新信號同q-train安排有新消息

denden 發表於 2026-3-17 13:34
上面師兄引用一大堆數學理論引證CBTC行車chok係正常現象之說法, 我明嘅，不過太複雜唔會有幾多個人有心機 ...

簡單D講﹐如果班次疏 (即前後車距離夠多)﹐2車唔會因為距離近而需要調整速度﹐可以一直保持目標車速行駛﹐咪會平穩囉。

但去到繁忙時間班次接近上限時﹐2車的距離經常觸及最少相距﹐系統咪成日自動調整車速。
既要保持2車的距離﹐亦要keep 住預定的行車速度/時間。
於是﹐與前車太近(即係追到前車)﹐後車自然要減速。
當後車收慢後﹐2車之間有番合適的距離﹐又會加速去番目標車速。
結果咪又減速又加速﹐不停loop。


想行車平穩﹐咪執下2車之間的距離﹐需要系統介入調整車速的時間。
在執行時增加 buffer 行車距離﹐即係減速後要多D距離才加番速。
同埋加減車速時唔好太急﹐動作要"柔D"。

kei_hk 發表於 2026-3-17 13:55
簡單D講﹐如果班次疏 (即前後車距離夠多)﹐2車唔會因為距離近而需要調整速度﹐可以一直保持目標車速行駛﹐ ...

你依段說話，任何一間私家車廠見到都會笑到牙都甩
跟車定速邊係rocket science, 唔好自欺欺人啦

反而有人提到M train 運算有delay, 搞到應滑行時仲加緊速，結果過target speed 要落brake
睇落又真係有可能

但如果係真都係大問題

風琴腳講緊一時俾油一時鬆油，依家玩到一時俾油一時落brake
做巴士司機的話一早收左警告信喇

TA7343@N241 發表於 2026-3-16 12:28
會唔會係因為工程車目前喺紅線只能用RM行駛。
加上尾嗰幾班要就轉去其他線尾車，所以12點前反而要拉到特 ...

上行0004班次已於2025年6月23日起取消
2359之後係0010無錯

slsso 發表於 2026-3-17 14:24
你依段說話，任何一間私家車廠見到都會笑到牙都甩
跟車定速邊係rocket science, 唔好自欺欺人啦

你無情情講到私家車廠﹐又講巴士司機﹐拉到其他野﹐你想表達什麼?

1. 部車跟target speed 行駛﹐唔超速就自然唔需要落brake。

2. 部車接近前車﹐target speed自然會調低﹐以保持合適車距。
當車速超過target speed (即前車距離太近)﹐自然需要落brake。

3. 當減速後﹐同前車距離拉番遠﹐target speed自然慢慢上調﹐直至路段的上限。
當target speed 上調﹐列車自然需要加速﹐直至去到target speed。


非繁忙時間車疏﹐根本追唔到前車﹐所以多數只會有上面 1 的情況﹐行車會較為穩定﹐較少又加速又減速。

但非繁時間車密﹐容易追到前車﹐令到 2 & 3 的情況易發生﹐隨時會不停loop﹐令到經常又加速又減速。


想行車穩定D﹐一係就在加減速上著手﹐唔好太急﹐溫柔D。
其次就係target speed/車距 加大buffer﹐唔好太易觸發加減速。
例如: target speed 慢了10KM/H就會加速﹐變成慢了15KM/H 才會加速去target speed
*非真實資料


呢樣野﹐就要MTR 的人員慢慢調校。
但M車相信唔會用心去攪﹐反正用多幾年就全數消失。
C/K/Q車就會慢慢去攪﹐但未必係短期內的事。

kei_hk 發表於 2026-3-17 14:55
你無情情講到私家車廠﹐又講巴士司機﹐拉到其他野﹐你想表達什麼?

1. 部車跟target speed 行駛﹐唔超 ...

想表達既就係咁樣係不合理
就係咁簡單

使唔使數俾你中環到荃灣總共落過幾多次brake?

兩個站之間，落成10次brake, 揸車考牌都肥佬啦，依啲叫不當控制車速
唔好用所謂算法去掩蓋common sense

舉私家車例子係話俾你聽所謂算法根本就係好成熟
你MTR唔tune 好就賴落技術度只係呃細路

slsso 發表於 2026-3-17 12:06
其實唔使講到咁複雜

以私家車為例，自動跟車模式既定速巡航做到平滑定速係最基本要求

我唔太知私家車啲嘢， 不過你講個套實現模式，實際上係CBTC往後下一代產品——TACS，『基於車車通訊式訊號列控系統』喇，通過雷達追蹤前車，直接車對車通訊，軌旁設備僅作為兩車交換訊息通訊。而CBTC係：『車-地-車』通訊模式，所有嘢都需要通過軌旁設備進行 Wireless connection ，訊息返回OCC電腦中！指令係靠地面設備站電腦設備授權發出，即中間有個「對接人」

Danny.lin 發表於 2026-3-17 15:37
我唔太知私家車啲嘢， 不過你講個套實現模式，實際上係CBTC往後下一代產品——TACS，『基於車車通訊式訊 ...

咁樣都解釋唔到點解荔景去葵芳要上斜落brake, 落斜大加速再入站重brake
唔講以為架M train 淨係得一個固定既acceleration rate
連N年前既電車都有斬波 (chopper) 啦

呢幾日坐完後嘅感受係乘車舒適度廿年前都不如
繁忙路段不停加減速，繁時沙甸魚咁仲chok下chok下真係多得佢唔少
臨停車要龜速韌停，同舊系統一氣呵成咁埋站就差得遠
科技係進步定倒退咗呢

slsso 發表於 2026-3-17 14:24
你依段說話，任何一間私家車廠見到都會笑到牙都甩
跟車定速邊係rocket science, 唔好自欺欺人啦

其實西鐵有哂經驗
由係咪都行定速改做時間夠就行+2/-10已經平穩好多
不過過渡期可能MTR懶得執個software
睇下黎緊Q車會唔會一樣行到chok下chok下🤭🤭

葵興>葵芳同葵興>大窩口似乎有新增TSR
荔景>葵芳就跑快咗少少