新城新股東如何逆境求存?

053h4 發表於 2020-8-23 15:52
按過去幾年上市公司年報及巴士便覽, 九巴營運情況遠好於新城

08 11 13 14加過四次價，政府咁配合佢俾佢加咁多梗係好
招標中親都係金蛋 天水圍北 安達臣 290系都好好賺
邊似新城中埋796系 971 22呢啲蝕本線

053h4 發表於 2020-8-23 17:40
from #1

而新巴城巴未來有多項挑戰要面對, 包括

人哋點樣去經營，唔需要你擔心亦無需要你操心，人哋買返去自然有佢方法，你只係不斷盲撐九巴反新城而已

053h4 發表於 2020-8-23 17:01
股東係近年經營不善以賣盤方式交牌基本以成事實

而新巴城巴未來有多項挑戰要面對, 包括

其實柴小肯聽下人講, 轉乘咪再掠水, 最好出埋月票, 唔駛搞到今日咁嘅境況...

053h4 發表於 2020-8-23 17:55
人地點樣經營, 唔需要擔心? 公共服務係用公共資產服務市民, 而營運商以此得到合理而非過多的回報左為補償
...

其實你有冇留意, 佢嘅董事局成員基本上係冇改, 即係原班人馬經營
何謂合理何謂過多根本就冇準則, 服務可以係叫公共服務，不過佢嘅資產就係私人資產
都係果句，佢點樣經營你都冇權干涉，只可以學中共咁打飛機自high

新巴城巴係under新創建集團上市, 新創建唔睇好其巴士業務前景, 有機會拖低集團整體收入和溢利, 賣盤喺商業上係一個正常不過嘅決定, 點解樓主會睇成係新創建經營巴士業務不善, 間接交牌的舉動?!

如果巴士業務係仲有機會迎來一個新高峯, 大可以分拆上市, 於市場上吸資再發大來搞, 但係正常香港人都知, 全港以至全中國交通都以鐵路為骨幹, 中國大中小城市都在不斷起鐵路, 巴士業務已經好肯定係夕陽行業, 再放眼海外, 新巴城巴唔會再係新巴城巴嘅時候, 賣盤係最簡單嘅出路.

新巴城巴新經營者善水係一間私募基金, 專門投資於另類資產, 亦非上市公司, 即係話善水無論將兩巴經營成甚麼死況, 都不需要向小股東交代, 而漢思能源嗰部份, 只佔新巴城巴不到一成, 在其整體業務更只是冰山一角, 但樓主有冇發現到漢思能源的燃油業務係對巴士業務有協同效益呢, 呢點非常重要.

過去巴士申請加價, 燃油成本佔去一個大比重, 往往都成為申請加價的主因之一, 而家大股東拉埋一間能源公司入股做巴士業務, 以漢思喺能源業界嘅經驗, 要有平價油唔難, 因他們有專業人才, 專門留意能源開採和價格, 而且巴士每年用幾多油有數得計, 我唔清楚漢思燃油銷售條數係點, 但都幾肯定漢思可以喺新巴城巴上得到穩定嘅收入, 新巴城巴亦得益於穩定的燃油價格與供應.

善水有位叫張堃嘅人兄, 以前曾為周大福員工, 有理由相信他對新巴城巴有一定情意結, 如今連同疑似對巴士有好感的合伙人成立基金後, 拉攏能源公司入股新巴城巴, 話唔定可以為兩巴服務帶來一番新景象.

反觀九巴, 載通國際(0062.hk)公佈最新半年業績, 蝕錢係預期, 不派股息先最攞命, 樓主試下翻查下0062.hk有冇試過不派股息, 你就知道當今載通揸fit人有幾識經營業務, 一味搾取乘客荷包, 公然打劫, 沒盡好公用事業責任, 各種「新」配套冇以乘客角度出發諗到盡善盡美先推出, 永遠需要改善, 改善唔到就廢咗佢, 導致行政成本大大增加, 不斷倒錢落海!

在兩年前大埔公路19死車禍的討論, 我已指出上市公司股份買賣係反映緊公司將來嘅經營方針和環境, 當時我就話股價已經到頂, 就算公佈2017年業績後反彈, 只會係死貓彈, 叫大家有貨就好放.

到你出埋月票, 短期內賺到穩定入息, 之後呢, 咪無以為繼, 繼續食老本!

唔改善現有服務水平, 對家時段亂入(唔否定對家都有此問題, 但九巴明顯較嚴重), 賴燃油成本上升, 唔識入期油, 賴疫情導致客量大減, 胡亂收車減班, ETA fake客樣樣齊.

咁, 仲值唔值得加價呢?

載通因為被各種外在因素如鐵路通車, 短期有社會運動和疫情, 影響到盈利, 作為巴迷, 我又睇到內部人事混亂, 管理欠佳等問題, 作為股票投資者, 眼見曾經是公用類藍籌的0062.hk, 最新竟然停派息, 過去幾次逆市都未試過, 呢鋪連老一輩股民個心都傷害埋, 你話九巴係保留實力, 唔會有人信㗎!!

Quanta 發表於 2020-8-23 17:42
08 11 13 14加過四次價，政府咁配合佢俾佢加咁多梗係好
招標中親都係金蛋 天水圍北 安達臣 290系都好好賺 ...

唔好同我講682系、798無錢賺

ahken 發表於 2020-8-23 17:53
其實柴小肯聽下人講, 轉乘咪再掠水, 最好出埋月票, 唔駛搞到今日咁嘅境況...

...

同九巴唔同，柴小出唔出月票呢個係死局嚟
自己覺得而家九巴月票用嘅人有幾type

i) 本來搭九巴長途線返工都夠/就快夠圍皮
呢個對於柴小就唔洗諗會令revenue再跌

而個問題係對於就快可以圍皮嘅人嚟講
柴小唔似九巴，月票用途太有限

ii) 本身搭黨鐵或者柴小，為咗慳錢買九巴月票
九巴嘅case呢part客應該貢獻最大 (Revenue +$780/head)
以968嘅例子嚟講，當普通平時咁搭每月返工22日來回44程
每係969/黨鐵搶到1個客就可以抵消3個968正價魚
當然如果可以假日家庭出行都拎佢哋搭埋巴士，咁咪再bonus咁計
大西北個客源格局相對穩定，東涌果邊我就唔係太清楚有待補充啦

iii) 本身未必住得遠，為方便而去買月票
呢part我相信存在，但未必係大多數
但對於柴小係港島區唔上唔落嘅情況
就算你出限定範圍嘅月票都好難做

雖然住天水圍返港島，感性上都會想柴小有月票慳吓錢
但理性上始終情況唔同，柴小出月票一嚟佢生意角度計唔掂數
而自己角度，放假出街都唔會淨係出港島其實都計唔掂數
所以，就算柴小有意欲出月票，數字上佢都好難做到

喇，我就好認同0生所講，應該要開源節流嘅，九龍新界有咩標都應該要入下標，但係皇后山 54區呢啲九巴志在必得嘅線，如果要求新城用蝕本車費，蝕本嘅班次去入標，咁又整靚到條數咩？將馬之流我對新巴有信心，但有啲區入標嘅難度的確會高好多，又可唔可以話九巴贏標一定係因為城新唔夠進取呢？   所以反而節流先係嚟緊幾年嘅重點，鐵路擴張只淨沙中過海段同埋冇乜影響力嘅北港，正如0生所講，香港島大局已成，咁唯有就係大刀闊斧減班斬線 (香港島始終擺太多車 serve太少人)，尤其南區堆 75 97日日燒錢，呀仲有啱先減左班嗰條，幾肯定仲有得減嘅。