【SGMTS】洪水橋/廈村一號線第一階段(A1站至A7站)資料

JR5204@26M 發表於 2025-5-18 13:56
如果用輕鐵起條洪水橋支線拉入去，應該可以仲方便，唔洗搞咁多嘢

硬係覺得MTR/KCR(政府)唔想再大攪輕鐵﹐想攪新一代低地台設計的電動列車(可以係用膠輪/鐵軌)。

之前測試氫氣輕鐵﹐除了係想試氫能之外﹐亦係想測試評估低地台列車混跑期間的技術性障礙。
刻意起個低地台列車的月台﹐其中一樣就係可試這樣的事。

巴士的膠 發表於 2025-5-19 00:05
之前路喎四川宜賓順便坐咗程智軌，車輛採用三節編組，車站在路中心再加上閘機、幕門，呢堆野價錢應該貴過 ...

唔舖鐵軌好可能係避免噪音問題

其實依家個方案最適合係做混合式BRT走廊
區內巴士同對外巴士共用條專用路權走廊

走廊內車站用車外收費去提升效率

今天大台新聞有多少少資訊

系統以8000-10000人/小時為設計容量。
唔知我有無理解錯誤﹐這是2個行車方向計算?

以9000人去計算﹐即係每分鐘要處理150人 (9000人/60分)
每部車可載130-180人﹐視乎最終採用方案﹐中位數150人計算。

即係﹐最密都係每方向2分鐘一班車?


現時的初步規劃有3個平交道﹐真係怕在繁忙時間﹐會同普通車互相爭路﹐影響班次穩定性。
真係有需要要全面獨立通道﹐不與其他車共用。

唔怪得已經有議員怕有唔夠載/等車耐的問題。


節錄重點:

洪水橋/厦村新發展區的智慧綠色集體運輸系統，全長約16公里，有三條路線。

1號線連接輕鐵泥圍站至頌富站，貫穿發展區。2號線往來流浮山和屯馬線天水圍站。而3號線則連接天水圍站至元朗南新發展區。

土木工程拓展署指，會先興建全長約4.5公里1號線，設7個車站，每個站相隔600米，但未決定使用哪種系統。

土木工程拓展署西拓展處處長陳家豪說︰「快速公交系統BRT即巴士，即(快)捷巴士，或智軌叫ART都可以使用，快速公交系統通常是兩截，大約乘客量，一部兩節車輛約130人左右。至於智軌有時是有三節，設計容量大約是180人左右，透過不同發車安排，初步預計一個系統，每小時最高流量可以去到8千至1萬人。」

..............................

新界北議員張欣宇說︰「正正是我們屯元天輕鐵情況，變了在高峰期，特別是新發展區人口全部搬了入去後，其實經常會收到投訴。輕鐵那邊投訴輕鐵等太耐，路面交通，私家車和巴士又會投訴，經常要等輕鐵過。」

洪水橋/厦村新發展區擬建智慧綠色集體運輸系統　有議員憂重複輕鐵問題
https://news.tvb.com/tc/local/68 ... utm_medium=referral

變相把區內接駁巴士服務全數撥歸MTR

kei_hk 發表於 2025-5-19 10:13
硬係覺得MTR/KCR(政府)唔想再大攪輕鐵﹐想攪新一代低地台設計的電動列車(可以係用膠輪/鐵軌)。

之前測試 ...

輕鐵受當時嘅限制無雙頭同高地台，解決到呢兩點，用電池同電纜對乘客無影響，反而鋼輪車載客量大，唔駛開車鏈都可以每小時順向一萬人，否則一架車百幾人仲要人揸，我開多幾條K76唔好過搞咁多嘢？

cx838 發表於 2025-5-19 09:29
其實用電池輕鐵都唔好，舊電池就係最傷害環境的成份。
用返電纜又環保又方便維修。甚至用無軌電車都可以的 ...

MTR就係唔滿意架空電纜要更多人力維修同埋有野勾到就服務中斷，就算唔駛MTR自己出錢亦對社區構成不便

kei_hk 發表於 2025-5-19 14:18
今天大台新聞有多少少資訊

系統以8000-10000人/小時為設計容量。

可能依家K76都可能做到呢個客量, 又或者輕鐵都做到

kei_hk 發表於 2025-5-19 14:18
今天大台新聞有多少少資訊

系統以8000-10000人/小時為設計容量。

觀塘道一排站都做到每分鐘一百五十人上巴士，智軌幾度門一齊上車，無理由唔得

40秒一班車，每班車100人，差唔多啦，唔好當佢係鐵，當佢係巴士

有乜野問題成個系統要摺直接無縫切換巴士，兼平過輕鐵多多聲（咪就係搵十部八部車試下)

或者個系統同巴士共存，兼作巴士專線用

其他講乜都係假

輕型鐵路系統的確不適合香港，如果全封閉獨立路權，加少少錢就變中型系統，如果搞到輕鐵咁...大家都知乜事

巴士的膠 發表於 2025-5-19 00:05
之前路喎四川宜賓順便坐咗程智軌，車輛採用三節編組，車站在路中心再加上閘機、幕門，呢堆野價錢應該貴過 ...

係咪有必要拖卡先? 用十五米車，加密班次，應該夠殺

甚至可用雙層十五米，香港既道路本來就要過到雙層巴士（當然以系統現時規劃中既規模，雙層似乎作用不太大，坐兩個站唔會行上去，但將來如果擴展去第二度就係另一回事了）