點解港鐵故障時，巴士只會接駁受影響嘅車站？

如果港鐵發生故障，其實可以整啲接駁路線去大型巴士轉車站，可以疏導人流。

如： 屯馬綫：
錦上路至大欖隧道轉車站
九龍西至紅磡
九龍東至富豪東方酒店
九龍東直達黃大仙
紅磡站直達沙田

接駁不同交通樞紐可以減少對市民造成嘅影響，唔一定死板要接駁兩個港鐵站

你建議的地方﹐有部份根本唔適合做接駁之用。

你這樣做﹐只是將一個地獄轉移去另一個地獄。


舉個例﹐你將批人轉移去大欖轉車站。
平時都已經人夠多﹐再多一大批人﹐點應付?
仲要無其他路可走。
** 當然﹐都要睇爆鑊的時段的。

但係紅磡就適合的﹐有足夠的輔助交通疏散人流。
不過﹐本身咪又係屯馬線的車站﹐同你所講接駁其他地方﹐有點不符。



而接駁巴士﹐原意就係為鐵路沿線的人提供替代服務。
如果飛走中途站﹐就會有人無替代服務。
開多條線﹐用的車又太多﹐主要車站又未必有足夠地方做多條線的上落車點。

下？自己壞左仲要送客比對家？龜龜先無你咁傻

送客去無故障既站都仲有機會入番黎自己網絡，送去所謂既交通樞紐咪即係100%番唔到自己網絡

應急接駁巴士供應有限
有部份受影響乘客嘅起/終
點可能就在鐵路站,亦有更多
需駁多一程,難逐一照顧,加上
鐵路故障更可能引發假日司機
駕車出嚟通勤,樓主建議去欖隧轉
肯定比平日更多乘客還能登車嗎?

所以輔助巴士逐個站停
可以話係不得已嘅做法。

樓主嘅出發點係好，之不過咁做先至幫唔到手。

將客送去巴士大站，回程肯定要吉車回頭。
要用多好多車先至可以serve到。
都仲未計其他板友講嘅問題。

接駁受影響嘅港鐵站的話，
落佐呢水客，就可以即時接另一方向受影響嘅乘客。
別忘記就算係單邊出事，另一方向同樣受影響。

鐵路已接載幾千客,再把這千名受影響鐵路乘客轉移其他巴士,巴士載客量有幾多你都知,一定載唔曬,仲未計利益轉移問題,mtr一定唔制,正常情況下緊急巴士當然鐵路站駁鐵路站,巴士識做生意咪特登開繁忙路線加班車,好像936在葵芳站搶客,明知知法犯法都要吸客 https://www.hkitalk.net/HKiTalk2/thread-1151869-1-1.html

groom1002 發表於 2021-10-22 20:48
鐵路已接載幾千客,再把這千名受影響鐵路乘客轉移其他巴士,巴士載客量有幾多你都知,一定載唔曬,仲未計利益轉 ...

巴士載容量和班次雖然較鐵路低，但路線數量遠勝鐵路，鐵路就好多時得一兩條線，多都係得4條

User12345678910 發表於 2021-10-22 21:53
巴士載容量和班次雖然較鐵路低，但路線數量遠勝鐵路，鐵路就好多時得一兩條線，多都係得4條
...

開太多巴士線咪用更多巴士行,隨時連後備車唔夠用

User12345678910 發表於 2021-10-22 21:53
巴士載容量和班次雖然較鐵路低，但路線數量遠勝鐵路，鐵路就好多時得一兩條線，多都係得4條
...

可惜鐵路一條線都頂到巴士幾廿條線
仲未計成個網絡幾條線加埋嘅轉車效應

記憶中有次西鐵要荃灣西止步
接駁巴士去美孚再去南昌
但荃灣西去荃灣站咁近
點解唔去荃灣站而要走咁遠...