做野就有佢的考慮和決定，身為普羅市民可以比意見，巴士公司採用與否我們不能控制。
(按：這是我個人意見，不代表本討論區立場)

kitarolo 發表於 2018-8-6 11:58
因為旅客嘅需求唔穩定
機場職員無論早中夜甚至
其他行業唔常見嘅工作時段

其實有無諗過點解 A 線咁唔受歡迎...
我覺得最主要原因係收得太貴但服務無好過。
你望下 A41，係就係貴，但定線直接，同 E42 相比真係好咗，沙市上 E42 兜完大圍 10-15 分鐘仲要行青衣西路多 5 分鐘，然後又走入東涌同後勤區 10-15 分鐘甚至更多（尤其回程東涌排隊入站果下）。
但反觀 E42 定線，你問係咪唔合理，其實又唔係，畢竟有青衣西路短途客，大圍又無其他代替品。
同樣 A21 做獨市，生意一樣係好，密密開密密爆。A29 去東九定線直接，又唔使落九龍塘橫頭磡，一樣吸到客。佐敦 E23 密密開 80 系都有 A22 死忠，點解？
望返長勝堆線，E 線就開低載豪車，A 線就降級，今朝搭車先見對面線有架 95 系 A47X 入機場，行青沙快過 E41 幾多（甚至係咪慢咗）都成問題。屯門 A 線喺區內兜到 2046 都未上公路，荃灣又得條去唔到機場嘅 E31（送機嘅話我都係 42M 轉 E21 算）。
結論：除非 A 線速度遠勝 E 線而且唔係專登拖慢 E 線速度果隻，否則點都會有一批人打死都唔上 A 車。如果 E 線再加或者收車，咁就逼上 S1/S56 返東涌然後落地底算，等你仲想 upgrade 班機場客吖拿...一係就改善 A 線服務，唔好死兜爛兜，派車唔好亂派。

tonychow 發表於 2018-8-6 12:55
其實有無諗過點解 A 線咁唔受歡迎...
我覺得最主要原因係收得太貴但服務無好過。
你望下 A41，係就係貴， ...

城二版圖已經有唔少東涌客
去咗港鐵,已經解釋咗龍運範圍搭
港鐵無著數(A線價但時間隨時更耐)
另外城二A線員工價僅與類近範圍E線
貴幾蚊,咁梗係GTC直出公路。

幸好之前計過數
屯赤數年後開通
先有辦法「合理地」
令新界西北/北區/大埔A線
明顯快過E線,前者都唔求佢里數
減而減票價,後者繼續碌青馬囉……

A線應只去機場同港珠澳
後勤同東涌比E線做
利申：東涌居民