如果係怕啟德人搭去鑽石山站再轉東行過海或去將軍澳返工, 其實一啲都唔駛擔心, 九龍灣 牛頭角 觀塘呢三站上繁落勁多人, 至多鑽石山上車有困難啫, 鑽石山站點多人, 一定冇九龍灣站同觀塘站咁誇張.
就算通車後新屎坑迫爆鑽石山站, 只要原先嘅出行方案冇任何改動, 啟德居民仍然可以用現有方法出行去抵禦新屎坑, 然後先慢慢改變回用鐵路出行.
至於由現馬鐵車站往返東九 將軍澳 港島東嘅客, 先至係最令人擔憂, 鑽石山站係新站還好, 我地應該要相信呢個站有足夠疏導能力, 而且我頭段講到, 九牛觀三站根本現時已有一大堆人落車, 新設計嘅鑽石山站要應付龐大轉綫人流相信沒有問題, 但下繁回程返歸時, 由北角 鰂魚涌經油塘站去鑽石山北上, 我諗這才是議員所擔心的.
當中油塘站現時六點後已未必上到第一班車, 因調景嶺總站也上了很多乘客, 油塘站月台仲細過鑽石山站, 而屯馬局部通車令油塘站上車乘客車程有所增長, 現時多為九龍灣或之前落車, 往後就會多左人搭到鑽石山.
當逗留車上的乘客多左, 就會令本身已是重災區的觀塘站同九龍灣站, 未必能夠疏導得切月台上候車乘客, 導致列車延遲開出及車站大堂和月台擠迫等情況雪上加霜.
在未有有效解決觀塘站和九龍灣站下繁嚴重擠迫的情況下, 再將沙中綫人禍所產生嘅問題, 疊加到本已極度飽和的觀塘區車站, 要觀塘區居民和上班人士去承受, 不公不在話下, 最慘係唔知啲站承唔承受到, 假想有一日傍晚停你一粒鐘服務, 半個香港交通即時死亡, 真係唔係講笑.
|
