北港島綫方案

天空之神 發表於 2023-7-7 08:06
以前都係要買起哂條路起鐵路
不過觀塘線拉去寶林咪又係出事

話時話，東將直通後拆將軍澳、坑口、寶琳俾觀塘線，理論上真係OK，而且走線設計也會變得相當“靚仔”：
觀塘線：寶琳——黃埔，市區普速線，一個九龍灣廠搞掂（將軍澳線而家每日都好似有3-4部車從九龍灣廠派過來）
最大麻煩應該係黃埔和寶琳都係單月台；但好在兩邊都有siding，繁時加開坑口——何文田短棍就好（寶琳波口可能要執一執）

東涌線：康城/137區——東涌（西），長途區域快線，用小蠔灣+康城兩個廠，如同屯馬線有錦上路+大圍兩個車廠（再加上紅磡停車場）。
新建路軌可考慮康城直通調景嶺，繞過將軍澳站；後者無需加建新月台。

利申：坑口人，當然想繼續一程過海。

hellomato 發表於 2023-7-7 09:58
話時話，東將直通後拆將軍澳、坑口、寶琳俾觀塘線，理論上真係OK，而且走線設計也會變得相當“靚仔”：
觀 ...

觀塘線盡頭畀將軍澳站上蓋頂住
基本上唔可能延長去任何現有嘅將軍澳線車站
另外坑口去寶林之間係冇渡線
坑口上下行喺寶林站前會「二合為一」
經過相關路段之後再叉開
一條直入寶林站月台，另一條駛入寶林站月台後方渡線

簡單嚟講，即係寶林唔可能用何文田/ 黃埔卡啦形式去提供服務
而寶林站月台後方渡線亦冇多餘位置起到新月台
（寶林站渡線隔離就係寶林總站/ 新都城）
That's why我一路都話黨鐵短視就係咁解

喺可見將來，黨鐵只係得一個選擇
就係將軍澳線全日1+1
黨鐵一路都唔做，只係因為開咁密的話
非繁運力必然過剩
而再拉疏啲咩（類似東涌線）？
寶林/ 坑口肯定反枱

你諗嘅...太理想化喇

hellomato 發表於 2023-7-7 09:58
話時話，東將直通後拆將軍澳、坑口、寶琳俾觀塘線，理論上真係OK，而且走線設計也會變得相當“靚仔”：
觀 ...

你諗得太美好
觀塘線拉去寶琳既結果係

1. 黃埔 - 寶琳
2. 何文田 - 調景嶺

調景嶺 - 將軍澳- 坑口沿路都無折返位
坑口以北已經係人字無可應折返到

到時調景嶺以東一定塞爆
所以你見我咁寫

eternalflame 發表於 2023-7-7 06:14
1. LAL樽頸一向都係western immerse tube而唔係青馬橋

2. 建議改動一樣要修改調景嶺站以東翠嶺路一帶嘅走 ...

咁解決方法好簡單,
好似以前荔景1號月台咁, 廢棄埋調景嶺站1/2號月台, 係翠嶺道地底重建, 咁就完全冇搞到調景嶺以東走線

翠嶺路同寶邑路本身路段唔多車, 只要調整附近地區交通燈流量, 用唐明街以及唐賢街可以作為封成條翠嶺路/寶邑路既替代路線

JX9097 發表於 2023-7-7 10:35
觀塘線盡頭畀將軍澳站上蓋頂住
基本上唔可能延長去任何現有嘅將軍澳線車站
另外坑口去寶林之間係冇渡線

忽發其想
如果政府真係發展137區, 就算 1+1, 紫線難上車既地方就會係將軍澳...
要137區有鐵路, 將軍澳點睇都要有第二鐵路
係低成本之下諗到兩個solution

1. 如果睇之前公開左既ppt, 將軍澳站樁柱應該唔係完全封死哂
應該有條件拉到一條路軌入將軍澳站, 到時用何文田/黃埔形式, 繁忙時間提供每4分鐘一班綠線比將軍澳站
同時紫線頭班車至0900, 下行方向飛將軍澳站作為坑寶1+1之下既補償

2. 維持現有鐵路網絡, 137 區開密密k巴經跨灣大橋接駁調景嶺站

hellomato 發表於 2023-7-6 17:38
6MW應該係CAF-Train嘅power requirement？因為列車速度較快，要chur更多電
橫掂機場鐵路（TCL+AEL）就黎退 ...

要提升列車最高速度，如果唔提升motor功率，就要犧牲加速度換取。參考JR九州885系電車同Q train規格，前者6卡車嘅motor合共2280kW功率，平均每卡約377kW，最高速度時速130公里；Q train 8卡嘅motor合共3120kW功率，平均每卡約390kW功率，最高速度時速80公里。885系起步加速率只有約0.6ms^-2，但Q train有1.3ms^-2。除非用極高rpm motor解決，但現時列車motor最高也只有約5000rpm嘅mitsubishi motor。整時速130公里，但功率只有4MW嘅列車唔係唔得，但加速率會好低。所以結論都係要安裝高輸出嘅配電站。
參考資料：
1.JR九州885系電車 維基
2.Q train 維基

講到新機場鐵路列車，我想新車用r train motor，然後使用全動卡，即190kW*4*8=6080kW嘅動力，使其起步加速率可以去到1.35ms^-2，以便新車可在400米内由0時速加速到時速100公里，令所有東將直通嘅列車（假設每小時開33-34班車）都可以過西隧，唔洗係會展調頭，詳細可參考本人舊post。

eternalflame 發表於 2023-7-7 06:14
1. LAL樽頸一向都係western immerse tube而唔係青馬橋

2. 建議改動一樣要修改調景嶺站以東翠嶺路一帶嘅走 ...

回應第一點，沒錯西隧個4個連接共用路段嘅波口有份限制機場鐵路的班次，所以我一直建議4個波口全換swingnose crossing。

hellomato 發表於 2023-7-7 09:58
話時話，東將直通後拆將軍澳、坑口、寶琳俾觀塘線，理論上真係OK，而且走線設計也會變得相當“靚仔”：
觀 ...

你條新綫最多只可以從東涌行到油塘，然後入五桂山側綫調頭，所有從西面入寶琳同康城嘅列車都要經調景嶺站嘅將軍澳綫月台。

GW5878 發表於 2023-7-7 13:12
忽發其想
如果政府真係發展137區, 就算 1+1, 紫線難上車既地方就會係將軍澳...
要137區有鐵路, 將軍澳點 ...

1. 基本上唔使諗
    因為黨鐵同政府都落哂閘
    依家人大式立法會個個舉手冇反對/ 含淚贊成
    你仲有期望？
2. 黨鐵肯唔肯開K巴都係一大問題
    （開的話，清水灣道沿線/ 康翠應該會「爭取」埋一份）
    就算開...隨時都係康城站止步
    （因為回程要兜大圈/ 入彩明街先調到頭）