為何馬鐵延長只揀鑽石山站為轉乘站但黃大仙一帶卻忽略？

hokachung 發表於 2020-2-17 19:54
鑽石山站喺60年代已經規劃咗做轉車站，所以宜家個觀塘綫月台係特闊設計，站內亦預留位處處
雖然最後港鐵無 ...

鑽石山站個預留位可以俾東九龍線使用，不過係經彩雲、四順、寶達同康盛落寶琳果條

HE7921 發表於 2020-2-17 23:00
鑽石山站個預留位可以俾東九龍線使用，不過係經彩雲、四順、寶達同康盛落寶琳果條 ...

港鐵一路都吹龍翔道影響好大，唔搞得
宜家前大磡村土地已經起曬樓+新鑽石山站，連僅餘用黎做交通改道嘅地方都無埋，實在諗唔到可以點起
相信港鐵「今天的我打倒昨天的我」嘅機會好細

當然，歷史上亦出現過馬頭圍道封剩一南一北行車綫都過到骨、維園站由唔得變得嘅例子

hokachung 發表於 2020-2-18 03:59
港鐵一路都吹龍翔道影響好大，唔搞得
宜家前大磡村土地已經起曬樓+新鑽石山站，連僅餘用黎做交通改道嘅地 ...

講得難聽D又係搶吉地起樓既心態。
站在竹園邨居民既角度，情願將竹園邨轉型為居屋換取竹園邨港鐵站好過？

del

hokachung 發表於 2020-2-18 03:59
港鐵一路都吹龍翔道影響好大，唔搞得
宜家前大磡村土地已經起曬樓+新鑽石山站，連僅餘用黎做交通改道嘅地 ...

龍翔道要大改道係唔係吹大左個影響﹐真係見仁見置。
我只可以講﹐當時同一時間係想做獅隧大翻新﹐工程期間係會有一條管道全面封閉﹐即係全天都要單管雙程行車。

這2個大項目都係想進行﹐大家都係同一時間做前期工作﹐預計正式動工的時間都係相約。
2者都會帶來交通擠塞的問題﹐本身附近交通都唔係好﹐再加2項工程一齊進行﹐情況真係自己想。

由觀塘一帶開車去新界﹐原本的例牌位已經塞﹐轉入龍翔道本以為可以暢通一點啦。
點知就係鑽石山倒塞返彩虹﹐過完鑽石山就去到黃大仙例牌慢車位。
本來天馬苑都仲有一段仔暢順一點﹐點知獅隧工程影響﹐又拉龍落番黃大仙。

你都唔好睇少2大工程一齊動工。


而家﹐好彩係MTR的工程早一步正式動工﹐政府即時剎停獅隧工程﹐待鐵路完成後﹐乘客有鐵路分流才展開獅隧工程。
如果係獅隧正式開工在先﹐我都唔敢想像過去幾年九龍灣至黃大仙一帶的交通會點。


事後去講﹐又只好怪MTR做設計方案時﹐因為有獅隧翻新﹐所以唔做跨月台轉乘。(我唔知鐵路走線是否配合到)
在決定獅隧押後之後﹐無再睇下能否再修改用回鑽石山站的預留空間。

註 : 如使用預留位置﹐就會有一條管道在荷理活廣場一邊做月台。
到時﹐要睇大佬隧道一邊的橋墩及車站之間的距離﹐是否足夠比鐵路隧道下潛以越過觀塘線隧道。

其實馬鐵延長，順路應該做青沙鐵路版：顯徑後繼續向西南，以長沙灣或/及南昌為轉乘站。長遠可考慮再轉向西北，在青衣南住宅區設青衣南站，再向北以青衣站為轉乘站。再長遠可續向北/西北，同屯荃線交匯。

如果延長去東九龍，就應該做老隧鐵路版：馬鐵同東九龍線各自獨立成線，東九龍線自鑽石山後繼續向北，以第一城或石門作東九龍線北端總站及馬鐵轉車站。

馬鐵延長去東九龍，咁樣<形兜路，根本就係成頭黑人問號。西鐵新界西北個反轉U型兜路定線就講/鬧得多，呢樣<型兜路就零討論。

樓主問得呢個問題，照理係佢覺得黃大仙做轉車站比鑽石山優勝先會咁問。
點知內文貫徹樓主pattern---隨口up

咁用任何站填落“為何馬鐵延長係揀鑽石山站為轉乘站而非揀______站？”個窿窿度，
意思都唔見得有大分別架喎...

s3n370 發表於 2020-2-18 15:04
樓主問得呢個問題，照理係佢覺得黃大仙做轉車站比鑽石山優勝先會咁問。
點知內文貫徹樓主pattern---隨口up
...

我覺得個樓主係見到宜家屯馬綫經過黃大仙道而無站先會噉問。

吳宗錡 發表於 2020-2-18 16:08
我覺得個樓主係見到宜家屯馬綫經過黃大仙道而無站先會噉問。

同樓主問0既問題係兩回事

kei_hk 發表於 2020-2-18 09:58
龍翔道要大改道係唔係吹大左個影響﹐真係見仁見置。
我只可以講﹐當時同一時間係想做獅隧大翻新﹐工程期 ...

大老山隧道喺1988年興建，當年仍然有興建地鐵東九龍綫嘅計劃，相信大老山隧道設計上有考慮呢樣野