港鐵又一擾民之作: 電梯只準企,不準行

其實咁咪幾好，成日都見到空一邊， 然後勁多人排隊， 點解唔用埋嗰邊

阻住地球轉

就係電梯較慢完清客都快過左行右企
當見住部電梯慢，就自然引到人企埋左邊

ArnoldC 發表於 2024-8-14 15:22
外國經驗證明，兩邊企人，流量高過左行右企，不過執行非常困難。

一個地道嘅例子，紅隧往日長期塞車，好慢先至過到海。
多年嘅數據都顯示汽車流量係大過暢順嘅隧道，
甚至紅隧塞車嘅時段嘅汽車流量，都係高過暢順嘅時間。

原因係塞車慢流時車貼車，一架車過完，下架車唔駛一秒後就到。
車行得慢而通過嘅車輛多。

暢順時D車會隔開D，兩秒甚至更多。架車快行完而通過嘅數量反而降低佐。

扶手電梯係同樣道理，企人一邊企得密D，行人一邊疏落D，
自然係企人上落較行嘅慢，但清客反而會快。

個人追求個人嘅快捷，而規劃果個就係追求拉勻計最快/流量最高
（以及大眾無咁著眼嘅安全同減少禍害）。
故此措施同個人嘅perception常有衝突就係咁解。

James116 發表於 2024-8-14 17:16
其實咁咪幾好，成日都見到空一邊， 然後勁多人排隊， 點解唔用埋嗰邊

就算要行扶手電梯嘅，都要兜過條人龍
清客快少佐條龍，就算扶手電梯慢佐，拉勻未必駛蝕

kt241 發表於 2024-8-15 16:04
就係電梯較慢完清客都快過左行右企
當見住部電梯慢，就自然引到人企埋左邊 ...

跟本應該左行右行
先係最快上大堂

銀髮應該去搭lift 而唔係阻街
一陣較慢完條梯又係走唔切攬炒

天空之神 發表於 2024-8-15 10:26
跟本應該左行右行
先係最快上大堂

响容量去到近飽和時，個人最短時間上到大堂唔等於條梯送到最多嘅人。

用鐵路嘅例子係高鐵快，地鐵慢。
高鐵快係可以最短時間去到目的地，不過代價係速度快，
安全間距就要長，每個鐘開到嘅班次少過地鐵。地鐵可以開一個鐘三十幾班，高鐵就做唔到。

上面有師兄已經好理性科學咁解釋點解要鼓勵左右並企+電梯速度要調慢

s3n370 發表於 2024-8-15 20:39
响容量去到近飽和時，個人最短時間上到大堂唔等於條梯送到最多嘅人。

用鐵路嘅例子係高鐵快，地鐵慢。

用番你紅隧個例子, 行得快流量少, 行得慢車流多, 但政府點解最終都選擇用行快D而流量少既方案? 邊個方式先合乎社會去用好明顯!

同埋呢D數據, 係基於人多/車多時做既統車, 但人少/車小時, 又點睇? 舉個例子非繁忙時間得一兩部車行果時, 就係因為遷就繁忙時間,  明明暢通無阻都要統一行慢啲, 甘就即係浪費時間!

支持繁忙時間左右企. 非繁忙時間就企返右邊吧.