[屯馬綫通車建議] Part 3 翠屏九碼流水(5D/11B/17)

2076 發表於 2021-7-18 22:46
先謝謝師兄回覆。11B/17呢一組，我認為用5D食左11B部分服務開20分鐘一班，好過留返條半天吊的30分鐘一班5 ...

明白師兄嘅睇法，只係我覺得你嘅諗法有少少過於理想化。
11B：
我嘅期望係將佢變成一條九碼－觀塘道－藍田／油塘（視乎執15或14而去邊邊，冇14就去油塘，反之亦然）嘅執雞線，最主要係補九碼->觀塘市以及東邊總站<->太子道、九龍城等等。
師兄改5D只係做到我期望嘅半樣（九碼->觀塘道上游），同現時有嘅服務落差比較大，加上土瓜灣去九龍東，喺正常情況下同鐵比係頗有競爭力（油塘例外），所以先諗住靠11B做。
5D嚟講，我會傾向同5A合併，不過未仔細研究過；又或者頹做，始終用車量唔係超多；甚或乎將新11B拉到黃埔／師兄嘅5D掟去油塘嘅方案我都見過，不過唔太想採用。

14／15：
師兄嘅14實在太兜，我認為比起長線兜晒所有地區，一長一短（11B+14或15）會好過一條做晒。
正如上述所講，土瓜灣<->九龍東巴士係有得鬥，加上理半個月來嘅觀察，15、17客量跌幅唔顯著，我亦見過喺北拱街就坐滿九成嘅15，反映返來往兩邊嘅巴士服務依然有市場。
另一樣係15唔算特慢，但師兄打算用嚟取代15嘅新14、新5D各有缺點（彩虹道；啟德、下路等等），變相令部份而家等緊14、15嘅乘客會頂唔順而走落地底，相信唔係大家樂見嘅。

5D慢，但要快的客都去搭鐵，另外德福平台更就腳。28我另有打算，會建議佢停家維，然後入黃埔總站後，直飛紅繞入尖碼，所以淘大果頭去下路唔係問題。

但15本身唔係特慢，尤其係觀塘道上游返紅磡嚟講，已經係最直接路線；反而5D咁行就真係唔多開胃...
另，28喺鐵通車後有評論指佢有跌客，仲落黃埔？係咪應該保持不變，甚至加快車程應對？
除非你期望28係食埋8A（留意，係8A唔係8P，下面會再講）+掟晒快客比（2）13X，否則我唔多睇好...

我建議係14/17主軸，有諗過14去中港碼頭方向入紅磡（初版建議），但因為11取消比人熱烈關注，如果14入紅磡變相令11更難取消，所以打消14入紅磡家維的計劃。

唔入家維基本上做唔返好多紅磡客，要行嘅不如我行去黃埔／何文田搭鐵，使鬼等巴士咩...
仲有，近期風聲係11死唔去，即使11真係死我認為紅磡仍然值得14／15西行繞經，始終沿路都仲有其他更快去佐敦一帶嘅交通（215X／14X／26等等），但紅磡唔落就無車返去...（唔計師兄打算郁嘅新28）而始終紅磡都算係客倉，試過新山道上廿幾個返紅磡，拱手相讓比796X唔多符合厹嘅陰濕做法
至於留14定15呢...我就覺得一日長線入油塘，一日條線都唔多會受重視，14有版睇；相反我認為15、215唔係唔可以並存，加上15、15X西行客路有頗大分別，鎅客就應該唔會嘅...
所以都係傾向留15，11B入油塘，夠位嘅伸埋15X落去都有計傾。
其實，有215而藍田唔介意轉車嘅，可以考慮將14／15放落山下（eg裕民坊／翠屏道），咁就可以唔使郁17。

5A+28+黃埔：
紅磡－啟德使用量唔高，黃埔人上5D就...下路會多啲，可能六四開，但多數上唔夠十個...
用E23嘅的確較多。（始終平，服務範圍大，又算快）
12A黃埔客唔係唔上，我諗平均計每班都有三、四十人離開黃埔。我有諗過開12B，經紅磡道出+去到海盈，但咁樣似乎會令班次不均，所以都打消咗念頭。
8A／P近期客量回升，大致上係8A 22～29人，8P就37～51人（非繁紅磡方）都見過。
反而5A就多見個位數，甚至運凳都見過。
就此，我覺得合併5A+8P，只係尖沙咀－紅磡段相對多客，但全程或者紅磡－啟德段都唔慌好，如果因此而再陰新5A就係黃埔、海逸損失啦。
另外唔太關事嘅，但我覺得5A站位唔係同5一齊擺都趕客，8A／P，234X嗰啲就算靚。
如果師兄想改28停黃埔嘅，我覺得8A會係合適開刀對象，
一嚟大家都做開漆咸道，二嚟雙向入黃埔嘅可以殺埋5D，放車比5A執下；
往尖碼方走線可以落到街市左轉，但我會諗下行紅磡道，停黃埔之後直上紅火落漆咸道；
回程就跟8A行，跟住紅磡道走，咁就可以殺5D。

為左救5D 搞左條四不像既線..

5D 仲有最後一個機會-世運道延長段
如果開左這段都唔掂 就應該直接摺線

xdxd 發表於 2021-7-19 10:01
明白師兄嘅睇法，只係我覺得你嘅諗法有少少過於理想化。
11B：
我嘅期望係將佢變成一條九碼－觀塘道－藍 ...

感謝師兄長文回覆，我都認為係有少少理想化，但有幾點我都認為可以討論下，尤其是乜都唔搞的話，最後好可能係減班從而cut到10架車:
11 30
11B 30
14 20-30
15 20
15X 大兩味早上往紅土，晚間往藍田 20
5D 減無可減，不變，30
5A 減無可減，不變，25-30
得17可以維持到現時班次，咁到時只係紅土居民受害。
重組得路線其實就希望主幹路線(11X/14/15X/17)維持到10-15分鐘的班距，輔助路線(5A/5D)維持到20分鐘的班距，咁樣對於留客同居民都係雙贏，唔太想為左留線而令路線開30分鐘一班的不吸引班次，堆客一開app見到2X分鐘先有車一定走落鐵。

11B:
11B最主要價值的確係九碼來往觀塘道，兼係最平價選擇，其他路段基本上17可以完全取代，但在5D不能行承啟道，兼要行十三街的前提下，與5A合併是不可能的事，用5D食11B觀塘道只係權宜之計，而且只有咁樣做先至可以令到九碼<>觀塘道九龍灣段唔駛加價。另外土瓜灣去九龍東，因為啟德隧道出口問題，其實有11X/15X雙飛，再加28，3條特快直達翔龍灣，11B西行觀塘段只會載空，或者吸平價客，九巴自然不太樂見，運輸署亦都不希望留載空觀塘道路線。點解我會建議變相留11B東行+5D西行，係因為啟新道問題，令到5D東行不吸引，加上欣榮花園的確有唔少客等11B而唔行去等17，以及11X/15X/28問題，所以11B東行係絕對值得留。但西行九龍灣段觀塘道的客，其實都係德福/牛下/淘大走出來，德福平台有5D，淘大的28更就腳，變相受影響的就真係得牛下/定富街西行客，相信佔比其實真係好低，唔太值得hold起4架車只係做佢地。

14/15:
對比分拆2線各20-30分鐘一班，我其實比較傾向1條長線開12-15分鐘一班，呢個應該係原則性的分歧。始終巴士賣就腳同有得坐，一般人等巴士最多接受15分鐘以內的間距，再長就算路線直接都會因不耐煩/太熱趕客，坐上巴士兜點都好過企街食廢氣等車，尤其係紅土呢類老人家較多的區，仲未計要快同直接仲有紅van同MTR。
14入彩虹道只係單向東行，因為有101/A22幫手，而西行去QE亦都有9而冇需要入彩虹道。不過認同觀塘道去家維邨的確搵番14入會好少少，可以作修訂。始終平治街大大個何文田站，亦都有26，真係冇需要14。
至於15冇跌客，個人都認同，但半年後15X半全日化後，15跌客可謂必然，到時應該支持唔到14/15/15X(尤其東行)，半上半下亦都有15X去做。
留14唔留15，一來係215因素，二來係15X因素，三來係14擺油塘，單向西行上啟田道，其實係做到埋藍田，變相係東行留14，西行留15。
呢度再講一次條新14的走線，希望會清楚少少:
東行: 九龍站>中港城>佐敦道>上路>九龍城>彩虹道>碧海樓>觀塘道>油塘
西行: 油塘>啟田道>觀塘道>太子道東>九龍城>上路>家維邨>紅繞>佐敦道>中港城>九龍站
東行係留14，兼併11功能入來的做法，因為有15X/101/A22幫手。
西行係留15，但兩邊延長的做法。

5A+28+黃埔:
12A我係想佢擺紅鷥道，行完紅磡舊區先入黃埔，再紅磡道出，吸引力會大幅上升，亦都放返黃埔站位出來。
5A+8P其實我真係唔擔心佢會cut返做25-30，會長開到20。一來九巴同城巴打緊仗，任何線只要做啟德一定有免死金牌。二來5A少客原因某程度上係太疏累事。開返20啟德的客數都會維持到每車20-30人。5A+8P海逸亦都係直出尖沙咀，唔駛再入黃埔總站，對海逸其實有著數。
8A其實我心目中有個做法，始終8A最大價值係東行返黃埔入到總站，加上金德大廈，黃埔近乎係唔搭8A西行。變相如果有長途路線經廣東道、梳士巴利道、漆南、紅磡站、蕪湖街、德民街返黃埔，8A的功能就係完全做到。我個人傾向30X去咁樣食8A。
28班次夠密，用佢食8A會太密。反而入黃埔總站食8P的黃埔->尖碼路段，對黃埔來講係服務大提升，原本8P得20分鐘一班，但28非繁都開緊10-12，計埋減班頂盡12-15，而拖慢28推客上213X/13X亦都符合九巴作風(因為開左213X直達尖東漆南先可以改28)，順便保住5C的下路->漆南客量。
5A/28/8P呢組，對海逸來講，尖碼開車變定點20分鐘一班穩定班次，去尖碼方向就全日飛走黃埔總站，慳5分鐘車程。對黃埔來講，尖碼開車變定點20分鐘一班穩定班次，去尖碼方向用28可以享受10-12分鐘一班的密車。另外，早繁亦都會留8P做特車密密載客，對海逸黃埔而言其實真係合理。

gu9434@24 發表於 2021-7-20 20:34
為左救5D 搞左條四不像既線..

5D 仲有最後一個機會-世運道延長段

5D受制於冇得入承啟道，運吉又逼佢做太子道東，真係冇計。入啟新道加宏天去啟麗，同牛頭角返轉頭入啟麗用時其實一樣......

就算有世運延長段，都唔知運吉會唔會拎譽港灣出來唔比5D改道......但5D本身比22M分客本身就難做，倒不如食11B幫九巴慳下錢。

2076 發表於 2021-7-23 18:17
感謝師兄長文回覆，我都認為係有少少理想化，但有幾點我都認為可以討論下，尤其是乜都唔搞的話，最後好可 ...

東九紅土線：
我喺自己個po都打咗大部份，留14定15，我想補充一點，就係如果知道 1）平田客佔15多唔多；2）西行藍田／油塘客分別搭去邊 呢兩項數據下，而去決定係保留14定15、11B去平田定油塘之類。
同時，喺兩長一短嘅情況下，長線唔多需要東行入彩虹道，11應該就死唔去嘅。
同埋，即使係留14+平田有11B，14都唔應該上啟田道，咁做應該同趕油塘客無分別，雖然唔知佢哋仲上唔上14就係了...

東行係留14，兼併11功能入來的做法，因為有15X/101/A22幫手。
西行係留15，但兩邊延長的做法。

唔多需要兩邊用唔同線做骨，有啲唔湯唔水

半上半下亦都有15X去做。

呢樣好似得796X做到喎...（西行）。

5D／11B：
我自己就想用11B食返藍／油流水嘅，師兄即使之前推咗15A去做平田流水但我覺得麻麻地，土瓜灣呢邊覆蓋率唔夠...
如果真係想做死11B嘅可能要拉14B出到九碼，但咁就變相lock死佐敦長線係15...如果唔係必須11B死嘅，我會建議改做循環，德福→啟麗→啟晴→太子道→十三街自轉→牛頭角咁樣去，南下就掟比5A。
我認為點都唔太可能由佐敦長線做晒藍油，點都要有條九碼／其他紅土總站止步嘅短線幫拖。
又或者改22M做會方便唔少，始終行得承啟道，但厹願唔願意比城記叉隻腳入觀塘就後話啦。

黃埔線：
12A擺紅鸞道，行蕪湖街去黃埔再經紅磡道出,咁家維鶴園北行點搞？叫佢哋搭南行落黃埔再免費轉北行？
5A方面，而家非繁真係吉車離開尖碼多，唔係講笑...8P海逸其實都係上得十零廿個，幫唔到條線幾多，啟德大鬥法唔足以
與其攞30X食8A，我傾向直接拉260X去做，要改動嘅比較少，唔駛咁麻煩
另外，其實8A/P合埋入紅磡方向係好客過出尖沙咀
有唔少人係搭地鐵去尖沙咀唔同地方（以前仲有6仔）／過海，然後回程行去尖碼／轉船搭8A/P，所以28不妨直接雙向食8A／8P是但一條，又或者最少係食需求更高嘅紅磡方，而唔係出城...

2076 發表於 2021-7-23 18:22
5D受制於冇得入承啟道，運吉又逼佢做太子道東，真係冇計。入啟新道加宏天去啟麗，同牛頭角返轉頭入啟麗用 ...

新5D去不到觀塘已經死左一半
所以我真係覺得5D直接摺線最簡單 要搞下路掠水大計 可以拉11B到海逸豪園
收貴一級 搞番個單向煤氣鼓>翠屏道分段 兩邊都好下台

gu9434@24 發表於 2021-7-24 21:32
新5D去不到觀塘已經死左一半
所以我真係覺得5D直接摺線最簡單 要搞下路掠水大計 可以拉11B到海逸豪園
收貴 ...

我之前建議過搞5D 嘅另一方向 將5D經紅繞拉入彌敦道順時針循環 21縮做黃埔循環 做大5D貴車

11B掠水任務就交俾11X 換返出嚟觀塘道 如果入到承啟道延長段就更好