905+111=911, 37A/B的啟示

37A,37B解決了數十年來
薄扶林沒有宜通線來往天樂里一帶的需求

原帖由 LM1933@641 於 2008-9-8 17:22 發表
話又唔可以咁講，你有冇試過搭過d線到喉唔到肺？
又用番37A/B，咁如果不是循環線，咁中西區/灣仔區總站擺係邊？
37B 中環？ 37A 灣仔？一係冇位，一係就係冇左獨市/令乘客不便
由薄扶林去灣仔道個邊，搭乜車？轉車？
依一種形式就可服務更 ...

但你要留意,
樓主講的合併性質唔同37系,
37系有獨市位並且沒有總站先改成咁......

樓主的合併係直頭將西隧線同東隧線合併,
直接將巴士路線變成環島遊再過兩次海,
這種方式恕我完全不能接受......

建議中911的定綫同建議中的港鐵東西綫很有異曲同工之妙!
911: 荔枝角-西隧-港島-紅隧-坪石 (九龍-港島-九龍)
東西綫: 屯元天-大欖隧道-九龍-鑽石山至顯徑隧道-沙田及馬鞍山 (新界-九龍-新界)
同意樓上講法,這種方式我都完全不能接受!(我是支持馬鞍山綫過海的!)

其實點解不能接受？
而家又唔係逼人過兩次海先去到目的地........
(以911做例子，除非佢個建議係包括取消來往九龍東西既路線我先會反對)

建議最難搞係班次,
條線咁長好易脫班,
但整定時點香港乘客是否接受中途要等夠鐘開車係一個問題,
當然培養司機開車習慣盡量準時到達定時點都得,
但以香港路面環境難度不少...

原帖由 ksmbh 於 2008-9-8 18:36 發表
建議最難搞係班次,
條線咁長好易脫班,
但整定時點香港乘客是否接受中途要等夠鐘開車係一個問題,
當然培養司機開車習慣盡量準時到達定時點都得,
但以香港路面環境難度不少... ...

就以111+905為例
可以在太古廣場/金鐘東做定點,,再在乳豬紕上寫明:荔枝角>>金鐘東>>坪石
                                                                             坪石>>金鐘(太古廣場)>>荔枝角
再在服務時間上面加番金鐘的頭尾車,班次等等
相信有關的安排絕對唔會難到我們香港的市民,,最緊要就係早d 公佈同埋加d 人手在金鐘

我都覺得呢個方法係唔鍺的,,都算係對抗成本上漲的好方法

另外,,大兩味的使用都好應該擴展至其他疏的路線,,如70,263m 63x 等等
可以提供穩定的班次,,更靈活使用車隊
最多都只係加司機的補水,,同埋初期執行上的不便
對乘客絕對係有利的,,

有錯請指

可能我既內容無明確重點, 應該係話, 對37A/B同905+111=911呢兩個建議, 我都十分支持

最主要既原因, 係響旺區度用少好多總站既地方, 巴士變相減少一半, 但服務基本無變, 主要客源一定照顧到

其實唔好話巴士, 港鐵都有呢個問題, 上面有位朋友話, 支持馬鞍山線過海, 當然而家因為荃灣線飽和, 港鐵需要加一條隧道過海, 但起個港鐵站要上到荷李活道, 亦都係因為中環既地下, 都已經比港鐵用晒. 到時如果有個人要求西鐵延長到尖咀後, 又要過海, 到時港鐵又揾邊度起個港島區總站呢?

呢個建議, 我知有好多問題, 影響緊全香港既坐巴士文化, 巴士公司既"旺區插旗"文化, 但當你見到, 每日旺東鐵站, 有幾多巴士等落去接客, 但成個旺角塞死時, 廢氣, 熱氣令乘客唔想等車, 而走去坐其他交通工具, 旺角居民又繼續去受噪音同廢氣之苦, 又會點睇呢

其實仲有一個建議, 就係長途巴士如果唔可以合拼既話, 可以用"同上同落"呢個方法

例子, 九巴59X, 從屯門到美孚後, 同時亦係返屯門既第一站. 一路落到亞皆老街, 之後出西九龍快速返屯門

唔需要每條線都一定係美孚第一站既, 可以將58X由屯門一路直去到南昌落高速, 轉出大角咀去旺角, 大角咀會係第一個市區落站, 同時又係返良景第一站, 之後又沿返而家路線返去良景

有人話咁對旺角上車(59X建議)/長沙灣落車既人(58X建議)好唔公平, 又可以分兩條線, 一條59X美孚落, 旺角上, 一條59X旺角落, 美孚上都得. 但對減廢氣效果少D, 不過都應該會少左巴士經旺角, 而且編號好容易令人混亂

香港既有個半失敗例子, M722, 做得唔徹底, 淨係中環無總站, 其實可以做絕D, 耀東出黎金鐘後去中環, 但大會堂後skip金鐘, 直去演藝, 金鐘既上去中環既M722, 就會慳時間同減少重覆站啦

有潛質做既仲有720A/2X, 一條去金鐘跟720A, 到金鐘後行軒尼詩跟2X, 另一條興發街落跟2X, 直去到金鐘之後轉行720A條路, 兩條線唔需要響金鐘散客

因為灣碼同會展巴總飽和, 菲林明道天橋擴建機會甚微, 架架灣碼/會展既巴士響非繁時都有可能塞, 繁時響灣碼塞3-4個字都係家常便飯. 咁點有效載人走呢

呢個建議既主要功效, 就係將巴士去到旺區都唔需要架架吉, 有客落時都有客上, 減少旺區巴士出入時, 主要乘客無受影響姐

簡單ｄ講，樓主即係想多ｄ類似219X/224X咁既路線，其實只要小心ｄ設計，真係可以有效減少巴士數目而能夠維持相若班次。

以前港島仲有11A+25M整合為25A/Co既例子

其實, 如果配合雙向分段, 港島10+82若整合為一條由小西灣到堅城o既超級流水線是否可為?