兩鐵合併造成而家既惡果 九鐵係時候再出山 兩鐵應再次分家

053h4 發表於 2019-3-19 07:29
兩個團隊競爭模式在多數情況下可以出現良性競爭。

因為有選擇，唔滿意一間可以做第二間，並互相學習模仿 ...

特首選舉夠有兩個候選人啦，有出現過競爭同學習模仿咩
政府招標工程夠競爭大啦，睇下港珠澳大橋結果點
根本就係上面監管不力同管治問題多過競爭不足問題囉
要學嘢嘅近近地珠三角，再遠D東南亞台灣日本都大把嘢可以學啦

人回想過去，總係只記美好，即使所謂美好只係FF，唔怪得沙士瘟疫都有人懷念，覺得嗰時樓價低，就唔記得當時幾難保著份工、就算保得著又係咩人工、幾多人買左樓後幾個月就負資產燒炭收場。


仲有人發夢覺得兩鐵分治就係好競爭、九鐵管理係好好？唔好發夢啦，又係歷史堂時間，兩鐵分治年代又發生過乜事

1993年，地鐵荃灣綫列車載客行駛途中脫卡，全球首宗同類事故

https://hk.news.appledaily.com/local/realtime/article/20140427/52398598

1984年，九廣鐵路電氣化火車上水炒車

https://kwantailo.wordpress.com/2012/12/01/%E4%B8%80%E4%B9%9D%E5%85%AB%E5%9B%9B%E5%B9%B4%E5%8D%81%E4%B8%80%E6%9C%88%E4%BA%8C%E5%8D%81%E4%BA%94%E6%97%A5-%E3%80%88%E4%B8%8A%E6%B0%B4%E7%81%AB%E8%BB%8A%E5%87%BA%E8%BB%8C%E3%80%89/

jpoon 發表於 2019-3-19 16:08
特首選舉夠有兩個候選人啦，有出現過競爭同學習模仿咩
政府招標工程夠競爭大啦，睇下港珠澳大橋結果點
根 ...

講真作為一個小乘客，真係唔覺兩鐵28年來，有出現過咩競爭、有互相學習模仿到咩對家優點。的確有D野係互有優劣，但劣既一方，從來都係意見不接受、態度當然照舊。

九鐵：車站公共洗手間、相對較高的透明度、「真正」客服中心、IKK靚車......地鐵有？

地鐵：學生優惠、舊站裝幕門(九鐵甚至新站都唔裝)、全線車站設出入口代號(九鐵只係部份站有)......九鐵有？

尤其係頭一項，地鐵站冇公共洗手間、九鐵冇學生優惠，咁多年黎，畀人鬧叫佢學下對家，你估鬧得少？佢地肯聽咩？

諷刺既係，反而係合併後，先至有互相學習模仿，(部份)前地鐵站有公共洗手間、前九鐵路線有學生優惠。

當然，九鐵相對較高的透明度、「真正」客服中心，隨著合併消失。仲有合併後，前地鐵原站出入收10蚊既衰野，就九秒九秒帶去前九鐵網絡，學生優惠帶入前九鐵網絡就等成年，亦係我不滿既地方。

Toz 發表於 2019-3-19 15:17
計準時的話, 以前地鐵係必贏九鐵
係咪同管理有關另外講

地鐵壞車都唔公佈
咁個觀感自然比遲9分鐘就通報的九鐵好啦

053h4 發表於 2019-3-19 21:24
九鐵無學生優惠, 但重平過地鐵WOR

重有, 九鐵當日就未聞保養問題要斷軌

九鐵(東鐵)本地段平過其他線，係乜原因，大家都知：天價過境補貼、百年歷史乜都回晒本、當然仲有服務同設施差過人.....呢樣野合併後冇變，東鐵本地段一樣係平過其他線，但合併後有學生優惠。

西輕馬鐵呢？九鐵對西輕馬鐵既定價，唔見得比地鐵平，但就冇學生優惠(除左輕鐵個個人八仔儲分計劃)。2004尖東站通車時，來往九龍塘同旺角個價，仲刻意set到同地鐵睇齊，人地地鐵收呢個價係包補貼學生優惠同裝幕門，九鐵set價就識跟地鐵，呢D又有冇？

送多兩條片，繼續發夢兩鐵「競爭」有幾美好幾永冇壞車啦

1991年九廣鐵路嚴重故障 (留意3:22，個客炸型，個職員一聲唔好意思都冇都唔止，仲串返個客，兩個一齊鼓噪。雖然我都知港鐵職員態度麻麻、波板糖人好煩好廢，但至少會唔會咁樣同個客鬥鼓噪鬥頂咀？)
https://www.youtube.com/watch?v=lax5HO2lwOQ

1991年地鐵嚴重故障
https://www.youtube.com/watch?v=dIZYVn0_TxA&fbclid=IwAR35mo-_wFnW8q6xwaRLg-TNtg1xRQQ0TaqJSbAx4GRNv4vjoLsdyIRmKxA

mckhgc 發表於 2019-3-20 01:23
九鐵(東鐵)本地段平過其他線，係乜原因，大家都知：天價過境補貼、百年歷史乜都回晒本、當然仲有服務同設 ...

你都識講
東鐵本身折舊成本低所以東鐵平
西馬鐵折舊成本高所以定價顯得有貴
但有出月票同日票
西鐵日票/月票包埋輕鐵
港鐵隔幾耐先出都會票呢？

唔通地鐵起西馬鐵又會跟返東鐵票價？
沙中綫通車時港鐵肯減東/馬鐵去鑽石山/何文田先讚港鐵/地鐵都未遲
維持原價嘅話
咁真係俾返九鐵好過
至少九鐵一定要將馬鐵參照東鐵定價
將九龍塘至紅磡段收費結構抄落去鑽石山至紅磡
咁嘅話
大圍以北去尖東比去紅磡收貴一級亦係合理
大圍出九龍塘至紅磡都係同價仲想點
比著依家港鐵嘅話
可能恨不得將紅磡收費跟何文田同價

ryandroid 發表於 2019-3-20 08:35
你都識講
東鐵本身折舊成本低所以東鐵平
西馬鐵折舊成本高所以定價顯得有貴

真係有趣。

既然西馬鐵無論九鐵定地鐵做，都係咁既價，但九鐵做冇學生優惠，地鐵做就有，咁應該畀邊個做，仲使討論？

當然如果加埋全日/月通元素，又好肯定九鐵做就有，地鐵做就冇，咁就值得再討論應該畀邊個做。

我一直同意西鐵全日/月通係九鐵德政，可惜受惠班大帝到而家都唔領情，之前都講過天文數字咁多次。

就算九鐵本身，通車頭幾年屬東鐵既尖東、傳說中「因為係東鐵支線，所以要同東鐵睇齊一樣冇幕門」既馬鐵， 都冇跟返東鐵票價，係明顯貴一截。

你講既，我都一直想知，以現票價水平，大圍去紅磡，係平過去鑽石山何文田，屯馬線通車之後，整個收費架構就好唔合理，到時會點處理？大家都唔知，放長雙眼睇。不過平心而論，而家大圍(至上水)去紅磡個價，的確係偏平，應該去紅磡就加，去何文田就減，來往大圍一樣係$8左右，就比較合理同平衡。

我亦明你意思，而家大圍去紅磡 $6.1(成人八仔價，下同)，你認為如果冇合併，屯馬線由九鐵做，咁大圍去鑽石山、啟德、宋皇臺、土瓜灣、何文田，就肯定唔會收貴過$6.1係咪？

不過從馬鐵既收費結構，你又會覺得，九鐵所作既收費結構，又會合理得去邊？佢將成個馬鐵分成3「區」，大圍獨自一「區」，沙田城河東既車公廟至石門一「區」，馬鞍山既大水坑至烏溪沙一「區」，票價以「跨幾多區」計算，結果就係，石門去大水坑就$3.2咁平(2007年8月九鐵乘客指南資料，下同)，大圍去沙田圍咁近就反而$4.5、車公廟去烏溪沙遠咁多又$4.5，咁趣怪既票價結構，又有幾合理幾理想？

仲有冇人記得「時值票值」呢套歪理？係邊個提出？青衣同將軍澳居民好幸運，當區鐵路票價結構同舊線睇齊，唔使硬食「時值票價」呢套歪理，否則如果係另一公司，佢用「青衣/將軍澳未有地鐵前，巴士青衣去葵芳/將軍澳去觀塘轉地鐵既總票價」，去定青衣將軍澳地鐵票價，再同你講「直接有地鐵，比起以前巴士轉地鐵快幾多，每快一分鐘值幾錢」，分分鐘$20至過到海。定係有人覺得，有兩鐵有競爭，呢間公司唔好，就可以選搭另一間？

又忽然唸到，自從東涌線同馬鐵出現後，就會出現有一個「原區遊」情況：兩個車站直線距離近，但冇直接路線連接，搭鐵要兜個大圈。呢種情況，兩鐵既票價亦大不同。

地鐵，當你搭一個站，收最平票價，例：南昌 < > 深水步、奥運 < > 旺角、九龍< > 佐敦，甚至合併後既荃灣西 < > 荃灣、旺角東< > 旺角、九龍 < > 柯士甸< > 佐敦，都係收地鐵市區線最平票價，而家係$4.6。

九鐵呢？同類情況，大水坑 < > 大學、石門 < > 火炭 、 車公廟/沙田圍 < > 沙田，收$5.8、4.5、4.5(2007年8月九鐵乘客指南資料)，而同期東/馬鐵最平票價，係$3.2(呢個架構，港鐵蕭規曹隨至今)。

高下立見。

西馬鐵而家話晒事實你知，仲有人發夢如果冇合併繼續有九鐵，九鐵新線會繼續係東鐵本地段水平。

053h4 發表於 2019-3-20 11:36
就咁講一句唔洗多，地鐵折舊都折舊完，咪又係照以鐵路設備需要更新有要可持續利潤年年加價。

單係呢一個 ...

如果你認為，重新分拆兩鐵之後，地鐵會忽然良心發現大發慈悲又好，要同九鐵激烈競爭吸客又好，會宣佈因為地鐵同東鐵一樣折舊完，所以會將地鐵路線票價水平減至同東鐵本地段睇齊既，let 'go ~~~

係囉，既然分兩鐵，咁有競爭咁有互相學習模仿，咁九鐵做八送一，地鐵仲堅持十送一既？應該做六送一去撼九鐵啦！