九巴45號修訂行車時間表

castanopsis 發表於 2023-4-9 20:23
如果唔計較隧道錢
老實講將軍澳去機場行東西隧未必慢

中電嗰枝燈、放學圍住男拔嗰個圈、明愛轉出去枝燈
不如油麻地執多幾個

1181174166 發表於 2023-4-9 20:32
中電嗰枝燈、放學圍住男拔嗰個圈、明愛轉出去枝燈
不如油麻地執多幾個

我會建議培正道直落公主道
飛走埋萬基大廈/維景酒店個站
再停少幾支燈，亦避開中電支燈最惡頂既交叉位

窩打老道燈陣一樣唔係討好
其實最好都係直接叫巴士公司落場road testing
Bottom line係45要飛走亞皆老街/旺角個黑洞

FBI2 發表於 2023-4-9 13:38
因為用前者cut唔到車，用後者可以，做到特快同時又cut到車，雙贏。

條 241X 下次再改，真係做到長亨尖沙咀，甚至青衣段改跟 42A 咁行，到時先算啦

castanopsis 發表於 2023-4-9 20:45
我會建議培正道直落公主道
飛走埋萬基大廈/維景酒店個站
再停少幾支燈，亦避開中電支燈最惡頂既交叉位

其實之前都講過好幾次，你太高估何文田改經太子道西往深長荔既實際效益。同東九龍一邊開出來最大分別，係你點都要經過亞皆老街窩打老道交界
窩打老道左轉太子道西都唔係少野

何文田經太子道西往深長荔，並唔係全日都快過現時亞皆老街走線

HB00610 發表於 2023-4-9 20:19
同意何文田問題比青衣更大；青衣要轉車/但何文田冇車問題更大。

但個人覺得；如果驚44搶41A客，反而係更 ...

雖然大家都知道長沙灣道比荔枝角道多客，但因為殺 41 而改 44，最大問題係架床疊屋

而家 44 欽州街荔枝角道同樣有一班客落車，佢地可能係行返入汝州街、長沙灣道，但亦可能係行去填海區甚至大角咀。如果因為改 41 而改埋 44，受影響人數只會不減反增

尤其是 RPP 到時要交代埋 44 班欽州街、荔枝角道乘客有幾多、有咩替代

如果每兩三班 44 改一班行長沙灣道，又係有少少不倫不類

結論係多一事不如少一事

咩情況下應該捆綁多條線搞更多野，係一門學問、一門藝術，受影響人數同程度都需要考慮。調返轉，今次 45 得返半粒鐘一班，何文田往來深長荔無左一半運力，不論受影響人數同程度都係好大。姑勿論 41 今次改得幾差都好，如果同時改埋 46 做西九廊特快、渡船街旺角循環，即時可以慳到三部車，45 可以上返非繁廿分班，岩岩好同時食晒荔景往來深長荔、何文田往來深長荔客源，成件事會好睇好多

當然荔景山旺角佐敦特快夠唔夠客係另一個問題，但反正都係用咁多車做 45＋46，呢個並唔係重點

S3BL100 發表於 2023-4-9 22:46
其實之前都講過好幾次，你太高估何文田改經太子道西往深長荔既實際效益。同東九龍一邊開出來最大分別，係 ...

我認同去程效果無回程咁好
但你不妨試下上Google試下唔同時間出發既建議路線
太子道西幾乎全日都會快過亞皆老街少少，下晝就明顯有差距
亞皆老街最難頂既係彌敦道洗衣街倒塞返出來，行太子道西係避開咗

唔講太子道西/亞皆老街
單係停少培正道/維景幾支燈，觀感上已經差好遠

S3BL100 發表於 2023-4-9 22:56
雖然大家都知道長沙灣道比荔枝角道多客，但因為殺 41 而改 44，最大問題係架床疊屋

而家 44 欽州街荔枝 ...

雖然我支持41改快,但45可以一班都唔加,的確係過份.

當然,我自己都估計45就算加班都不會全日加班,但我自己估係返放學時間會加密,點知最終連呢班客都唔想做.

既然30分鐘一班唔係一個問題,咁171非繁大可以開30算數,反正除左兩繁叫多少少客,其他時間都係差客量,連城巴都主動同九巴講想唔做成條171,只係TD唔批九巴獨食,咁不如171非繁都HEA玩算.
44方面,我係反對改變深水埗走線,因為汝州街和荔枝角道需求唔係少,最重要係,呢班客好多唔係去長沙灣道,而長沙灣道班客好多走左去搭鐵.如果44改行長沙灣道,客量肯定跌多一截.
至於美長荔一帶冇左41,會否令44頂唔順,我肯定答"唔會",因為班客上唔到44,就會即刻落地底.

castanopsis 發表於 2023-4-9 07:26
長沙灣道本身已經多車
塞多兩條車海小巴落去，根本唔合乎邏輯

有呢個機制嘅話
分分鐘老九更加希望博唔做
反正呢個區再加埋城巴喺九龍區嘅偉業
九巴自己都可能覺得城巴就算接來做都冇威脅
況且有冇人接手都一個問題
當然未必個個區嘅情況都一樣
但至少我覺得何愛區唔適合呢個規則

S3BL100 發表於 2023-4-9 22:56
雖然大家都知道長沙灣道比荔枝角道多客，但因為殺 41 而改 44，最大問題係架床疊屋

而家 44 欽州街荔枝 ...

問題係而家本身44都係唔係去到荔枝角道都仲有大半車人喺度，呢點對是否justify架車非要行荔枝角不可好重要。

冇一個具體數字，最後我，你，特工三個大家係各說各話。

我搭44經驗係；過咗基隆街架車係幾少人下。

由頭到尾都唔反對執41；係講緊要長沙灣道有架直車去青衣北同中嘅重要性（衰D講你將架山上車例如43C停完長康再落返嚟我都唔一定反對；但山上人嘈唔嘈就另計）

長安仲話可以叫人搭地鐵行都勉強得；但青衣中叫人搭地鐵行真係唔係一個合理嘅玩法呢；呢樣野係真係有人考慮站位問題係寧願貴同疏都要等41。

S3BL100 發表於 2023-4-9 22:43
條 241X 下次再改，真係做到長亨尖沙咀，甚至青衣段改跟 42A 咁行，到時先算啦 ...

我覺得下次再改係 25-30 分鐘一班
或者係 30 分鐘一班