巴士通道唔俾企?

早排搭九巴11C, 用車係紅蛋, 當時下層客唔算多, 但輪椅位企了兩位乘客,
到了某個站, 一名乘客上車後可能不想坐, 於是隨便站在左前轆通道位置,
點知個7叔車長即刻開聲叫個乘客唔好企嗰度, 話阻住佢睇鏡睇老人家落車,
該名乘客只好攝入輪椅位站立.
雖然個車長"想睇清楚乘客落車"可能係出於好意, 但我認為如果下下都要遷就佢睇鏡, 邊度有咁多位可以企?
而且巴士下層通道設計就係俾人行行企企, 乘客亦非站在黃線之外, 點會有"阻住睇鏡"之道理?
況且紅蛋應該有CCTV影住落車門, 照計可以彌補盲點之不足.
唔知大家點睇?

正常企左入去黃線內, 就不算阻礙車長, 以我所知上車位有乘客阻擋會看不到鏡, 同埋依家金巴个前輪護罩太大, 正好減少乘客企位, 當巴士爆滿企左二人也阻礙其他乘客行入車箱中間, 唔企輪椅位企邊?

有人咁樣企左喺嗰度，上層有位都唔會有人知嫁喇。。。。
好記得以前乘客須知1.7 有座位時請坐下。

expertuser2004 發表於 2019-1-10 10:44
正常企左入去黃線內, 就不算阻礙車長, 以我所知上車位有乘客阻擋會看不到鏡, 同埋依家金巴个前輪護罩太大,  ...

左前轆通道位置ah

khl265 發表於 2019-1-11 12:07
左前轆通道位置ah

企尼個位的人最討厭

lsc04d11 發表於 2019-1-10 10:54
有人咁樣企左喺嗰度，上層有位都唔會有人知嫁喇。。。。
好記得以前乘客須知1.7 有座位時請坐下。 ...

是好多人坐一個站落車, 上面大把位都沒人去上層(正常下面企滿人, 下層 99.98% 沒位), 明明有座位提示就是沒人上
下層正常企滿人就算有位都只是單吊倒後位, 好多人都選擇不坐, 所以 1.7 有座位請坐下是沒用

expertuser2004 發表於 2019-1-16 17:51
是好多人坐一個站落車, 上面大把位都沒人去上層(正常下面企滿人, 下層 99.98% 沒位), 明明有座位提示就是 ...

上層座位提示?


成日見到出59(或一個接近59的數字)﹐但係上層係坐滿晒人(或接近坐滿)囉。

kei_hk 發表於 2019-1-16 17:57
上層座位提示?

是, 不過有二款, 用 KMB ETA 看下
有時就算有提示, 部機可以唔開 (屏幕黑色的, 沒數字出)

白色間尺 = 上層座位提示 > 坐滿人號碼減到0
灰色間尺 = 上層座位提示 > 坐滿人號碼增加到座位上限 (eg: 59)
沒間尺 = 本班車不設上層座位提示

坐一個站落車? 講呀? 個個都以為自己早落而坐下面 但唔少都係坐十幾個站。。。。 (冇乜邊條線真係預”咁多人”都係坐一個站)(273唔用雙層係好事)(但71b都係雙層)  講番樓主個case佢話下層唔少位 就算唔坐都可以企入啲 反正落車都係要中門嫁啦

咦，原來都有人試過
類似情況我曾經試過兩次

其中有一次已經滿載到前閘位
車頭有我同另一位小姐
我挨喺前閘頭轆位
個小姐企喺我前面
然後個車長係咁叫我地企番入啲
我已經盡量向右移
而果位小姐係咁不斷換位
但係個車長不斷叫企番埋啲
然後果位小姐就唔耐煩咁同個車長講：
＂已經都冇位郁，你仲可以叫我企喺邊？＂
咁個車長跟住好無奈咁開車

另外有一次又係滿載到車頭黃線位
我見多人冇位向前行所以又係挨喺車頭前閘近頭轆位
後尾開咗車無耐
個車長叫我行番去入邊
咁啱有堆人行近中閘準備落車
所以咁啱我先至行到入去

以往企喺前閘挨住頭轆都冇車長出過聲
我都好好奇點解最近會有車長不約而同咁叫企喺頭閘既人企番入啲？