龍運啲車電牌出唔出到九巴資料 (或者調轉)？

或者城巴專營權二啲機場線出市區線 / 專營權三啲市區線出機場線資料？


睇巴典見九巴啲車電牌出到A31 A41依啲龍運線資料（依啲車應該退晒）。
早排都有啲V6X借俾龍運嗰時係照出到E32A E36A電牌。
反而未見過龍運車出九巴線資料。
甚至同公司唔同車型嘅database都未必有嗰條線資料。
試過234D用咗豪華車行，路線牌係手寫。

城巴方面巴典見過Cityflyer行962系。
但基本上A/E車都行返A/E線，市區車行返市區線。
B線主要出市區車，另有少部分A/E車行。

所以唔知部分九巴(龍運)車嘅database係咪preload部分龍運(九巴)線資料？
萬一有真係需要時，就拎依啲車幫手做跨公司特。
（城巴唔同專營權啲車類同）
年頭YJ2280同XL1339過檔龍運前，都行過B線一段短時間。
理論上，如果兩部車冇del咗舊data嘅話，即係行返B線都得？
又或是借過俾龍運嗰幾部V6X，將來有機會可能會再借返俾龍運行E線？

唔好意思，我上年都問過類似問題就係龍運車行唔行到B線。
今次主要想知啲車隊嘅電牌database practically做唔做到跨公司特嘅條件。

龍運車行唔行得九巴線？城巴車行唔行得九巴線？既然唔行得點解要有data？

如果樓主有觀察過咁上下時間應該會知道答案。

歷年來龍運自己一套data，九巴data最多以前都只係最多有X1同埋其他散場X線。

以前九巴有正式借車比龍運時都係入咗龍運data先有齊所有龍運路線同埋暫停服務牌出龍運logo。
好似都有見過加埋少量A/E線以防萬一大事故塞到無車時攞去救命(不過呢個就好耐之前龍運唔多夠車的ATR/3ASV年代喇)。

依家龍運算係夠車，博覽館做X1同散場都好少要借到九巴車去做囉~

toyl 發表於 2026-5-8 09:33
如果樓主有觀察過咁上下時間應該會知道答案。

歷年來龍運自己一套data，九巴data最多以前都只係最多有X1同 ...

19年和你飛嗰陣九巴車行AE線應該有齊電牌data

梗係得啦，以前龍運有新車未投入服務泊廠時，經常有人搞牌51、53
相反九巴新車搞牌E線