港鐵推出新手機應用程式 包括顯示最新行車狀況

kei_hk 發表於 2020-5-5 22:25
紅磡站塊板有古惑的﹐大堂層及天橋層都係一樣﹐相關列車班次係會預早消失的。

即係你睇到佢夠鐘﹐其實你 ...

我知大堂同月台塊牌開出時間唔啱都唔係啲咩新奇野，我好多時見著佢update都會照碌落嗰個月台等車。

反而想分享一樣嘢，有次收工喺紅磡站上車，喺C口大堂行緊去入閘中途見著大堂塊牌update，話表上面頭一班車已經開出（照道理班車係未開車但應該喺月台），咁我照碌落去嗰個月台上車，班車根本站都未入，而再上班車先啱啱喺對面月台閂緊門準備開走。

我有啲懷疑大堂嗰舊嘢只係識得跟著本來嘅開車時間去倒數，而實際上當MLR delay咗，入面堆data根本就update唔切，或者簡單啲諗佢只係一個大型倒數器，係唔識得跟著月台塊牌同步。

登記咗新APP,但係佢個免費車程
(用機換) 1200 分
(喺客服換) 1500 分
有乜分別?

Ricky403 發表於 2020-5-5 19:53
紅磡站大堂有顯示屏好大原因係因為同一方向嘅車會喺兩個唔相通嘅月台開出，所以要畀乘客知道應該去邊個月 ...

九鐵年代仲有短棍車，例如只到上水、大埔墟、沙田，同埋經馬場嘅班次，所以會響大堂顯示埋
個顯示牌好似八十年代已經有

RyanPun 發表於 2020-5-5 23:09
我知大堂同月台塊牌開出時間唔啱都唔係啲咩新奇野，我好多時見著佢update都會照碌落嗰個月台等車。

反而 ...

基本上﹐大堂層 / 月台層的display都係一樣﹐都係跟預定時間表去計數的﹐之後會唔會再加入人手調整因素﹐我就唔係太肯定。

只不過﹐我唔記得大堂層的display係校快左2分鐘﹐定係預早2分鐘而消失(倒數去到不足2分鐘﹐就唔再show出來﹐由下一班車補上)。
原因﹐避免有人在大堂入閘時看到display﹐行到落去月台就送車尾。
這是官方刻意去做的﹐就得當年西鐵剛通紅磡時﹐官方有提及的/定係有人投訴跟display去月台後送車尾而作出調整。


所以我前文就講﹐你在display剛剛消失班次的一刻﹐你都可以用正常步速去到月台上車的。

至於你話去到月台才見到列車進站﹐好大機會係列車有delay﹐比原定時間表遲到進站。

ATR101 發表於 2020-5-6 01:38
登記咗新APP,但係佢個免費車程
(用機換) 1200 分
(喺客服換) 1500 分

睇條款都係換一次免費車程於八達通內，可能鼓勵啲人使用自助服務。

RyanPun 發表於 2020-5-5 23:09
我知大堂同月台塊牌開出時間唔啱都唔係啲咩新奇野，我好多時見著佢update都會照碌落嗰個月台等車。

反而 ...

東鐵自從限速之後成日delay...開車時間成日一拖再拖，經常喺紅磡站見到倒數負咗一兩分鐘甚至三五分鐘先開車 (如果有直通車)
黎緊幾班車就全部話隔1分鐘，去到第四班開始先至正常隔2-4分鐘

kei_hk 發表於 2020-5-6 09:39
基本上﹐大堂層 / 月台層的display都係一樣﹐都係跟預定時間表去計數的﹐之後會唔會再加入人手調整因素﹐ ...

有啲印象大堂塊牌直頭係比原本時間較快咗，「表上面頭一班車嘅開車時間」一過就會消失，我估一係system入面set咗：表定開車時間-N分鐘、一係東鐵無限delay做成嘅錯覺。

solomon 發表於 2020-5-6 17:53
睇條款都係換一次免費車程於八達通內，可能鼓勵啲人使用自助服務。

定係就咁比個 QR CODE 入閘呢? (機換)

RyanPun 發表於 2020-5-6 21:18
有啲印象大堂塊牌直頭係比原本時間較快咗，「表上面頭一班車嘅開車時間」一過就會消失，我估一係system入 ...

紅磡大堂嗰個開車時間係快咗 (東,西鐵都係咁)

ATR101 發表於 2020-5-6 22:25
定係就咁比個 QR CODE 入閘呢? (機換)

條款係入落八達通即日嚟緊呢一程要用。