屯馬線巴士路線重組集中討論

dennis28a 發表於 2021-2-3 18:47
打散 113 重組成本一定高過留依條廢線食塵。
唔係唔搞得 113，但重組會好大，大到大家想像唔到。
...

所以113都係留番條命陰乾佢算喇最多cut到20/30分鐘一班
叫做維持基本服務

williamau 發表於 2021-2-3 22:59
希望佢今次醒水..
變241X位位收多5毫仲好啦, 又可以吸返D長安出旺角既客..
...

好心九巴就唔好咁斤斤計較啦，果一兩部車都想慳，遲 d 屯馬線和沙中線通晒車後已經可以大 cut 特 cut

呢間巴士公司都唔知點做生意，成日只係以減車減班為樂

ATENU364TC196 發表於 2021-2-3 10:24
42A 朝早青衣方向點樣唔慢，佐敦去IVE 快極都要40分鐘，仲未計其實荔枝角一樣有機會塞車，如果242X 朝早 ...

249X 打爆入青衣南，但 249X 做緊既係咩區？242X 九龍段又係做咩區？你不如話 948 朝早開回程都會打得爆

奧運站已經無位擺你心目中兩繁要做到個位數班次既 43C，擺維港灣就真係同擺西九龍站無乜分別，或者你話我知你打算搬走邊條奧運站總站線然後送兩部車畀人？

42A 而家朝早到底有幾多外來攝車都唔係重點，不如計下你減左幾多部車之後做到咩班次仲好，重點係你既計算係基於錯誤假設，自然得出有問題既結論

我夠知 42A 而家旺丁不旺財，但係都係果句，重點根本係現實入面有咩係做到、有咩係做唔到。如果九巴計到出來，結論係 42A+242X 因為無收費問題、九龍內陸流水問題，又唔會打開潘多拉的盒子，最後盤數會好過 43C+242X 既話，佢地都係會揀前者

仲有，邊個話你知尖沙咀無 quota？尖沙咀配額唔係得我一個咁講，如果無配額問題既話，點解會有其他版友費煞心思，為左遷就配額問題而被迫設計一D有少少奇怪既重組方案？e.g., [1] [2]

當然你可以話點解 796P 可以憑空變到配額出來入尖沙咀段彌敦道，但問題從來都係在於運吉批定唔批。唔太過份既野佢地都或者會網開一面，但一開波就做全日 10-15 分？咪發夢啦，有客都最盡只能開廿分班。Given 呢個限制，你又會點重組？定係一句「呢個限制唔存在」就當無左件事？咁就可以達到你既目標？

ATENU364TC196 發表於 2021-2-3 10:39
拉埋41A 玩，青衣山下多咗架佐敦尖沙咀快車，41 去紅土又快咗成30分鐘，44 又有得加車，點會反對（我唔否 ...

如果你講緊果位版友既方案，佢好似係想將條青衣山下旺角特快，兩邊分別拉去荃灣同紅土，到時青衣無左總站，然後油旺沿途客多得死亡交叉搞到甩晒班，就真係好玩啦

當然呢種複雜程度既重組，係連上 RPP 既機會都唔會有

不過你話我「愛民冇咗架車落去深水埗你就識幫45加班，青衣少咗架車出去深水埗但係你又當睇唔到，唔識幫44加班，成件事雙重標準到一個點⋯⋯」我恕不認同。何文田兩條半粒鐘一班、聯合 15 分一班，變成 30 分一班，對比青衣無左一條 30 分一班，仲有一條個位數班次、非繁 12 分一班，班次同運載力跌幅都差好遠啦。兩件事真係有得比？

需要既話，44 執下繁開車時間已經可以將最多人時段拉密返，至於上繁，學 FBI2 話齋，而家都打唔爆

亦唔好忘記，我個方案底下條 41，同屬葵青區議會既大窩口、葵涌邨、東北葵都係持份者。當然過唔過到都係睇既得利益者為主，但重組完變日間廿分班，每小時仲多左班車喎

FBI2 發表於 2021-2-3 09:54
Demand始終太細，路面又唔爽，真係好難吸引巴士公司開線

重點唔係需求有幾大，或者單一條線營收係點；而係機會成本係幾多，given 地區唔畀殺線前提下，同樣資源投資落邊度會最著數

反正殺唔到線，你都係要出咁多部車，拎呢幾部車去搵新客、舊客用其他現有路線食晒唔好？

其實呢，黃埔尾站經紅繞出佐敦就唔關漆北事嘅…同時有啲人講到自己條線有幾咁好客，但佢所講嘅服務範圍根本遠得濟，就唔係兩邊都想要嘅地方，唔知咁叫唔叫feasible啦…

xdxd 發表於 2021-2-4 00:14
其實呢，黃埔尾站經紅繞出佐敦就唔關漆北事嘅…同時有啲人講到自己條線有幾咁好客，但佢所講嘅服務範圍根本 ...

或者咁講，先唔理其他方法點改，
我同唔少相關人士討論過下落九龍塘青山上路既高見，帶點唔太禮貌既笑容一笑置之。

有人問如果改完盤數仲差左點計？改完仲製造更多完全唔關事既得利益者，係唔係佢上區會解畫先？

dennis28a 發表於 2021-2-3 14:27
需要細唔緊要，而係佢口中肯咁多區只有青公上路同九龍塘叫做鐵路盲點，
荃富街根本係大窩口站覆蓋範圍， ...

我唔知我前世得罪左你咩，我發覺你呢排好鍾意批評我而又唔直接 quote 我文，不過我感覺你已經去到為反對我而反對既地步

你下下淨係識講「青衣荃灣去何文田同土瓜灣客零競爭力跌到落谷底」，乜你諗住開條線就係要同鐵路紅小搶客先得？荃富街同青山上路到底做緊咩客，你就隻字不提，下下淨係搵對自己有利既 points 來講

望下條 42C，面對觀荃紅小、鐵路競爭，40 改線前後，都係靠呢兩個區搵食


我選擇做青山上路同荃富街，一來正正就係因為呢兩區相對遠離其他競爭對手之餘亦真係出到客。青山上路大把返工客，食到既住宅人口亦比起行葵涌道下路更多，你就隻字不提

下路直接同鐵路競爭，全日亦至少有一個方向可以坐紅小，先係同其他對手打到正，你又唔提。不過葵興葵芳沿線住宅區，除左光輝圍之外，我睇唔到有捨棄鐵路坐呢條線行西廊油麻地既誘因

二來亦係因為運署唔會批准憑空爆一條真係食到你口中最值得做既葵涌道同荃灣巿中心客既土荃線，直接同鐵路競爭。再加上青衣地區意見，我先直接搵 41 去改，順理成章係荃富街後入返青衣。青衣有幾多客都唔係重點，反正唔塞車既時候，行車時間同而家相若；塞車果陣仲穩定過而家塞長沙灣道同旺角

反正打唔贏人，基本盤又唔及觀荃咁大；40 仲可以食到飽，但土荃你走去做所謂多客位而不自量力？隨時弄巧反拙囉

所以點解我話不如做出到客既鐵路紅小盲點仲實際，問題係你對果D位既雙向客源視而不見，淨係捉住條線慢、無競爭力呢點不斷放大

然後九龍塘問題。我同意九龍塘客少架。問題講左好多次，我行得青山上路，根本就無好強烈理由一定要行西廊。無錯行九龍塘會遇到窩打老道慢流、呈祥道塞車。但同時青山上路夾西廊組合，又要面對蝴蝶谷道塞車、美孚橋底塞車，睇下你點揀囉。Google maps 話我知，兩邊無論里數定行車時間都係大致打和


咁九龍塘 vs 油麻地段窩打老道，最後咪又係睇下邊度執到比較多新客。留意，我強調係新客。如果九龍塘執到五個客，呢五個客之前係坐其他交通工具；而油麻地執到十個，佢地之前係坐其他九巴線，咁都係行九龍塘比較著數

當然如果係行葵涌道下路入，就一定係油麻地西廊，但我都解釋左好多次點解我唔選擇葵涌道，你就視而不見


同樣道理亦適用於同而家 41 客量比較。41 單獨一條線去睇根本就錯重點，你覺得到時 41 會比而家仲蝕係一件事，但而家 41 堆貴價流水都只係賺緊差價，趕晒佢地坐其他九巴線，然後 41 真係走去做而家無其他九巴路線做緊既客，盤數 overall 會好左定差左？睇盤數唔係逐條線去睇，呢個道理，以你既水平，你無可能唔明吧

S3BL100 發表於 2021-2-4 00:39
我唔知我前世得罪左你咩，我發覺你呢排好鍾意批評我而又唔直接 quote 我文，不過我感覺你已經去到為反對 ...

老老實實，我唔覺得直接 quote 有咩分別，
一黎第一句就話人「為反對我而反對既地步」，人地講晒咁多意見你又唔聽，大佬點同你討論，仲要唔止一個人唔 quote 你文。

好，荃富街，我之前幾篇文都提左，荃富街隔離係大窩口站，大連排道隔離係係葵芳同葵興站。

請問搭你依條新 41，何文田邨要幾耐先到荃富街？唔好同我計 Google Map，落街搭一次 7 號加 42C 再同我計。

青山上路大把返工客，主因係 38 40 42C 歷史背景問題，40 就算點改都唔及上山叫兩飛直接。
你都識講下路競爭大，係青山上路落車班人有一大部分唔係去番大連排道番工？咁照理依班人一樣係直接同鐵路競爭。
請問早繁邊樹遠離其他競爭對手？正面衝突緊呀大佬。
剩番既得番屏麗徑同打磚坪街，一樣面對緊紅小係光輝圍落車上山。

你都識講單方向有紅小搭，紅小做緊 10-15 分鐘一樣，有埋電話留位，土瓜灣就更密。
有無土瓜灣人趕時間返工仲同你等 20 分鐘一班仲要兜上何文田、九龍塘去葵涌返工？

至於何文田紅小，下繁荃灣係無車返何文田，如果何文田真係咁多返去葵涌既人，點解咁多年無車直接係大連排道開？
班客又去左邊？點解咁多年都養唔到班紅小出黎？

你成日都話聽左青衣地區意見，你試下同巴士公司既人吹下水，邊個方案更大機會唔會批准？
佢哋好唔禮貌地笑完之後，你不如有時間同人交下流先教訓其他人。

你成日都話青山上路同荃富街有雙向客源，雙向係邊？去何文田返學同屋署返工？
青山上路班人住宅客，早繁樓下有齊車出旺角，唔快快手飛落旺角轉車海小巴？
如果拎一條疏車線經青山上路叫左做左住宅客，咁 40P 唔洗全日啦，個個行出青山公路搭車咪得囉。
你想做佢地班部客，唔該比少少誠意，20 分鐘一班。

我都講過，唔該你先了解下往來何文田人搭車習慣先再討論，
唔好講一埋空話宣傳你既方案做到幾多獨市客，而依班獨市客本身最討厭就係疏車。
你依下用依個心態落區，我肯定你會比居民插到體無完膚。

記住，佢地等得車黎都落左旺角轉車，架紅小仲要係正門口得佢地上車。
非繁何文田邨同愛民邨係無可能養到一條經九龍塘青公既 20 分鐘巴士線，因為過晒佢地底線。

41 / 45 / E21A 生存到今時今日，就係有個假假既聯合班次做到出黎，咁咪吸到班流水客上車去深長荔。
太疏既車根本主力做返工線根本無吸引力，你要改變何文田山既轉車習慣。

而我更大關心既野係非繁客量。

我成日都講，竹門對竹門，木門對木門，38 40 42C 發達，係因為非繁有觀塘商貿區去葵涌通勤需求，而且 38 42C 走線直接。
你講青山公路上路有客，請問佢非繁落九龍塘、何文田仲咩？
當你話串通所有工業區，德士古道、打磚坪街、大連排道三大區落土瓜灣，請問有咩人會頂得順條線中間落九龍塘同何文田？
你唔聽我講，都聽下特工兄講，需求唔大，觀感又兜，唔好講咩野時間，點拎落區 Sell？

承上，德士古道隔離係荃灣西站、荃富街隔離係大窩口站，大連排道隔離係係葵芳同葵興站，上面三區仲同你等 20 分鐘車？
咁多個區得個打磚坪街叫做遠少少，你唔好同我請打磚坪街多人到可以養得起成條線非繁。

我對於行完西廊去做青山上路定行葵涌道無咩意見，我都講左，問題係為左行青山上路面強行落九龍塘係本末倒置，
你係另一個國家睇 Google Map，運吉年中就係求其比個行車時間出黎，個個人都質疑個時間點黎，不如考慮下飛番黎香港搭下車。

就算 Even 行西廊上青山上路，你做既野會好唔同，你會儲多左批廣華客，即係旺角南尾站客。
而行窩打老道會執唔到旺角客返黎，亦會趕走晒何文田土瓜灣班青衣客，連帶旺角深長荔流水客走埋，
非繁仲淨咩野客？係唔係得番青山公路上路班客？根本非繁唔夠客量基礎去養住依條線。

新 41 仲要因應龍翔道隨時突發塞車，全日做 20 分鐘一班，
到時新 41 又抽唔到車比 45 加班，就算你趕左佢上 45，45 又要搵地方加車，用多左資源會唔會仲蝕左呢？
如果唔係你又要拉另一條線落水做重組，依點係後話。

另一個關鍵係，油麻地執到既客，其實隨時係 20 個客，依 20 客有 10-15 個係由小巴同港鐵搶番黎。
而九龍塘執到 5 個客，有 1 個可能係本身搭緊 38 42C 轉 BBI 班人，或者係畢架山花園行落黎既客。
所以我成日都話睇野要全面少少了解果幾區人既出行習慣就咁解，唔係理就覺得你班客係新客，我班客你舊客。

當然，我唔反對你有資源去搞條九龍塘線出黎，但又係你成日話資源好珍貴，
咁非繁無客開 20 分鐘一班黎仲咩？九巴唔收車運吉下年都會拎佢上會。
你講到改完依個世界就唔會再對你條新 41 減班或改線，係咁依個世界都唔洗咁辛苦。
如果運吉一早預視條線改完年年上文件，根本依個改線方案直頭要零分重作。

再者，你係度話人「運署唔會批准憑空爆一條真係食到你口中最值得做既葵涌道同荃灣巿中心客既土荃線，直接同鐵路競爭」，
你隔離 F1 板咪又係做緊條葵芳直出旺角既循環線。

嗱，我今次就支持你啦（唔好成日話我為反而反），興芳路直出旺角係有市場嫁。
我成日話，根本個盤夠大，係港鐵沿線唔一定搶唔到客，你試下將你條 37X 同 41 何紅土合併，
然後 241X 跟九巴方案改得快，睇下養唔養到客番嫁兼何文田班人又受落？
人地唔一定要土何荃線嫁，但唔好比一條無咩用既線比人先得嫁。

多元討論，我無講過唔比你日日 B2 板當 F1 板用，你睇下依篇文有無人瘋狂插我？
如果我同意你既觀點，我會唔會仲浪費時間解一大篇廢話去同意你既內容？觀點一樣唔洗打千字文。
更何況大佬，有時我都話你其實錯唔晒，你又選擇性失明，一黎就話人「為反對我而反對既地步」。

FBI2 發表於 2021-2-3 22:35
其實將41減出來既2架車俾45,已經足以成功令41提速,可是九巴連呢2架車都想拎走.

...

45車程短唔過41幾多，如果要令45加到去20分鐘一班，應該要加到3部先夠