港鐵有冇得做臨時飛站班次？

繁忙時間大部分路線係2-3分鐘一班，如delay太多（隔4-5分鐘）嘅話除咗上唔到車，亦會塞住後面啲車。

我知深圳啲地鐵抽車delay太多而後面又有車塞住嘅話就會安排個別細站飛站，唔知香港有冇得玩？大前提係飛站前嘅一兩個站要通知俾乘客做準備，儘量避免順住行車方向同短時間內重複飛站，飛嘅應該嗰個時候出閘人流比較少嘅細站（例如返工時間嘅純住宅區細站、放工時間就冇咁多顧慮），個人認為大窩口、長沙灣、石硤尾、樂富、彩虹、牛頭角、天后、炮台山、筲箕灣、車公廟、顯徑、柯士甸、九龍同鰂魚涌（只限將軍澳線）可以飛。

舉例，如果金鐘往柴灣方向delay得耐，咁OCC可安排喺灣仔/銅鑼灣通知乘客抽車會飛天后或炮台山，之後嗰個站就正常停站。

年頭開帖討論同一topic﹐差不多到年尾又再開帖?

https://www.hkitalk.net/HKiTalk2/thread-1158753-1-1.html

睇返之前港鐵封站時嘅運作已經可以解答到樓主嘅問題了。

前日先試過，青衣特車delay到左青衣之後去返4台無上客直飛香港（當時18:55，原本香港站開19:08）

Sita1004-1017 發表於 2020-9-25 12:37
前日先試過，青衣特車delay到左青衣之後去返4台無上客直飛香港（當時18:55，原本香港站開19:08） ...

同樓主所講的情況好大分別﹐你見到的情況係列車無載客而飛站﹐屬於車務調動。

但樓主係想載客營運中的列車﹐有delay時就飛站追時間。

完全係2樣野。

講真﹐香港的情況﹐個個站都有唔少人上落﹐又無預先講明列車唔停XX站。
車上的乘客會有什麼反應﹐為他們帶來幾多不便?

多謝抗噪耳機,唔好話飛站廣播
連到左總站清客廣播都聽唔到啦

Hisui 發表於 2020-9-25 14:04
多謝抗噪耳機,唔好話飛站廣播
連到左總站清客廣播都聽唔到啦

青衣/何文田清客廣播都成日有人Miss


如果只播一個飛站PA 睇下幾多人投訴

早就講過，一班車飛得，難保後面啲班次完全跟得上，好多時後幾班都要再飛站
龜記其實可以開唔足班次 (之後攝番一兩班已經99.9%，一出故障唔計又99.9%)，所以用加序/洗序代替
巴士/大陸地鐵要盡量避免開唔足，先會有中載/飛站呢種安排

而家假九係西鐵成日出事

Delay得耐既話

後車既千九都要被逼清客

清完客再追番時間

我諗就係樓主想做既野


利申： 千九座上客

kei_hk 發表於 2020-9-25 12:42
同樓主所講的情況好大分別﹐你見到的情況係列車無載客而飛站﹐屬於車務調動。

但樓主係想載客營運中的列 ...

其實深圳嗰邊直程係抽車去緊下一站先話下個站唔停，啲乘客焗住喺再下一個站搭返倒頭車，我個建議已經好過深圳嗰邊，因為起碼安排早一兩個站通知乘客。

另外回覆返#2，因為想回嗰陣己經鎖咗，唯有開過一次。