M590 更改路線調查結果

原帖由 238X 於 2007-6-21 23:32 發表
雖則 90B 南行真係唔值五個八，但調走條線，
我呢 D 經常係上環起八飛等車上港大既人就會起少一飛。
(起八飛 = 3A, 4, 7, 37A, M49, 71, 90B, 91)

而且個人所見，大道中等 90B 既人都不在少數。 ...

我當然知道90B響皇后大道中有龐大需求, 改路完全不智, 但之前又有某政黨
話得到七成民意支持90B改路, "真正特快來往西上環"云云喎...

http://www.andrewfung.net/events/0705%20restructure%2090B.pdf

其實同呢件事同今次M590事件有D相似, 只係換上另一派既政黨囉... 我都非
常希望90B盡快改為"真正特快", 最好響皇后大道中掛滿Banner, 睇下有咩結
果囉...

原帖由 053h4 於 2007-6-21 23:38 發表
根本過士同現在46X的乘客都是在上環中環落了90%
因此大部份乘客是得益, 因減價

而46X的非繁忙時間客量
根本和過去相去不遠
現在用少了車, 對巴士公司而言是節省開支
對乘客而言也是可有可無

簡直大開眼界 -- 46X改路之後, 北行方向根本唔停上環, 而中環就要響兜完灣仔番轉頭
先後先至有站, 想問如何"在上環中環落了90%"? 莫非要響上環天橋跳車??

4號大幅減班, 早上M49既班次又比46X疏(M49早上北行開10分鐘既時段已經過左最繁忙
既, 8點半之前開15-20, 對比以前46X開12-15), 46X又唔經中上環, 令華富往特快巴士服
務縮減, 更多人被迫轉投華富至中環小巴. 巴士改組後早上華富至既小巴馬上由$7加到
$7.5, 八點過後既繁忙時間可以有近百人排隊.

最令人驚訝既係響中巴專利權結束後一度消失既華富至中環泥鯭的士, 竟然再次出現, 連
咁短既市區路程都有泥鯭的, 可見服務幾咁不足, 如果乘客真係得益, 呢D現象又點解釋?

原帖由 053h4 於 2007-6-21 23:44 發表
事實上, 對海怡區居民而言
這是 "真正特快來往西上環"

而只是中途去金鐘客有所損失

以現在90B海怡區的需求而言, 以薄扶林沿線及中上環為落車點
其結果也付現實 ...

1) 90B唔係海怡居民專巴, 一條線唔通只照顧總站乘客利益? 西村居民
既利益係咪唔需要照顧? 咁不如索性由海怡開出到置富開始先至有站,
咪更加特快, 更照顧海怡居民利益?

2) 由皇后大道中返海怡既居民點算? 由中環街市開始至上環街市一帶,
亦有大量海怡乘客. 由皇后大道中行出永安/西港城坐車, 路程非常遙遠.

既然已經肯定M590由交廣改去香港站會令乘客行多D路引起不便, 咁同
一政黨點解要乘客由上環街市行去西港城坐90B? 呢段路比交廣行去香
港站遠幾倍喎?

原帖由 238X 於 2007-6-21 13:39 發表


不如問下佢地點做問卷
(這直接影響是否需要主動收集閣下所述的資料)

我不理解有關方案的好壞，
但閣下這樣打，顯示你發文時的情緒似乎不很穩定。
不禁令人懷疑：這裏是不是有些人已經預設了
「左仔做錯了、是在邀功」的 ...

情緒當然少不了。哈哈～

但問題是，
他們的「問卷」、「民意」是他們打正的旗號，
而大家嚮度亦都提出唑不少疑問，
懷疑佢個９５％贊成既「民調」數據也不出奇吧？？？

而且，如果佢真係有做既，就絕對唔會怕我咁樣問。
問多一句，有冇板友收過佢地既問卷？

如果做「民調」做到只係最後得個number，
我兩個鐘之內做到俾佢～

原帖由 PB602 於 2007-6-22 00:02 發表

既然已經肯定M590由交廣改去香港站會令乘客行多D路引起不便, 咁同
一政黨點解要乘客由上環街市行去西港城坐90B? 呢段路比交廣行去香
港站遠幾倍喎?

等一陣... 你之前先至講「我覺得大家太刻意針對個兩位議員既
政治立場，我覺得咁樣無助討論」，但觀乎引文，似乎閣下像
在翻有關政黨的舊賬，而且看來人家已經縮沙了。這和那班站
友攻擊左仔有甚麼分別？只不過對象不同罷了。

原帖由 053h4 於 2007-6-22 00:01 發表
而本人文意出錯, 認為過去46X及現在M49在中上現過去落了90%

而另一點, 小巴加價並非和M49有關
難度香港仔乘客受M49重組認響?

而小巴人多, 是因為小巴也不投放資源落華富出中環
分享本人會日等車經驗, 本人每日也會於8:30~8:35min左右等小巴
可惜的是, 通常等到8:50min的20min內, 也沒有小巴出現
結果有條成50~60人的人龍
並有約10人轉投M49, 而本人等下去的話
也要等約10min才再有一兩部小巴出現

明明需求減小, 而巴士減班
明明小巴唔出車而導致人龍

是4/M49重組的結果, 似乎無視現實

1) 紅色新路小巴好明顯主要客源係華富而非香港仔, 華富巴士服務縮減, 當然
對紅色小巴有利. 巴士重組後小巴好快就加價, 如果同巴士服務無關, 時間上又
真係咁巧合?

2) 如果小巴真係等20分鐘都等唔到, 價錢仲要比巴士貴50%, 但仍然每朝都有幾
十人去等, 就足以證明一個事實: 巴士服務係幾咁差劣!

3) 一方面提及每日都有好多人等小巴出中環但等極都無車, 而另一方面又話需求
減少, 豈不是自相矛盾? 如果巴士公司唔減班, 乘客仲駛咩日日等20分鐘去坐收得
貴既小巴?

4) 泥鯭的士再次出現, 又點解釋?