點解好多時巴士會喺總站比時間表早1-2分鐘開出?

某條屯門晨早線 只開3班出市區, 其中一班官方時間表喺0735 開出, 但往往師傅會早一分鐘07:34:00 喺總站開出，仲試過喺07:33:40 就開
如果miss 咗呢班車, 就要等30分鐘。而呢條路線無其他路綫代替

點解有時師傅會提早時間開出? 呢D晨早車應該唔會出現遲來早走嘅問題喎

正常係要睇八達通機個時鐘開車，不過好多時車長見上完客，望住出面個紅綠燈一見就嚟綠燈就打大走咗先，所以好多時出面D站早咗2分鐘到

如果有心嘅就幫手錄片投訴

為何人不能早1兩分鐘到巴士站等車

早兩分鐘到巴士站有幾難委你？

唔係話司機無錯，只係早少少到車站係保障自己

lsc04d11 發表於 2023-7-11 10:24
為何人不能早1兩分鐘到巴士站等車

因爲好多人鐘意玩just in time
最好就起埋條扶手梯/lift 俾佢屋企直落巴士站添

樓主真係好興乜都準確到秒數
唔知佢個時間係咪又跟天文台呢？

teddybus 發表於 2023-7-11 10:53
因爲好多人鐘意玩just in time
最好就起埋條扶手梯/lift 俾佢屋企直落巴士站添

咁都有得自由發揮想像力

樓主只不過係講咗佢嘅觀察，就係有司機擅自提早1分鐘開車，而呢種行為明顯係違規
乘客早唔早到巴士站根本唔係重點，而係"打大"行為必須得到糾正

其實有時都懷疑九巴個鐘係咪比天文台快十幾秒
明明電話個鐘跟天文台 , 但對落好似九巴永遠早十幾秒夠鐘
但一定唔係樓主嗰種 1 - 2 分鐘先

家陣紅巴咁鐘意改時間表改到同一總站不同路線同一時間開車
得閒睇下如心個站
33A 51 66M 73X 278X 齊齊開車
啲司機唔想塞多一轉燈咪早少少開車霸定位先

樂仔〞 發表於 2023-7-11 11:22
其實有時都懷疑九巴個鐘係咪比天文台快十幾秒
明明電話個鐘跟天文台 , 但對落好似九巴永遠早十幾秒夠鐘
但 ...

我就唔針對 XX公司而言。

係唔係所有事﹐一定要跟天文台時間﹐完全不能有偏差?


要追求完美的準時﹐單位就應該用 "秒" 而不是用 "分"。

00秒及 59秒﹐都係同一分鐘。
但係實際上﹐已經係同相差1分鐘沒有大分別。


所以正負1分鐘﹐我會視為合理正常的。