西鐵客達21萬

原帖由 shtsang 於 2006-12-16 23:45 發表

咁又唔好咁講,冇記錯既話好似如果以相同上落車站
比較,西鐵係比輕鐵貴少少.

咁又唔係o架，大部份其實係平o左，仲要分分鐘平$0.5以上...
可以睇返天水圍去屯門就知...以前$4.4，甚至係$4.9，而家分分
鐘$4.1已經搞掂...

但係所用o既成本係多o左...當然人均成本會因為流量增加而平
過以前，但都唔會少得幾多...

原帖由 shtsang 於 2006-12-16 23:47 發表

對囉,但唔等如有月票就掂囉......
講到九巴俾人打到落花流水咁,
西鐵自己好好多咩?我就唔信九
巴會蝕得勁過西鐵呀.
俾你西鐵搶晒班客又點話,計落
西鐵仲蝕左唔知幾多億啦.....

真唔知閣下講左去邊
去到邊都要激起西鐵及巴士既矛盾
呢度有邊位板友話過「九巴俾人打到落花流水咁」？

「唔等如有月票就掂」
我提議你干脆說一句「西鐵有無月票都唔掂」好了
若果廿一萬不足以說明月票的效力
而要賺錢才算是掂的話
東鐵、機場快綫、東涌綫應該都唔係好掂了
連地鐵一年也只賺到幾千萬
造就九巴打低西鐵的大欖隧道、西隧都唔知蝕了幾多錢
只有九巴賺到幾億才是最掂的公司了
好吧

言歸正傳
這個條目無人要討論西鐵還是九巴「最掂」（這點留給閣下去做）
而是希望探討西鐵月票的成效如何及是否藉得保留

[ 本帖最後由 ahbong 於 2006-12-17 22:20 編輯 ]

原帖由 dennis28a 於 2006-12-14 22:48 發表

沒錯，西鐵全月通真係未至於蝕死，不過明顯而言，點解要出全月通「搶客」？相信大家心照。
如果西鐵一世都要靠全月通生存，我都係唔明，如果西鐵有一定吸引力，點解要繼續出全月通，唔係仲荒謬？

我總不相信，西鐵取消全月通前後會對車務收入有可大幫助，在經濟角度來說，月票根本係引致西鐵車務收入低於預期水平的兇手。世界上推出月票優惠，都係變相保持收支平衡，甚至係補貼公眾，吸引人使用（接駁優惠同是），目的只係要令需求上升（月票根本無可能令需求上升幅度大至可能有錢賺，除去本身既收費高到無人有賺死，而全月通定至仲有得賺）。

簡單來說，如果西鐵客量都係達至二十一萬，理論上佢係因為全月通收少左好多錢，你估西鐵無蝕過？情況未有你所估咁理想。全月通只不過係要令西鐵客量達至均衡水平，以便穩定客源，係短暫性止蝕方案。（如果唔洗蝕，根本無需要出月票）

其實，香港曾有鐵路系統推出過月票既活生生例子，地鐵落成初期，因為市民大多不能接受地鐵的運作模式，加上收費不能定得過高，為了止蝕，曾一度推出過月票。不過，推出月票後，情況只有少量改善，最後都係改出通用儲值票，聯同其他交通工具整合不同收費模式，先至開始有錢賺。

明顯月票根本唔適合香港使用，我不論西鐵服務片面上有幾好，九鐵既管理模式根本存在唔少問題（講真，西鐵興建成本一定極高，邊有可能出全月通根有得賺，唔蝕死都要偷笑）。長遠少少黎睇，不論兩鐵係唔係合併，全月通終有一日會玩完。只不過西鐵反映出香港鐵路規劃上出了不少問題，係兩鐵合併關鍵因素。

小弟很相信你不太明白現時西鐵的營運情況，實在希望你看一看現時西鐵的營運情況才下定論。
理解現時無法取消西鐵月票的版友相信都會明白，只要你去西鐵站看一看入閘機，
留意現時輕鐵轉車客、月票客、日票客及單程票客的比例，便知道西鐵單靠俾緊9折的單程票客
的收入，唔好話要支付列車行駛的成本，很可能連車站的「燈油火蠟」都唔夠俾…

西鐵的營運方式跟本地任何一條鐵路都唔同，終止月票及日票後，本人很相信西鐵日淨10萬客
（不計算無收入的輕鐵轉車客）絕對係樂觀數字，實在唔可以同其他稍為有多少少競爭力的鐵路比較。

個人其實唔太喜歡田北辰，不過佢的確在西鐵的營運上做了很多功夫，
以現時西鐵定線和其他交通工具相比之下的競爭力，能夠推出月票留得住過廿萬客，
有如此高質素的服務，同時營收表現有今日的成績，某程度上已經係一個奇跡。

如果好似你咁講西鐵不靠月票，又要唔駛蝕錢的話，答案很可能只有：
- 西鐵來往市區及新界單程要加價至一張來回歐洲的頭等客位機票的價錢，希望有白撞上當；或者
- 西鐵大幅減價最少五成，做到人人搭西鐵；又或者
- 西鐵停止運作，唔做唔蝕。
再唔係廢止所有新界西的聯外道路或者也可以…

西鐵要cut月票而Keep到20萬客，等2008年奧運之後九龍支線起好左，或者有機會既…