東鐵 R-Train TS10 抵港

kei_hk 發表於 2020-10-2 15:17
我就唔知你的路面數據資料是否正確﹐但係你自己都講左有方法係安全通過的﹐只係有無必要採用一些較複雜/麻 ...

我又真係好想知有乜野器具有力咩住一卡火車自力行走上倒1比10 o既斜喎,如果夠力駛鬼用拖頭?我直接成卡火車自力行入去仲好喇下話

Oliver_ME16 發表於 2020-10-3 01:36
我又真係好想知有乜野器具有力咩住一卡火車自力行走上倒1比10 o既斜喎,如果夠力駛鬼用拖頭?我直接成卡火車 ...

你話會闊度問題會撞爛收費亭﹐我同你講係有特別的載具處理。
仲以為你真係純粹講收亭費闊度問題。

而家你又差開另一個問題﹐你玩晒啦。


我都講過﹐獅隧唔會係最好的道路選擇﹐有更好的道路就一定唔會選獅隧。
就係這個原因﹐相信永遠都唔會實際去驗證這個答案。

但如果獅隧係唯一的道路﹐幾麻煩﹑幾複雜都會去做。


你而家講大馬力去拖重物上斜﹐我又有資料給你睇。

有無見過外國搬屋?  係成間平房搬去另一個位置﹐唔係只搬室內的家具。

又介紹條片給你參考 : Link
影片介紹已經講了﹐入面要搬的屋由45-210噸。
斜路問題﹐影片入面講係落斜﹐但佢用的方法同樣地可用於上斜的。只不過一個要增加剎停能力﹐相反另就係增加動力。
跟住﹐你又可能會問番﹐前後拖車就過長﹐過唔到收費亭。
去到收費亭又唔係大斜路﹐唔需要前後各一部拖車的。
去到收費亭先甩前面的拖車﹐靠後面的拖車推。扭過收費亭後﹐就甩後面拖車﹐駁番前面拖車繼續拉車上路。


如果唯一的道路係獅隧﹐並非完全無辦法通過﹐問題只係要花幾多人力物力及時間去做。


ps. 其實運風力發電的風車扉頁上山﹐道路環境仲複雜過城市入面﹐又有斜路又係泥石路又唔係闊。

Oliver_ME16 發表於 2020-10-1 14:54
啊專家,25米長,3.2米闊,你肯定過倒唔會跌落山?
個位唔係直路黎嫁喎

收費亭嘅行車線最少闊3.5米，運列車無需用特闊通道。

kei_hk 發表於 2020-9-30 21:48
唔關事﹐根本部車未在工廠開始製造﹐已經有晒列車完成後的尺寸。
而且列車的高度因為有氣囊去做調整﹐所 ...

磚家唔好再拋磚啦，造好架車先試條路過唔過到，
過唔到你人手抬去車廠？

就算真係拆，點解唔係架車拆件，而係要拆道路構築物？
正如你買件傢俬，
傢俬舖、送貨師傅都會度清楚入唔入到屋先做你生意。
訂列車完全係同一道理。

等睇43列黎齊都仲試緊車
到時泊到無位要泊係八鄉

s3n370 發表於 2020-10-3 13:51
磚家唔好再拋磚啦，造好架車先試條路過唔過到，
過唔到你人手抬去車廠？

我幾時話做好部車才去搵下有無路可以 "送貨" ?
唔好曲解我的意思。


我好認同你所講﹐車未開始做﹐已經搵定晒所有可行的送貨路線。
所以﹐已經講左有圖紙時﹐工廠未開工已經知道是否可以通過某段路。
(上面就因為回應前文講緊高度﹐所以回帖就特別講緊高度)



成個大型建設﹐列車係關鍵物件﹐點都會預備好運輸方法才會正式展開工程。
真係無道路﹐就會另想方法去處理﹐包括建臨時道路/軌道。

甚至乎﹐好似機場無人列車﹐因為最後一程係完全無路可達地底﹐當年直情在擴建2號客運大樓時﹐預留一個區域暫緩建做天花地板。
目的只係吊運無人車落地底軌道﹐完成吊運列車之後才做此區域的天花地板。



不過﹐你用買家私這個比喻﹐你都有少少問題。

買家私/買大型電器﹐買家一定要度好尺﹐睇下入唔入到門口。
大家會點度法?   多數都係度門框。
門框夠過﹐即係物件就可以通過。

事實又係唔係?
當然唔係啦﹐物件太大﹐太接近門框的尺寸﹐一般都係會有過唔到的情況。
家私都還好﹐係訂製都可以睇下設計上有無得分件﹐分左件就容易入門口。電器(eg. 雪櫃)﹐邊有得分件。

另外﹐仲有機會就係門受阻未能完全開啟 / 門柄剛剛頂住開唔盡/卡住物件運唔入 .....

解決方法就係搬開阻礙打開門的物件。如果唔係打開門受阻就拆門身出來﹐就可以用盡門的闊度搬物件。


講到搬走阻礙的物件/拆門身﹐這就有如要執一執路面設施。
舉個例﹐要轉入一個街口﹐但中央位於有一個安全島﹐突起一個高身的安全島﹐對於行車有阻礙。
拆出安全島﹐貨卡中央部份就可以在安全島上面通過﹐唔需要再去搵另一條路。

這樣﹐就有如你搬家私搬電器入屋﹐差少少有阻礙﹐搬走阻礙的物件/拆門身可解決問題。
你會選搬走阻礙的物件/拆門身(拆出安全島)去做搬運﹐定係退回家私電器給商店(另搵道路)?


有圖紙有晒所有尺寸﹐原則上係可以推算到可用什麼道路去運車。
亦可以知道有無一些細微野係可以做簡單處理﹐就可以順利運車﹐可以在試運/真正運車之前處理。

試運之前﹐其實大家都知道唔會有大鑊野出現﹐因為由訂車造車之前﹐已經計劃好點去運車及路線是否可行。
試運﹐只不過係睇仲有無 "甩轆" 野出現﹐有無野去到最後關頭要再執漏﹐確保真正運車時可以更順利﹐驗證路線是否真係可行。


真係得罪講句﹐如果去到最後出問題係貨埸的閘口唔夠過﹐問題又淨係此處。
你又會唔會預先去做工程﹐擴大閘門﹐預備日後運車?



磚才﹐你講拆車去處理道路問題。
高度就好明顯在香港唔會係問題﹐只要總高不超過4.5米高﹐基本上所有道路都可以通過。(有特別路牌註明除外)
我又真心求學﹐想問下你﹐列車如果係太長/太闊﹐可以拆什麼出來﹐令到列車可以順利通過?

kei_hk 發表於 2020-10-4 11:52
我幾時話做好部車才去搵下有無路可以 "送貨" ?
唔好曲解我的意思。

磚家咪再死撐啦。

再講多次，一定係件野就條路。
條路係幾大就幾大，同埋一早已經响度。仲有4.5米响邊度黎架？法例好似唔係咁寫架喎...

你話機場APM 運送豎井、車廠度閘、自己屋企道門，
業主响自己地頭，鐘意點拆點改又好，
塞到郁唔到都關人蛋治。
公家路公家物件，你話拆就拆架啦？

如果真係學你話齋，有哂尺寸，
都要搵個所謂鐵架試下撞唔撞野、有無野拆？
同砌好架車先搵路行有乜分別？
好啦，就算真係任你拆，
係咪要全城等你拆走件障礙物，
架車/所謂測試嘅鐵架過佐先開番條路？
咪講笑啦。

更何況，列車幾大架都好，咪又係散件開始，
一件件砌出黎？
咁你憑乜說服當局，拆路面野去就架車，
而唔係架車砌少幾件，令到架車一定夠過？
就算傢俬佬預錯，都肯肯定係拆自己件貨而唔係郁度門。

就算你唔信我講都好，香港做重運嘅都係果幾間，
案例擺哂上網任睇。
成日做磚家砌磚亂吹一通，當其他人傻架？

s3n370 發表於 2020-10-5 01:11
磚家咪再死撐啦。

再講多次，一定係件野就條路。

4.5米就係我打錯﹐係4.6米。

至於是否可以處理路面設置﹐我亦唔再同你爭論。
真係有需要﹐又肯前事準備期間做好臨時代替設置﹐事後肯做還原﹐就可以同政府有關方面商討。
這一方面﹐唔會係一個絕對性無得整的﹐只係有無必要性/需要性。

kei_hk 發表於 2020-10-5 10:10
4.5米就係我打錯﹐係4.6米。

至於是否可以處理路面設置﹐我亦唔再同你爭論。

根本唔駛爭論，因為磚家根本係估估下一時話搵個鐵架測試，到時先至去睇下有乜要拆（唔即場處理由得佢阻街？）。


一時就話預先同當局磋商。
邊句先真呀？