點解好多時巴士會喺總站比時間表早1-2分鐘開出?

eternalflame 發表於 2023-7-14 00:54
個位施主做人真係好辛苦
乜都要計到盡自己要享用晒
自己有誤差就話人地唔夠buffer

班次係30分鐘一班, 喺總站開車係咪要準時?

而家唔係有突發事件導致司機要打大, 喺總站開出都應該可以準時喎, 除非大塞車無車返

同埋由頭到尾我都無誤差, 我只係觀察到巴士比時間表早開, 即係喺預定時間提供唔到服務。

timewater 發表於 2023-7-14 09:55
唔依時間表開車, 巴士打大都有人撐?
10點到考場 係個人選擇, 但去到9:59:00 唔俾入試場, 就係主考官問題
...

啲人係講極都唔明
如果個人無提早到站頭就直頭根本唔知架車早開咗幾多啦
而家問題係針對司機有無蓄意提早開車呢個行為，巴士上時間基準我諗就係跟八達通機，總之唔跟指定時間開車，呢個行為有無違反到巴士公司畀嘅規定? 就係咁簡單，完全無需要討論"係咪跟天文台時間"、"乘客要提早候車"呢啲與問題核心無關嘅事

Ohm 發表於 2023-7-14 10:10
啲人係講極都唔明
如果個人無提早到站頭就直頭根本唔知架車早開咗幾多啦
而家問題係針對司機有無 ...

對，即使總站開車時沒客，「準時」開車也是基本要求。

Ohm 發表於 2023-7-14 10:10
啲人係講極都唔明
如果個人無提早到站頭就直頭根本唔知架車早開咗幾多啦
而家問題係針對司機有無 ...

唔係講極都唔明
而係一直以來消息人士長期統戰巴迷圈
造成巴迷界大量偏幫車長/巴士公司聲音
我諗樓主去某登圍爐會好好多

至於鐵路運作涉及更多硬件如土建上問題
消息人士整體都唔會好帶風向，但堆概念明嘅明唔明嘅唔會想明，就令小圈子風氣好重

如果司機可以任意早開車, 只會浪費乘客等候時間
因為乘客估計唔到司機exactly 幾點開車, 自然就會早到

但乘客早到, 喺巴士站其實無咩嘢做, 減低效率
如果巴士可以準時(交通意外另計)開出, 乘客可以更好咁安排工作同時間

其實，一分鐘真係只能算係誤差範圍。
問題重點都係司機有無「專登」「明顯地」早開車。帶返個頭盔，我係認同司機應該盡可能於合理誤差範圍內準時開車。
你話如果係早成五分鐘，或者見住有人追緊上車都堅時「稍微提早」開出，呢個真係接受唔到。
樓主舉咗個例：「10:00:00開考，你09:59到場唔畀入場，咁係唔合理。」呢點我絕對認同，但前題要你同試場參考的時鐘要同步。否則，試場個鐘10點準時開考，你9分鐘後到場，將自己隻表校遲10分鐘，同考官講話你隻表只係9點59分，你覺得考官會唔會理你？
同樣道理﹐你見到架車「早咗大約1分鐘開出」，如果你好肯定司機明知未夠鐘而又無合理理由下都早開，我覺得去反映一下都好合理。否則唔該你首先諗諗會唔會係你自己個參考時鐘同架車相比慢咗。


重要事情唔怕講多幾次。重點都係司機有無「專登」「明顯地」早開車。
同埋「準時」要準到去咩程度。

可能係我中文唔好，理解能力有問題，我硬係覺得有極少部份版友成日喺「準時」上非常執著，一寸光陰一寸金，所以要準到分秒不差，一秒都不能浪費。架車預計10:30:00開出，咁我10:29:59啱啱好趕到，用1秒時間啱啱好上咗車，一上完車跟住就啱啱好夠鐘開出，咁就為之verygood準時喇。「準時」係講緊量子力學層面嗰隻準時。好似係。
但係呢個世界係唔會有咁多「啱啱好」，係充滿不確定性，有誤差。由你行出門口計去到巴士站要用幾多時間係好難分秒不差，途中要經過幾多個街口，撞正紅燈要等同綠燈直行已經有分別啦位，再講你等「車立」都可能唔止1分鐘啦。就算真係有條電梯由你屋企門口直落巴士站，條電梯都有低機率會突然失靈(咩話，你話你屋企門口就係巴士站？ok you win)。所以有樣嘢叫做「緩衝」。預鬆少少時間，咁你萬一撞正屋企層樓有個hihi玩hold lift都唔駛趕頭趕命。
一分鐘緩衝，其實算少喇。
就畀你真係咁準點到臨開車前到，你一個人可以準點，其他人一樣可以。如果有10個人都咁準點，大家都上得切車嗎？呢個世界上有樣嘢叫做「排隊」，就係因為有好多嘢唔可以同一時間做，要輪住嚟。畀你2秒上到一個人好未？10個人排隊上車，即係要多9個人上車時間，咁變咗架車要遲些少先開得出囉喎，咁算唔算「唔準時」先？定係你話總之要準時開車，上唔切車嗰啲我話知佢九七。咁咪即係又要叫人預早少少嚟排隊？p.s.如果真係有司機夠膽死未上哂人或者未頂閘就夾硬閂門開車，唔理準唔準時早定遲開，肯定會畀人炎上，呢個唔係準時問題。
(假設：一架車載客量100人，人均登車連付費需時3秒，當中三成滿載人次計，排隊上車共需時3x30=90秒=1分半鐘。)
同樣情況，唔剩只乘客，司機開車一樣要排隊，車站出口得一個，未必夠多架車同時駛出。正如部份版友都有提及到，幾條路線鐘意玩聯合開車班次，司機喺可行情況下稍為加減開車時間都好合理啫。當然你可以話總之要準點開咗車先，開咗車後先排隊出總站係之後的事，但係咁樣「準點」法你覺得有意義嗎？更加唔好講咁準點法結果係排隊出站而實然遲咗。當然你問我我會認同總站開車寧可遲少少都唔好刻意早，以免有人準時但上唔切車，但係講到尾又係要有緩衝冇得啱啱好囉。
而且聽聞都有巴士公司帶咗頭盔，講咗開車時間可有前後約一分鐘誤差。

排隊等上車，咪又係又係要等？既然都係要等，點解我唔早少少上車等？冇人叫你早成五分鐘十分鐘霸定頭位一開車門就上車等，只係早一兩分鐘，唔係咁都嫌浪費時間呀？如果有人時間真係寶貴成咁，我建議佢唔好搭巴士喇，自己渣車啦，搭巴士就算準時總站開到車都唔保證準時到達所有站。

重要事情唔怕再講多次。重點都係司機有無「專登」「明顯地」早開車。同埋「準時」要準到去咩程度。

利申，以上我唔係話司機早開車無錯，只係我覺得作為乘客都唔好吓吓趕到咁忟，司機專登早開車當然係佢唔啱，但係要斬要殺要投訴要追究都已經係後話，就算事後追訴成功，上唔到車當下蝕底嗰個係自己。正如當街斬人係唔啱但係你自己平時都要提高警覺…係有少少離咗題sorry。


p.s.攰，唔打咁長喇﹐有甩漏之後再慢慢執

喺某個fb page見到呢篇文，唔知係樓主拎咗去投稿定係有人抄文
不過睇到啲人都覺得好好笑，嚟嚟去去都係啲低質回應
重點唔係邊個鐘準啲，而係巴士公司有無指引跟邊個鐘(e.g. 八達通機)開車，同埋司機有無蓄意打大
但唔期望fb comment可以有高質素討論

Ohm 發表於 2023-9-1 18:51
喺某個fb page見到呢篇文，唔知係樓主拎咗去投稿定係有人抄文
不過睇到啲人都覺得好好笑，嚟嚟去去都係啲低 ...

我反而想知你想會有咩高質回應expectation?

我會覺得官腔回應都唔會係心目中嘅高質喎....
低質嘅投訴就自然換來這樣的回應啦
你睇下個post係話乘客西定巴士公司西？（用個西字係因為個fb page)

樂仔〞 發表於 2023-7-11 11:22
其實有時都懷疑九巴個鐘係咪比天文台快十幾秒
明明電話個鐘跟天文台 , 但對落好似九巴永遠早十幾秒夠鐘
但 ...

我成日以為例牌早1分鐘

我所以永遠假設ETA要加1分鐘

個post竟然俾人抄咗上Fb group
但佢抄d唔抄d

我已經係跟天文台個鐘去比較，仲話人人隻錶唔同。 2023年啦，大部分嘅智能手機 都跟天文台同步㗎啦

Btw, 我出呢個post 後2星期，呢個0735 班次極大部份已經好準時跟天文台0個鐘7:35:00 開出。