兩元乘車優惠會維持到幾時先至加價？

下一個專營權/下次加價嗰陣政府應該修訂車費等級表，強制巴士公司全面提供雙向分段收費；並且修訂補貼準則，強制長者上落車拍卡才能享有$2票價優惠。

miklcct 發表於 2021-7-2 00:02
下一個專營權/下次加價嗰陣政府應該修訂車費等級表，強制巴士公司全面提供雙向分段收費；並且修訂補貼準則 ...

咁即係正價客也可享過海線
僅搭短途落車而上前拍卡嚟
獲得雙向分段嘅回贈(?) 如果
咁做嘅可以話係災難。

kitarolo 發表於 2021-7-2 05:47
咁即係正價客也可享過海線
僅搭短途落車而上前拍卡嚟
獲得雙向分段嘅回贈(?) 如果

當然，好似而家嘅900咁，擴展到所有過海路線。當普及咗之後，巴士公司起碼可以減1/3車隊，而且乘客上到車嘅機會亦會大咗（因為頂閘車有人落車嘅機會大咗）。

miklcct 發表於 2021-7-2 06:24
當然，好似而家嘅900咁，擴展到所有過海路線。當普及咗之後，巴士公司起碼可以減1/3車隊，而且乘客上到車 ...

澄清返先：

今日(7月2日)朝頭早我見到網友kitarolo(第12層)嘅言論，我又未食早餐，就拿拿聲畀咗佢+1 aPower同+10 Huge C，仲標明「簡直係大倒退」；但係諗深一層，其實我話係「倒退」又真係唔係幾啱嘅：
九巴同埋中巴不約而同(?)改變票務，取消大部分雙向分段收費嘅時候，係上世紀70年代初期，正正就同我另一篇文話齋九巴撤銷月票嗰陣時，兩間巴士公司分別喺維港兩岸自成一國嘅年代。其實兩巴取消大部分雙向分段收費，以及九巴撤銷月票，大程度上都係因為兩間公司以減省成本，改用「一人控制模式」而致。
隨着八達通嘅興起，其實而家比起大概幾十年前有更加充裕嘅條件恢復月票、雙向分段收費等等先前會導致成本大增的模式。
唔算倒退嘅，不過要好似台北市，甚或至香港大西北輕鐵咁，先行要求上落車都要嘟卡，再循序漸進實行雙向分段收費。

YY487 發表於 2021-7-1 18:27
教育？
廢老有得教就唔叫廢老啦

所以更加要由票價落手﹐唔好再劃一車費﹐唔好一律$2。

只要改為成人價的 25%﹐你地班友咪識計數囉﹐自然會減少貴車短坐的情況。


區內線﹐多數都係 $5-6﹐即係 $1.5以下就坐到一程﹐比起而家$2 仲便宜。
所以﹐現時改制係最好時機。

過多幾年﹐當區內線去到 $8以上﹐改為以25%優惠就好大阻力。

其實$2優惠加價,幫補唔多架喎,加到$3,都係要補貼大部分車資,有唔少長者長車短搭,點加都冇咩作用

對非長者乘客黎講,最理想緊係上下繁取消優惠,至少留返啲位比返工返學既人,
非繁你坐一個站就落車都影響唔到太多人(不過呢個好難通過到)

再收窄啲,上下繁只係長途車冇優惠

或者好似類似樓上建議,收25%車資
不過再細分,車資多過$10(算中長途車),收35%,多過$20(多數係過海),收返50%

我私心覺得最好係繁時收正價 不過實比人屌死