2021-2022 沙田RPP

tszhinchan3 發表於 2021-3-14 09:27
86C去左維港灣之後，黃金客就要行去西九龍總站或者怡閣苑上286C，應該要考慮將286C改行長沙灣道，延長去 ...

講真
黃金行過去西九龍唔係好遠啫
只係行多兩個街口
步程最多行多10分鐘

kmb71k 發表於 2021-3-14 10:20
講真
黃金行過去西九龍唔係好遠啫
只係行多兩個街口

行完黃金拎住部電腦拎住部PS5仲叫我行去坐車？你行比我睇呀！

tszhinchan3 發表於 2021-3-14 21:21
行完黃金拎住部電腦拎住部PS5仲叫我行去坐車？你行比我睇呀！

你日日拎住電腦/PS5由黃金行到西九龍？

leo_ku 發表於 2021-3-14 10:12
86C 上年建議過縮去蘇屋，不過過唔到。

縮去蘇屋都過唔到的時候，縮去維港灣更加冇可能過到啦......

其實白田石硤尾真係要諗下，自己樓下堆86/86A/86C/87B點樣搞會好少少。九巴宜家鐘意拆線搬上青沙，呢4條線唔執下佢，遲早變晒做30分鐘一班。

到底白田石硤尾入沙田區係想要覆蓋定係密車，呢個好影響未來九巴青沙重組計劃。其實如果留一條大圍線 (87B)，以及一條沙市+石門+馬市 (86/86C合併版)，各15分鐘一班，會唔會比留4條各30分鐘一班好?

2076 發表於 2021-3-15 14:16
縮去蘇屋都過唔到的時候，縮去維港灣更加冇可能過到啦......

其實白田石硤尾真係要諗下，自己樓下堆86/8 ...

其實
老九堅持玩爛班客地區真係無say

論實用性
反而我覺得威記重要過馬鞍山
再者如果想清走條86C既
跟返以前條286C拉上白田
想直車既可以而快既就轉車

Snoopy@FB8617 發表於 2021-3-15 14:53
其實
老九堅持玩爛班客地區真係無say

但石門重要性我覺得係高過威院......

286C拉上去白田，其實都係得物無所用，286C去到荔枝角站，86C已經到左石門......

我自己諗法係隨白田蘇屋重建，86去沙田市中心係值得做到15分鐘一班，如果再加埋石門/馬鞍山市中心，絕對唔會唔夠客。白田呢個位係一定用獅隧做。

但九巴一方面亦都想擴展青沙網絡，對沙田區居民來講，用青沙去荔枝角站，以及西九龍中心係方便的，速度上亦都快過行完南昌街再行元州街/青山道。所以困局係九龍區白田蘇屋的訴求，與沙田區的訴求有分別。286/286C就明顯係沙田區主導，相反86/86C就深水埗區主導。所以286/286C定線應該係沙田區拆細，然後行深長荔的長沙灣道，行大路避塞車。相反，86/86C就應該主力蘇屋/青山道/元州街/南昌街，合併一條線谷密少少，比蘇屋同南昌街居民一條線去到沙田區重要的地區(沙市、石門、馬市)。86A就做疏車輔助，其實可以拉入去圓州角總站補返位，做大圍、車公廟、沙乙博、威院。87B就做返一貫的澤安掠水流水線。

2076 發表於 2021-3-15 16:02
但石門重要性我覺得係高過威院......

286C拉上去白田，其實都係得物無所用，286C去到荔枝角站，86C已經 ...

贊成師兄嘅觀點，深水埗同沙田各自都應該搞清楚想要啲咩，主力服務沙田嘅巴士線就行青沙，行獅隧嘅就應該將重心放返係深水埗乘客，例如李鄭屋一帶

如果夠車的話，個人第一步想將86一拆二先，
86縮短至火炭來往美孚（火炭方向經青山道、東京街、長沙灣道、南昌街），
然後開RDP嘅286（但改逆時針循環）

第二步就係再將新86分拆，
86再縮短，來往火炭至蘇屋，
最終目標係開一條由火炭來往栢景灣嘅巴士線（暫稱286E），經沙田市中心（、大圍）、青沙、荔枝角站、深旺道

亦因為咁，86C繼續留低係長沙灣，做返新田圍來往荔枝角站（或者搵新線286E兜上新田圍後山，觀感差少少但時間其實唔差太遠）
然後86C可以考慮縮短埋去馬市（以及回程唔經黃金），兜入77區比佢地有直車去深水埗，馬鞍台就加返86K BBI

最後286C經南昌街、大角咀道擺落旺柏

變相到時候，86就會主力服務青山道來往沙市、火炭，以及火炭、沙市來往深水埗一帶；
286E就會服務填海區來往青沙、沙市、火炭，以及火炭、沙市特快來往荔枝角站；
286就做河東來往整個深長荔；
286C擴闊服務至大角咀道來往馬鞍山、石門；
最後86A 86C就繼續減班獻世，做埋淨低嘅窿罅位

PS 86A本身沙田圍總站落車行埋去威院，其實都唔係好遠

2076 發表於 2021-3-15 16:02
但石門重要性我覺得係高過威院......

286C拉上去白田，其實都係得物無所用，286C去到荔枝角站，86C已經 ...

好難講，視乎石硤尾本人有幾多人會去威院覆診

始終石硤尾都係人口老化區

流星☆雨 發表於 2021-3-15 22:31
好難講，視乎石硤尾本人有幾多人會去威院覆診

始終石硤尾都係人口老化區

其實石峽尾新診正常係去明愛同瑪嘉列...

tszhinchan3 發表於 2021-3-14 21:21
行完黃金拎住部電腦拎住部PS5仲叫我行去坐車？你行比我睇呀！

唔好玩啦..

你去黃金門口數下，
除左極少量 DIYer 或者追速度o個班。
而家重有幾多人砌機...？