啟德體育園人群疏散 廖振新：最壞情况需至鑽石山港鐵站

eternalflame 發表於 2024-10-9 04:09
屯馬全死，反而應該引導離場觀眾出返去太子道東或者九碼
叫巴士公司加強服務好過開臨時接駁去鑽石山
啟德 ...

假設屯馬線真係爆鑊﹐自然會打觀塘線主意。

巴士負責晒所有散場人流?
好明顯係無可能﹐上面已經有人計了數﹐要用幾多車幾多時間。


真係衰到要用鑽石山站﹐只要暫時封閉四美街+彩頤里﹐派人管理彩虹道的燈位(大有街至彩頤里之間的路口位)﹐已經幫到唔少。

於四美街做人群管理﹐分流部份人左轉去啟鑽苑的A2出入口﹐部份人用龍翔道的B出入口進站。

將來﹐四美街舊巴士總站會有車站出入口﹐介時就更理想﹐可以直接使用這個新出入口+B出入口。


真心講﹐鐵路線爆鑊機會唔係太高﹐要用到鑽石山站這個方案的機會真係好低。
但一旦爆鑊﹐其實政府定係觀眾﹐其實都係無選擇﹐都係要慢慢行去鑽石山。

真係靠巴士﹐平時鐵路爆鑊已經反映到﹐巴士根本應付唔到大量人流﹐都係要慢慢塞。
所需的時間﹐可以仲差過你行去鑽石山站。

Ricky403 發表於 2024-10-9 01:52
平日返工時間掛八號本身一年都未必有一次
而真係令全港普遍吹強風至烈風嘅颱風，更加係幾年先有一個
天文 ...

車，打風遲D返到屋企都唔大問題的話，散場遲佐返到屋企就更加唔係問題啦

正如壞𨋢搞到排長龍甚至焗住行樓梯大鑊D，定係壞𨋢搞到有人被困甚至受傷大鑊D

clivetock 發表於 2024-10-9 01:27
副局長講明係 worst case scenario 先行去鑽石山站，到時真係去到呢步之前應該都預備咗唔同方案

我覺得 ...

應變方案不嬲都唔會好過正選。
係萬一爆鑊果下，大家知個大方向，
唔會企佐响度唔知點/唔會一個點完你去南下一個點番你去北原地踏步

如果後備方案係好理想，咁點解會拎黎做後備而唔係正選？
甚至進一步點解唔係應該擺更多功夫，去確保正選九成九九九時間都用得著。
後備一定要有，但係儘量做到最理想地得個擺字唔會真係用得著？

s3n370 發表於 2024-10-9 17:00
車，打風遲D返到屋企都唔大問題的話，散場遲佐返到屋企就更加唔係問題啦

正如壞𨋢搞到排長龍甚至焗住行 ...

而家天文台返工時間上八都預到好鬆，基本上個風唔太強勁，都有6個鐘走盞，夠哂時間做應變
強如蘇拉，直頭早掛10個鐘，直接變相宣佈停工 (八號應唔應該咁用就後話)

啟德體育園危險在佢將會成為恒常要處理嘅事
慣咗用屯馬綫搞，類似国庆煙花咁預先插咗十班車，無錯平時唔會有乜問題，但條線咁長咁多point of failure，龜鐵又會首選保住各站有車開而切割不能或不徹底，爆鑊除咗要人喺站外面打蛇餅排到唔知幾點開得番應有班次 (搞一搞都未必趕到尾車了)，觀塘綫有冇餘力接客，有幾多指示提班客可以考慮用鑽石山站，就會見到高下

根本屯馬線太長
有咩事就攬炒
反而當年馬鐵改10卡過海，但班次要密，可以開短棍鑽石山<>金鐘
西鐵9卡，東鐵12卡，繼續紅磡做總站最好
當年顧問話紅磡三線轉頭會有人流問題
根本整轉車層多餘，沙中線月台夠闊咪無問題囉

Ricky403 發表於 2024-10-9 13:44
而家天文台返工時間上八都預到好鬆，基本上個風唔太強勁，都有6個鐘走盞，夠哂時間做應變
強如蘇拉，直頭 ...

高頻率鑊氣細vs低頻率鑊氣大都仲可以話不相伯仲。
但係兩者根本差一大截：

掛八號波提早走嘅人次以百萬計、萬一是但一條線爆鑊都有大影響，
因為其他線以至其他交通都無乜剩餘運力，另加天氣變差緊。

啟德散場頂盡五萬兼過佐繁忙時間，屯馬萬一爆鑊除非全停，
就算開八分鐘一班當有半滿（疫情前都無咁易半滿啦），單靠屯馬都係三個鐘多D清哂。

但係既然死等屯馬都要三個幾鐘，咁用多半個鐘行去鑽石山/彩虹，
甚至九至十個字去何文田站都會有唔少人肯制。
再加上實會有散場巴士候命，改咁D做穿梭巴士送客去地鐵站。
無疑係鑊氣同埋無屯馬生性咁理想，但係其實都唔係乜嘢大問題。

更重要嘅係，既然要比較頻率，屯馬爆鑊嘅頻率，仲要係咁啱線一散場先黎爆鑊會密過打風？

siupy 發表於 2024-10-10 01:39
根本屯馬線太長
有咩事就攬炒
反而當年馬鐵改10卡過海，但班次要密，可以開短棍鑽石山金鐘

如果係擔心轉車人流嘅話，或者好似美孚站同中環／香港站咁，將馬鐵月臺起得非常遠離東鐵同西鐵月臺都得
不過我個人係比較贊成沙中綫畀返地鐵做

s3n370 發表於 2024-10-10 03:36
高頻率鑊氣細vs低頻率鑊氣大都仲可以話不相伯仲。
但係兩者根本差一大截：

散場時屯馬線壞車嘅最大問題唔係在於啲人要用多幾多個鐘先返到屋企，而係你個場館走幾萬人出嚟但地鐵站開唔到，堆積人群，會構成危險

qunow 發表於 2024-10-10 01:50
散場時屯馬線壞車嘅最大問題唔係在於啲人要用多幾多個鐘先返到屋企，而係你個場館走幾萬人出嚟但地鐵站開 ...

影響過百萬人嘅事件居然無五萬人咁嚴重係乜邏輯？
幾十年前蘭桂坊慘劇後，呢D大型活動必然有人潮管制措施，
如果唔係邊會有呢D“最壞打算”走出黎呢？

更何況就算屯馬正常運作，沿路會有人維持秩序，唔會任由散場人士迫住前面。
會展、維園嘅大型活動咪係咁做。
萬一屯馬爆鑊，都講明佐會叫散場人士去遠D嘅車站，咁點解會出現你呢種情況呢？

吳宗錡 發表於 2024-10-10 09:22
如果係擔心轉車人流嘅話，或者好似美孚站同中環／香港站咁，將馬鐵月臺起得非常遠離東鐵同西鐵月臺都得
...

行到無雷公咁遠仲衰，以前未有北角轉車
鰂魚涌繁時都塞人

樓上樓下已經OK，扶手電梯多月台夠大就得
兩鐵合併根本做成惡果

沙中線好似日本咁直通運轉最好，
鑽石山至烏溪沙歸九鐵

金鐘至鑽石山歸地鐵

點分帳？係咪九鐵地鐵各出一半車
就參考日本點做