del

kitarolo 發表於 2020-2-18 13:44
講明先我非任何一間
大學嘅學生,九鐵旺角站
與地鐵旺角站就無諗過合併,

旺角火車站可以叫嘉道理，
因為東面就係加多利山。

耐不耐又拎番出嚟講，論點都無變，咁即係冇需要囉。

cky 發表於 2020-2-18 20:57
耐不耐又拎番出嚟講，論點都無變，咁即係冇需要囉。

噉你覺得何文田站站名恰當就得啦！
其實地鐵/巴士站名更改討論係因爲明明有更加適合嘅站名，
但係地鐵/巴士公司漠視民意唔肯改，
所以多年來都未解決，
結果咪停留喺討論區上面囉！

要嘈，大把站有得嘈。
港島綫：「銅鑼灣」站畀天后用咗，結果而家嘅銅鑼灣範圍比之前嘅銅鑼灣大咗好多。嚴格嚟講，炮台山站都喺銅鑼灣。
荃灣綫：美孚站竟然係因為一個「美孚新邨」，叫返荔枝角唔好咩⋯⋯搞到「長沙灣」站要叫荔枝角。太子站係唔係指緊太子道西？事實上叫做旺角北都冇話唔得。
觀塘綫：九龍灣站事實上喺牛頭角，九龍灣只係擦邊。牛頭角站反而係牛頭角嘅邊位。何文田就⋯⋯個個都知咩事
將軍澳綫：將軍澳站究竟係將軍澳嘅邊到？調景嶺至寶琳/康城沿途各站都喺將軍澳入面㗎喎。
西鐵綫：錦上路站唔喺錦上路。南昌站同南昌街都好遠下喎

但係，香港同九龍兩個站就仲搞笑。機場快綫叫呢兩個站都冇咩問題，但青衣叫做「新界」會更好。東涌綫就唔該改返個名啦⋯⋯正如樓上話齋，藍田又喺九龍，連柴灣都喺港島????

機場快線啲名就係純綷俾一個統稱俾遊客知道佢身處香港邊個位置
因為唔會預咗佢地當箇度係終點站
而係中途站再轉去其他地方
所以相對地, 個名反唔反映所在地的位置並不重要

其實同 N 年前的九龍車站類近

AVBWU291 發表於 2020-2-19 20:16
要嘈，大把站有得嘈。
港島綫：「銅鑼灣」站畀天后用咗，結果而家嘅銅鑼灣範圍比之前嘅銅鑼灣大咗好多。嚴 ...

荔枝角站其實喺荔枝角同長沙灣交界，叫荔枝角定長沙灣都唔係錯，不過「長荔」會係最貼地嘅叫法
「太子」的確指太子道西，當年旺角、油麻地仲提議叫「亞皆老」、「窩打老」，由「太子」沿彌敦道走廊去到「佐敦」成套都係用打橫交叉嘅大路黎命名
「九龍」、「香港」東涌線都要跟住叫，因為成個LAR一套信號系統，站名當然要consistent...

當然，龜仔不嬲改站名都求求其其...最初土瓜灣街市個站叫馬頭圍添，宋王臺就掉番轉叫土瓜灣...

del

AVBWU291 發表於 2020-2-19 20:16
要嘈，大把站有得嘈。
港島綫：「銅鑼灣」站畀天后用咗，結果而家嘅銅鑼灣範圍比之前嘅銅鑼灣大咗好多。嚴 ...

美孚站的原名「荔灣」反而是貼題的，至85年才改稱為美孚。
只是美孚又並無不可，最少真的坐落美孚新邨，要斟酌的只是屋苑名稱與區域名稱的問題。

Lyt_Kondisc 發表於 2020-2-19 22:09
其實我唔係太鍾意宋皇臺呢個名，想佢改返馬頭涌，起碼有「馬頭」呢兩個字，唔會令到三個「馬頭」：馬頭圍 ...

咁宋皇臺其實都好合理﹐話晒附近有舊石做地標。

唔通﹐你想叫「聖山」站?

dcyw 發表於 2020-2-19 22:24
美孚站的原名「荔灣」反而是貼題的，至85年才改稱為美孚。
只是美孚又並無不可，最少真的坐落美孚新邨， ...

仲叫荔灣站的年代﹐十個人有9.9個都係叫美孚﹐咁堅持叫荔灣為乜。