政府無錯係可以夠硬, 問題係如果當人口去到30-40%都係優惠受眾,
巴同鐵點會同你食哂全部offer 兩蚊雞呢
即使有人講過龜內部精神係會為政府挨義氣,
但以本港交通全部係私營甚至上市公司做法, 根本好難成事,
而世界上甚少地方交通係私營模式去做, 不嬲都有大量直接補貼
要做到嘅, 可能係可以揼巴士公司做到老人家半價變四折收費, 我諗已經係好盡,
巴士公司尚可有邊際成本同你咁玩,
我當你紅公司肯, 黃公司巴都唔同你做 (連長者日唔玩就知)
你地有冇發現其他村巴/小巴佬/船公司, 暫時都係一動不如一靜,
政府要硬, 可能要涉及更改專營條款先做到
工聯會今日講要巴士公司整拍卡機做雙分,
大西北/將軍澳咪有, 請問practically有幾多兩蚊受眾人士會用?
搭城巴6號/15號夠有雙分, 大把合資格人士都唔會去車頭拍多次卡啦~
你叫小巴/村巴/船公司自己offer 兩蚊?
我敢保證營辦商一係即時交牌唔做 (小巴佬可以), 一係下次專營權開天價加價 (船公司可做),
呢點已經足夠運吉頭痕
香港個交通福利政策根本就係奇怪, 由始至終係政府主導
交津無審核全民都有, 夠公平所以無人去嘈, 原意係減輕乘客負擔,
到兩蚊計劃奇怪地落到包埋60-64歲組別且無使用上限
只可說福利政策易放難收
要記住, 昔日收費, 今日免費或象徵式收費, 他日都可有權再收費
|
