新巴車長在社交網站發文求街坊支援將軍澳巴士綫

最近收到內部風, 屎水將會為唔同路綫作客量調查,
部份路綫係涉及沙中通車, 以及第五波疫情勁減班路綫

尋日睇社交網絡將軍澳主場, 見到有位新巴車長出文,
希望居民同乘客幫手, 支持該區新巴服務,
使鬼頭盡快恢復班次之餘避免減班

可惜就係, 正如佢所講, 將軍澳區路綫愈做愈差,
唔少綫班次疏到趕客落地底, 居民又點爭得落屎水呢
雖知屎水做嘢慢九拍, 792M有錢都唔識搵,
睇睇嚟緊呢兩個假期有幾多居民會響應搭巴士喇
P.S. 單嘢據聞傳到上運吉

*********** 我是分隔綫 ************

原文轉自將軍澳主場, 運吉群組：

{👨🏻‍✈️車長有話兒} 望各位街坊支援🙇🏻‍♂️🚌

各位街坊，小弟係一名新巴車長，有一個小小請求希望大家幫幫手。長文希望各位勿見怪🥲

疫情期間，大家出行減少，班次疏落。車長們工時被cut至最少，兼職同事更慘遭停工。

近日疫情緩和，但班次未見增加，因為新管理層為求坐爆巴士，先有數據支持去做嘢增加班次。

人之常情，愈疏車就愈無人願等，客量就愈不支持加班。惡性循環🔄之下只會萬劫不復，街坊和車長們一同受害。

管理層係一班數佬，講人之常情真係對牛彈琴😮‍💨。運輸署又愛理不理，區議會又甩皮甩骨，根本無法靠投訴去改善問題。

近呢兩星期公司會做survey睇哂將軍澳所有新巴路線嘅客量，如果條數唔掂，好可能會比現時更疏車🥹 (796系而家25分鐘已經係基本盤，繁忙時間只是略為加密)。

因此，小弟懇請各位街坊，呢期(特別係五一同佛誕long weekend)，出行時如果時間配合，請多坐巴士，做到條數迫運輸署同新巴去加密班次，讓街坊有車搭，車長有工開🙂

小弟明白這問題不應向大家求助，但是車長們現時的確無計可施，唯有出此下策⋯⋯

到站時間可以用手機app查詢🔍，小弟先行謝謝各位街坊幫忙。希望區內巴士線可以由區內街坊們一同維護，讓大家在地鐵以外保留更多選擇。

下圖由 hkitalk.media 小編加上

大家都收車，但沙田同北葵涌車長仲未叫街坊去坐車

車長都講左問題所在
屎水追求個種爆既極致
但推得到街坊搭巴士
巴士就唔駛開咁疏

有D街坊無論你開咩班次都唔搭先係問題

可是瑞凡,你哋冇車,市民又如何搭車呢?

kay 發表於 2022-4-29 10:39
車長都講左問題所在
屎水追求個種爆既極致
但推得到街坊搭巴士

假期搭車唔會support 到平日加返車
而平日返工人士唔會有時間轉搭巴士 (特別係用緊月票嘅人)

出post 叫人搭車作用不大

kay 發表於 2022-4-29 10:39
車長都講左問題所在
屎水追求個種爆既極致
但推得到街坊搭巴士

党铁實在太快太方便, 將軍澳客又點會搭巴士除咗796X, 798 叫做比較好之外, 其他路綫都係頹做, 唔係就好似797定綫咁奇怪
你話假期叫得郁班客同你玩一兩日都算,
趕返工? 將隧、觀繞同埋開源道阿媽已經唔開胃

"有D街坊無論你開咩班次都唔搭先係問題"
呢樣嘢當年將軍澳綫首日通車已經證明, 乘客用腳投哂票


唔講將軍澳, 大西北有客都唔爭, 點爭得落

我親戚住沙市去寶林返工，以前搭798，近呢一、兩個月話開始改搭火車轉地鐵算，話唔想等798，等得車嚟火車+地鐵（東鐵+屯馬+觀塘）已到彩虹遲去站條龍又長。

WR309 發表於 2022-4-29 11:19
党铁實在太快太方便, 將軍澳客又點會搭巴士除咗796X, 798 叫做比較好之外, 其他路綫都係頹做, 唔係就好似 ...

其實MTR有市場觸覺，當年plan將軍澳綫令不少民居在合理步行範圍（10分鐘內）下去到地鐵站，加上快捷及道路塞車，所以搶走大量巴士客。

如果東西走廊仍然是九鐵主導，相信土瓜灣段繼續維持行下路，效果就差得遠了，幸好MTR撥亂反正，改行上路，做到更多民居。

至於Bravo Bus，算吧，將軍澳不是最慘的一群，最慘是港島，尤其是薄扶林，天天下班時間看瑪麗那裏的等車人龍，就知道將軍澳幸福得多。

依間垃圾公司真係唔執都無用

愈疏愈少人搭，無位坐咪落地底企, 仲有俾多少少搭19座一定有位坐
依啲咁簡單既道理都唔明

最恐佈係仲有人幫屎水既營運策略護航，係咪搞到員工失業，妻離子散先安心？

依家即日清盤反而可以迫運吉做野，最少會有九公/黨鐵接盤
點都好過依家半死不活，趕走曬啲客，害苦乘客同員工

WR309 發表於 2022-4-29 11:19
党铁實在太快太方便, 將軍澳客又點會搭巴士除咗796X, 798 叫做比較好之外, 其他路綫都係頹做, 唔係就好似 ...

我每次搭694，個eta都不斷延遲，仲試過遲10分鐘都冇車，搞到要即刻跑去保鐵（坑口去西灣河轉14去赤柱，原本想用BBI）