我搭九鐵好定港鐵好呢??

原帖由 ChickenTong 於 2008-8-16 02:11 發表
中point,我而家一聽到人講"我搭港鐵西鐵線去屯門站轉港鐵巴士"呢d一定係鐵路迷,
正常人都只會話"搭西鐵去屯門站轉K51"(甚至到而家仲有人講521)
普遍人明就得,根本就冇需要改口 ...

且慢，儘管事實上「大家明就得」依個基礎下，
但我又唔一定認為口中出現「我搭港鐵西鐵線去屯門站轉港鐵巴士」一定係交通迷。
（兩者根本無一定關係，我總唔相信十個非交通迷市民中，總無一個市民用番「正名」）

有次小弟係對面海見到，有一家人正研究新既路線圖同嘗試改用新名，
試問佢地又係唔係交通迷？（我唔清楚，但以全港交通迷數量，總低於香港總人口數量，屬交通迷概率較低）
成家人中，有幾多個係交通迷？（我唔清楚，但相對概率更低）

「大家明就得」與「無需要改口」以及「交通迷行為」又係三回事。
「大家明就得」也可以新舊名照用，唔代表「無需要改口」，更唔一定出自「交通迷」口中，總之順口就得。
「無需要改口」也唔一定只在「非交通迷」出現，都係用「大家明就得」作結論。（正如閣下）

總之都係果句，九廣西鐵早已改為西鐵線，你鐘唔鐘意適應現今社會既新名，由閣下決定。

[ 本帖最後由 dennis28a 於 2008-8-16 05:29 編輯 ]

我前日在中大遇到來自哈爾濱的兩母子遊客，母親問我路時，拎住港鐵合併後的地圖，
佢應該係無預設字眼的，我叫佢搭「火車」到九龍塘轉「地鐵」（我改唔到口），
佢都即刻pick up到「東鐵綫＝火車」、「市區內車站密集的幾條綫＝地鐵」
我同佢解釋埋因為兩個系統去年底才合併，有好多香港市民改唔到口，
我驚佢出到市區問人，人地會唔識嘛。

原帖由 |_arco 於 2008-8-16 02:16 發表


車....上次學校個問答比賽仲夠膽死問 "現任地鐵行政總裁係邊個？" .....
真係唔知話佢好定笑佢好...

答案係.....冇人....

原帖由 AVW56 於 2008-8-15 13:22 發表
講真個句,

而家已經唔係 "改唔改到口" 的問題
而係 "有冇需要改口" 的問題


好似小弟住係新界西,
一直都係依靠九廣輕鐵穿越區內及九廣西鐵往返九龍
而小弟身邊的朋友
大部分都是住於新界西區的

既然如此, 在小 ...

咁當然啦....

講咩都好...最緊要人地明....
我試過有人同我講「我搭緊港鐵東鐵綫, 我一陣係旺角東等...」

我都load左一段時間.....先回佢...
「你而家搭緊火車, 一陣係旺角火車站等...ok...」

如果係朋友同朋友, 家人之間...
最緊要講得明...最緊要知講緊咩...

當然啦.....如果係一d信函、重要d既野啦....
都要用番「港鐵」、「馬鞍山綫」、「旺角東站」等等正確的稱呼....

* 我而家都要份工既要求....耍講「鐵路站」...
有時都講慣左...冇啦啦有「杏花邨鐵路站」彈左出來...

原帖由 DIH 於 2008-8-16 12:53 發表
我前日在中大遇到來自哈爾濱的兩母子遊客，母親問我路時，拎住港鐵合併後的地圖，
佢應該係無預設字眼的，我叫佢搭「火車」到九龍塘轉「地鐵」（我改唔到口），
佢都即刻pick up到「東鐵綫＝火車」、「市區內車站密集的幾條綫＝地鐵」
...

我都試過有遊客問路...

有時同人講埋....
要睇清楚d指示牌..

怕佢唔知咩係「東鐵綫」...
一係撞左入去「火車站」...以為係「地鐵站」...因為個logo

原帖由 JA5674 於 2008-8-16 18:08 發表


咁當然啦....

講咩都好...最緊要人地明....
我試過有人同我講「我搭緊港鐵東鐵綫, 我一陣係旺角東等...」

我都load左一段時間.....先回佢...
「你而家搭緊火車, 一陣係旺角火車站等...ok...」

如果係朋友同朋友 ...

上次港鐵HR打來叫我去做written，佢講火炭鐵路站，我load左陣先get倒，confirm多次問佢「ok係咪聽日去火炭火車站呀」，佢都係講返正「火炭鐵路站」。

所以，好難令我相信叫得咁正統既名稱既人唔係鐵路迷或鐵路相關職員。

但我想講，就算係我果邊d阿sir都係叫輕鐵、西鐵、馬鐵，唯獨是好正統咁叫返火車做東鐵

原帖由 4056 於 2008-8-16 22:02 發表


上次港鐵HR打來叫我去做written，佢講火炭鐵路站，我load左陣先get倒，confirm多次問佢「ok係咪聽日去火炭火車站呀」，佢都係講返正「火炭鐵路站」。

所以，好難令我相信叫得咁正統既名稱既人唔係鐵路迷或鐵路相關職員。

...

你咁咪暴露咗你唔係咁「上心」囉～

「東鐵」我都未上口，又整個「港鐵東鐵綫」，我都係叫返「火車」算～
講真，我話搭「九廣鐵路」都無人可以話我錯架喎......

[ 本帖最後由 DIH 於 2008-8-16 22:55 編輯 ]

原帖由 4056 於 2008-8-16 22:02 發表


上次港鐵HR打來叫我去做written，佢講火炭鐵路站，我load左陣先get倒，confirm多次問佢「ok係咪聽日去火炭火車站呀」，佢都係講返正「火炭鐵路站」。

所以，好難令我相信叫得咁正統既名稱既人唔係鐵路迷或鐵路相關職員。

...

連港鐵都叫「火炭鐵路站」?

有次港鐵打來都係講「xx站」....

總之，我認為
我們稱東鐵線作「火車」「東鐵」
我們稱西鐵線作「西鐵」
我們稱馬鞍山線作「馬鐵」
或是說「搭九鐵」「搭地鐵」
均是沒有問題及不需要改口
只要別人明白就行

根本上就算我指住旺角東站塊站牌，我D朋友都會講做「旺角站」
所以約定俗成，別人明白就是沒問題的

例子1：大丸百貨都執左好耐
不過只要一講「大丸」，個個都知是銅鑼灣
甚至是小巴都顯示「大丸」作目的地名
例子2：「畫舫」已經變左做「明星海鮮舫」有一段時間
不過你說「畫舫」，人們都知你在說那兒

反而看見小巴路線圖上的「車公廟火車站」「第一城火車站」「馬鞍山火車站」我會覺得怪怪的

我總是有種感覺再過多牌又冇左東西鐵線呢個名...
羅湖(/,及)落馬洲線?屯門線?