M590 更改路線調查結果

原帖由 monkey_bsw 於 2007-6-22 00:09 發表

但問題是，
他們的「問卷」、「民意」是他們打正的旗號，
而大家嚮度亦都提出唑不少疑問，
懷疑佢個９５％贊成既「民調」數據也不出奇吧？？？

而且，如果佢真係有做既，就絕對唔會怕我咁樣問。
問多一句，有冇板友收過佢地既問卷？

先旨聲明，平日我見到議員 D 問卷匯報都係得啖笑，
但得啖笑還得啖笑，如果係造假，似乎就唔係笑話囉
──咁樣講大話報假數好似係犯法架喎。

如果係電話或者街頭問卷抽樣訪問 (尤其是前者)，
收唔到並不出奇，甚至見到左仔就唔想行埋去，
從而乜都唔知，亦非不可能。

當然，呢樣不得不「讚」我樓下果位姓鄒的：
佢至少會將自己發幾多問卷、收番幾多問卷一五一十匯報。

原帖由 monkey_bsw 於 2007-6-22 00:09 發表

如果做「民調」做到只係最後得個number，
我兩個鐘之內做到俾佢～

問心，匯報講咁多野都無乜幾個咁有心機睇。

[ 本帖最後由 238X 於 2007-6-22 00:15 編輯 ]

原帖由 053h4 於 2007-6-22 00:07 發表
西村不能坐車出金鐘?
西村坐90B的需求有多大?

事實上, 田灣過後的中途客, 對出金鐘需求才較大
而另一點, 難道90B在香港仔海徬無人出中上環?

而本人也問閣下, 什麼是民意
可惜閣下沒有回應

而本人在數月前的文章, 建議民主黨照顧中環中心至上環民娛中心的居民
應經恆生總行返回沿線, 照顧海怡居民的需要

但在考慮海怡居民可行出海皮等車的情況下(現況也是中上行入內街)
就乘客需求, 特快來往中上環有民意基礎也沒有矛盾的地方

唔去金鐘我反而認為問題不大, 因為590A/M590(海怡)或70/37系(香港仔)更方便. 最大
問題係皇后大道中客, 西村客本來可以叫兩飛(91 or 90B), 而家變成一係等好疏既91, 一係
行好遠去坐90B, 點揀都係選失.

90B需要照顧上環至海怡呢個缺口, 因為基本上無其他線可以代替. 如果為左追求"海怡區真
正特快來往西上環", 而無視皇后大道中呢個龐大客源利益, 咁呢種追求特快根本不設實際,
亦再次犯下46X既錯誤: 單純追求特快, 最後令客量下降, 證明即使改路有利亦係弊大於利,
因為有人因此無法再去享用呢條線既服務, 意味住不便: 海怡居民要多花腳力行出海旁, 而
西村/香港仔居民亦無法叫多一飛(偏偏90B又比7或91密車), 弊處多多.

講番民意, 路線發展既民意應該係受服務影響既人既民意. 好似46X咁, 改路後對田灣居民快
左, 但對華富及華貴居民做成損失, 最後結果係客量下跌, 市民用行動去"投票", 咁就反映左
最真實既民意 - 46X路線改動不受歡迎.

原帖由 238X 於 2007-6-22 00:10 發表
等一陣... 你之前先至講「我覺得大家太刻意針對個兩位議員既
政治立場，我覺得咁樣無助討論」，但觀乎引文，似乎閣下像
在翻有關政黨的舊賬，而且看來人家已經縮沙了。這和那班站
友攻擊左仔有甚麼分別？只不過對象不同罷了 ...

我覺得如果無人事事針對o個兩位"左派"議員(我唔明件事同佢係咪左派有咩關係), 我覺得
無需要搬出相反例子. 但既然兩位"左派"議員既對手(或其對手既支持者)攻擊佢地既方案擾
民, 但一方面"左派"議員既對手又會響同區提出一D同樣擾民既方案, 結論竟然會相當負面:
天下烏鴉不分黨派原來都一樣黑.

真正為市民著想既民意代表, 世上有幾人?

原帖由 053h4 於 2007-6-22 00:20 發表
事實上, 小巴明顯是因其它原因而整體加價
特別香港仔競爭沒有變化下加價
難度又和重組有關?

香港仔經華富村至中環係一條小巴線(早上由華富開出往中環既係早晨特車), 加價當然係
成條線加價啦, 唔通同, 班車由中環去華富收$7.5但去香港仔收$7咁奇怪?

原帖由 053h4 於 2007-6-22 00:20 發表
當年本版討論, 明明反映司機話明明M49重組導致紅小出中環需求減少
擔心加價影響客量....
當然, 小巴商會真正加價的原因, 是供量(小巴服務)大幅減少
抽調小巴行香旺
因此唔怕加價

小巴加價可說是因970重組
可惜和M49重組關係不大

如果你既講法屬實的話, 即係南區線先後重組令整體由華富至中環既交通服務突然大幅減少
(巴士同小巴同時收車), 導致居民坐唔到車(等小巴要等二十分鐘以上, 等巴士又無位坐), 擺
在眼前既係坐巴士難, 坐小巴又難而且更貴, 咁真係多謝一直"成功爭取"路線重組既議員唔
少啦, 我既說法仍然有效喎.

原帖由 053h4 於 2007-6-22 00:20 發表
另外, 為何有人等小巴?
乘客心聲是"無理由只是等M49咁傻", 等車當然等兩邊
這有什麼問題?
而為驗証有關心態, 閣下不妨問下小巴乘客

而小巴出中環只為15min左右
現時8:50離開華富的M49,要9:15min先到上環
有車的話, 小巴咁快, 為何不兩邊等?

以我所知華富村個小巴站同巴士站有一定距離, 兩邊等有難道, 特別係小巴龍尾跑去巴士站都
幾遠. 而且如果乘客真係兩邊等的話, 五六十個小巴客入面又點會等十幾個上巴士咁少?

原帖由 053h4 於 2007-6-22 00:20 發表
而泥鯭的是因為小巴出中環服務不斷減少
為了應付"要15min出到中環"乘客而自然出現的產品

事實上, 泥鯭的的需求也不高, 個人觀察為10~15min才開一部
同過去長長的人龍有極大的分別

而泥的的出現, 只是因早上的士需求不多, 在華富要等一段時間先有客出中環灣仔一帶
而泥的只有極有限的服務這種影響很大嗎?

我唔明點解泥鯭的既出現一定係因為唔夠小巴, 而唔係唔夠巴士? 如果巴士服務足夠, 以
其較低車資及相差無幾既等車+坐車時間, 根本就唔會有咁多人去等小巴, 亦唔會有人去
坐泥鯭的. 響巴士重組之前, 泥鯭的已經絕跡一時, 何解巴士重組後又再出現?

當年西環巴士服務足夠時, 紅小根本叫苦連天. 反觀華富村坐小巴, 等車等20分鐘, 車程
又要15分鐘, 加埋仲耐過坐M49, 但點解仲有咁多人去坐? 根本係因為巴士服務不足, 巴
士疏車(4號早上繁忙時間班次大幅減為18分, 減班高達一半, 而M49班次亦不及重組前既
46X), 市民無奈下先至要坐又貴又花時間等既小巴. 表面上4/M49減到$5係平左, 但背後
其實有一班人被迫改坐更貴既小巴.

原帖由 053h4 於 2007-6-22 00:20 發表
小巴"等極都無車"是因為小巴無放車
結果20min才出現50人的人龍也無法應付

而巴士減班是出中環的乘客需求減少導致
閣下應清楚了解華富人口現時只有2~3萬人
而且以老人人口為主
和過去的情況有極大的分別

等小巴出中環既客根本可以成為巴士客, 如果巴士公司派足夠班次疏導, 就唔會有人因
為坐唔到巴士而要等成20分鐘都無車仲要俾多50%既小巴咁笨.

[ 本帖最後由 PB602 於 2007-6-22 02:26 編輯 ]

原帖由 053h4 於 2007-6-22 00:20 發表


而巴士減班是出中環的乘客需求減少導致
閣下應清楚了解華富人口現時只有2~3萬人
而且以老人人口為主
和過去的情況有極大的分別

你要知道下面仲有個華貴/嘉隆苑係度...

原帖由 PB602 於 2007-6-22 02:18 發表


當年西環巴士服務足夠時, 紅小根本叫苦連天. 反觀華富村坐小巴, 等車等20分鐘, 車程
又要15分鐘, 加埋仲耐過坐M49, 但點解仲有咁多人去坐? 根本係因為巴士服務不足, 巴
士疏車(4號早上繁忙時間班次大幅減為18分, 減班高達一半, 而M49班次亦不及重組前既
46X), 市民無奈下先至要坐又貴又花時間等既小巴. 表面上4/M49減到$5係平左, 但背後
其實有一班人被迫改坐更貴既小巴.

兄台，見到你成日批評某位議員將46X改到而家咁
不過比我講下，我聽番黎既版本︰

當年，提交上區議會就重組46X的方案，原本是建議往灣仔方向在中環大會堂外設站的
有關方案亦獲得區議會通過支持
不過，最後運輸署卻以技術不可行為理由，係落實重組前，臨時取消佐停中環大會堂外既安排

如上述版本屬實，運輸署都算「過橋抽板」啦

原帖由 053h4 於 2007-6-22 13:28 發表
不如問清楚華貴居民, 首選是70M還是46X

70M 到中環？

[ 本帖最後由 ccicoltd 於 2007-6-22 13:32 編輯 ]