配合 13 投入服務，建議合併 95 及 213D，93K 改道

2076 發表於 2025-4-10 00:59
其實 2X 2A 本身兩條線來回方向都停淘大花園，所以點改淘大都係叫兩飛，只係三彩換走部去程唔到旺角站的 ...

咁理解喇

開頭我以為2X搬去樂華繼續做三彩
咁就同淘大會有衝突


若果三彩用2X換2A都唔係唔可能嘅
始終去程可以去埋旺角中心點

S3BL100 發表於 2025-4-10 04:34
見你提到想將 13 變成深水埗特快，其實我近期度緊一個方案，13 變深水埗特快，但之後經欽州街、深旺道屈 ...

本身有打算 13 變身深水步特快後，2A 可以縮去蘇屋

樂華去大角嘴無辦法，當作換深水步特快嘅犧牲品，除非因為招標線掣肘而焗住要做，但呢個已經係水晶球問題

反而 13D 無太大必要入中九龍幹線，補償 13 變深水步特快後，用來維持石礦場－亞皆老街服務更加好，而且本身牛頭角道內街都有一定舊區流水需求

但至低限度 95 最拎唔走一段係秀明道落彩虹道，偏偏樓主方案就拎走左

十分認同，秀茂坪最可以犧牲本應係 93K，其次仲有 213D 13 13D，論先後一定未到 95

2076 發表於 2025-4-10 05:50
13 做特快唔係冇諗過，但係小道消息出左，九巴冇誘因拎條 $8.3 的路線走去做秀茂坪特快。同埋 13 始終係 ...

招標線改線固然有限制，但只要係開線後一段時間，改完唔影響招標產生新獨巿位，影響原有服務範圍，又唔影響其他營運商，基本上無話唔改得
但招標線有改線限制唔代表其他線就可以亂改去遷就

2076 發表於 2025-4-10 01:02
冇肉食呢...... 有肉食就唔會全日 30 分鐘一班咁滯，但係佢又 hold 住一堆車剩係執雞。旺角返秀茂坪好多 ...

98C只係秀茂坪頭頂走過
唔深入秀茂坪
其實旺角搭95仲快過搭98C去到秀茂坪
只係班次上影響呢班客走咗去搭密少少既98C

10598C 發表於 2025-4-10 19:13
本身有打算 13 變身深水步特快後，2A 可以縮去蘇屋

樂華去大角嘴無辦法，當作換深水步特快嘅犧牲品，除 ...

2A 本身有蘇屋往來美孚流水

樂華往來大角咀的確好可能因為招標，幾乎肯定點都要搵方法做返

其實講到尾 13 主要問題係同 2A 太重疊，觀塘段固然無乜可能再改，但唔想同 2A 重疊就唔應該繼續亞皆老街直行出旺角，至低限度西行唔應該咁樣重疊，反而東行做類似 2X 飛站特快都仲有唔少考慮空間。要同時做大角咀同深水埗，基本上都離唔開呢幾個可能性：

1. 改擺大角咀，深旺道、欽州街屈返出深水埗，深水埗至牛頭角一段來回跟 2X 飛站
2. 來回亞皆老街，改跟 20 行法落大角咀，再屈返上深水埗（但可能因為 20 都係招標線而有其他問題）
3. 來回改跟 93P 經啟德隧道、東九廊同油麻地，旺角後經大角咀屈返上深水埗

個人比較屬意 1.，中間一段飛站唔太影響往來大角咀乘客行車時間之餘，非繁基本上亦做左你條長沙灣版 13 既九成。之後如果真係有方法搞得掂樂華往來大角咀一段再算

而 13D big picture 長遠亦真係無乜理由繼續同咁多條線重疊，牛頭角道西行流水要拎走已經比起其他位容易

10598C 發表於 2025-4-10 19:13
本身有打算 13 變身深水步特快後，2A 可以縮去蘇屋

樂華去大角嘴無辦法，當作換深水步特快嘅犧牲品，除 ...

2A 要做蘇屋來往美孚流水，冇咁易縮短到，不過本身 2A 做呢段流水都係過密，理應搵辦法減班。雖然樂華有左 13 之後，2A 基本上可以直落 20 分鐘一班.......

招標線焗住收 $8.3 全日，之前好似得 79X 碧海藍天係特例飛得走，載空的長沙灣都係要繼續運空氣，之後 78X 拆 78C 兼取代全日，都焗住要做載空的啟德，說明招標線係有掣肘。

今次 13 新增左的獨市位包括
1. 安達臣來往曉光街、樂華、淘大、太子道東、亞皆老街、旺角、大角咀、海壇街、深水埗
2. 曉光街來往樂華、淘大、亞皆老街、大角咀、海壇街、深水埗
3. 樂華來往大角咀

如果改做深水埗長沙灣特快，(1) 入面的亞皆老街、旺角、大角咀、(3) 入面的大角咀 都要搵替代品。(我當 (2) 入面，13D 秀明道當做左)

13D 拉上去安達臣，都只係解決到 (1) 的問題，(3) 似乎都係無解，而且 13D $7.8 上到去安達臣，九巴一來唔肯，二來安達臣出旺角要兜晒協和街同牛頭角道，一樣唔理想。如果用 213D 減價上山頂，大角咀又變左真空，唔易解決。最慘係搞一大輪，九巴慳唔到車兼收少左錢，完全冇誘因去做。

秀茂坪有得揀當然唔要 93K，但九巴今年就係要塞 93K 比秀茂坪用，真心陰公。既然 93K 都入得協和街，取代 95 油麻地來往秀茂坪角色，以資源運用上一定係最理想，至少回程真係快得起，唔駛塞旺角。95 秀明道落彩虹道，如果真係要補，倒不如爛線用到盡，比 93K 出旺角東站兜埋彩虹道算數，反正本身觀塘出上路都仲有 14。

如果真係想要秀明道來往深長荔特快，93K 95 213D + 2A 2X 重組慳到車之後，RPP 另外做 13D 分拆 13E，13D 縮翠屏旺角循環，13E 上秀來往甘泉街，經秀明道、協和街、牛頭角道、啟祥道、中九龍幹線、大角咀、深水埗、長沙灣，咁樣分拆上市避免到 13 招標線補位問題，亦都可以由九巴主導定價收返 $9.0，成件事好似易做唔少。

S3BL100 發表於 2025-4-10 21:55
2A 本身有蘇屋往來美孚流水

樂華往來大角咀的確好可能因為招標，幾乎肯定點都要搵方法做返

其實換位思考，既然 13 有改線限制，安達臣總站站位又唔多，未來預左 213X 要上山頂，另外可能 11X 都要上埋去做來往觀塘市中心，600 又好客可能有潛力加時，點解唔改走 2A 去遷就 13? 2A 同 2X 對調總站，至少樂華可以全日特快深水埗至美孚，唔會好似 13 咁限死只係得深水埗特快。

至於秀茂坪安達臣來往深水埗快車，本身有 214 做到安秀道加南邨。如果可以透過 93K 95 213D 重組慳車，中秀果邊可以做 13D 改快或者拆線行中九龍幹線，其實都唔駛用到 13 特快。觀塘道經中九幹直達大角咀之後去深長荔都係非常合理的走線。

big picture 我會係諗
13 大流水
2X 樂華深長荔特快
2A 上彩福做密車接駁旺角
13D 翠屏來往旺角循環，考慮食埋 24
13E 中秀協和街觀塘經中九幹來往大角咀、深長荔
95 安秀道新清線
93K 垃圾補位線，油麻地回程特快

用車數量會少過 13 改快再諗其他路線補位好多，又可以分拆上市做

2076 發表於 2025-4-10 23:18
其實換位思考，既然 13 有改線限制，安達臣總站站位又唔多，未來預左 213X 要上山頂，另外可能 11X 都要 ...

13 有改線限制唔代表 2A 呢條老牌線可以亂改，影響大量乘客

只要做得返深水埗同大角咀，13 想改線都易過 2A 唔少

除非之後條 2A 因為 13 存在而做低

S3BL100 發表於 2025-4-10 23:27
13 有改線限制唔代表 2A 呢條老牌線可以亂改，影響大量乘客

只要做得返深水埗同大角咀，13 想改線都易過 ...

呢篇建議可能出早左少少，未睇到 13 對 2A 的影響就出文，建議理論上係建基於 13 分流唔少 2A 客兼 2A 再減過下班先做的。2A 同 2X 對調樂華彩福，2A 蘇屋同荔枝角道班客幾乎沒有影響，主要影響都只係賺左天降 13 的樂華乘客。之前都參考過 2A 分拆 2P 的建議，未來有 13 做到 2A 的定位，就順理成章用 2X 去做樂華特快，順手幫佢谷密班次，救返半死的 2X。

當然，如果 13 真係只係補到晒位就任改的話，最簡單的重組方案，可能係 13 入中九龍幹線，經大角咀來往深水埗 (optional: 延長至長沙灣一帶)，然後 13D 延長上安達臣，同 2A 一齊補位，係 2X 就會一直半生不死，以及九巴都係要從天而降咁多車去做 13。