中巴以前係咪一部份路線的車長係做更半

1.中巴以前係咪一部份路線的車長係做更半?
2.隧道線的司機點安排放食飯,有冇分早夜更,定一更過?
3.當年有不少路線夜晚8點就開尾車,會否當年夜出街的人較現在少?
4.中巴以前係咪有d全日的路線有蛇車(即是只在繁時服務),?即是一條線有正字軌及蛇車?

[ 本帖最後由 HR9710+KU1391 於 2008-12-30 22:34 編輯 ]

更半, 我想樓主係指以前所謂"一工四/五點"喇

1.中巴以前係咪一部份路線的車長係做更半?
無錯，部份路線是工半，即早上6-7點開工，晚上7-8點開尾車。
另一部份是班次需要，日期車多，晚上車少，如40號，早上8架，晚上6架，其中兩部最後一轉約7點多華富開，另外6部跑足早夜。

2.隧道線的司機點安排放食飯,有冇分早夜更,定一更過?
有分早夜更，多數2食1或2收，或1食2收，即已有6至7轉車，早更接夜更食飯，夜更接早更食飯，另有其他路線的司機可以連人帶車或只用人接食飯，如中巴後期的970號車夜更，接680午間食飯一轉。

3.當年有不少路線夜晚8點就開尾車,會否當年夜出街的人較現在少?
無錯，這是路線特點，如中環線其實客量不多

4.中巴以前係咪有d全日的路線有蛇車(即是只在繁時服務),?即是一條線有正字軌及蛇車?
繁時服務：37, 641,722,721是有字軌人和車。當完成繁忙時段服務後，調走其他路線接食飯。由於當時一人一車，我的車會用到收工，只有少數司機要轉用其他車，所以要連人帶車接食飯。
但繁時服務，在字軌以外也有特別加班車：101.112.111,104,105,601,970等都有車房打仗車，由車房維修的同事擔任司機，但也有早夜更的司機客串，連人帶車做一，兩轉。早上的不會同日打仗兩次。

隧道大線(如101, 102, 104, 105, 106, 111, 112, 116等)司機一般都係做"工半", 字軌司機係工半對接, 中間時段會同時有早夜更司機一齊開工, 一個食飯 / 飲茶而另一位就開車, 所以中巴大部分路線既時間表都唔會出現九巴個種食飯時段班次極疏既情況.

中巴無"大兩味"制度, 正字軌以外, 繁忙時間就靠工半車同埋打仗車支援. 工半車主力做早晚繁忙時段, 中午非繁忙時間就去攝食飯(本線或其他路線), 繁忙時間隧道大線上既珍寶同雞, 多數係來自呢類工半額外加班車, 連運輸處既Schedule of Service都未必有佢地既紀錄.

而打仗車就好似hywonglx站友咁講, 部份來自車房維修部, 部分來自未開工或已收工既早夜更司機. 中巴有一種"日修車打仗"制度, 由車房搵一D當日要做"日修"既車朝早去打仗, 打完仗就做日修, 日修完之後下午繁忙時間又拎去打仗.

原帖由 PB602 於 2008-12-31 01:34 發表
隧道大線(如101, 102, 104, 105, 106, 111, 112, 116等)司機一般都係做"工半", 字軌司機係工半對接, 中間時段會同時有早夜更司機一齊開工, 一個食飯 / 飲茶而另一位就開車, 所以中巴大部分路線既時間表都唔會出現九 ...

我看了好幾次,也找不到九巴的「大兩味」和中巴的「工半」有什麼分別
大家都不就是
1.到早更司機去用膳,夜更司機就接車開工;
2.輪到夜更司機用膳,早更司機就接車繼續駕駛;
3.最後夜更司機用膳完畢就是早更司機收工,
我錯解了哪一部分? 還是內容一樣,只是名義不同?

[ 本帖最後由 hjhj 於 2008-12-31 03:49 編輯 ]

中巴大部分路線既時間表都唔會出現九巴個種食飯時段班次極疏既情況：中巴大部份路線的確如此，但部份路線是有出現班次極疏的情況。例如：40在假期部份食飯班次要調整到20分鐘，因為無車攝食飯。43，長期繁忙15分，食飯一轉，飲茶一轉，共兩轉25分一班。遇有塞車和司機缺勤，30-50分鐘一班都會出現。


中巴無"大兩味"制度, 正字軌以外, 繁忙時間就靠工半車同埋打仗車支援. 工半車主力做早晚繁忙時段, 中午非繁忙時間就去攝食飯(本線或其他路線), 繁忙時間隧道大線上既珍寶同雞, 多數係來自呢類工半額外加班車, 連運輸處既Schedule of Service都未必有佢地既紀錄.

有一年的中巴年報指出車率(還是車隊營運效率之類)達107%，即很多加開班次。另外，好多時特別班次是中途站開出，如101在中環等放工客，112在銅鑼灣起載，全部不是踢車，是特別班次，在原有時間表內沒有顯示，但中巴當然有相關時間表啦！

而打仗車就好似hywonglx站友咁講, 部份來自車房維修部, 部分來自未開工或已收工既早夜更司機. 中巴有一種"日修車打仗"制度, 由車房搵一D當日要做"日修"既車朝早去打仗, 打完仗就做日修, 日修完之後下午繁忙時間又拎去打仗.

中巴的資源使用的確很好，車房人工不高，用打仗作加時加薪，用工半車為司機帶來近萬八至兩萬多的收入(90年代近中巴最後的十年八載)但中巴對打仗車的收入要求比較嚴，因為做不到一定的生意額，是要被取消，所以打仗車司機好爛做，見車追車，扒頭搶生意是司空見慣的事，甚至有司機指出，見到打仗車，必定要讓，尤其大站，讓他先載。

原帖由 hjhj 於 2008-12-31 03:48 發表
我看了好幾次,也找不到九巴的「大兩味」和中巴的「工半」有什麼分別
大家都不就是
1.到早更司機去用膳,夜更司機就接車開工;
2.輪到夜更司機用膳,早更司機就接車繼續駕駛;
3.最後夜更司機用膳完畢就是早更司機收工, ...

會唔會係, 九巴的「大兩味」, 早更用膳, 用膳後其實係收工,
到下段繁忙時間先繼續做到夜更用膳後才真正收工...?
而中巴的制度會否是早更用膳後係繼續開工, 夜更司機
只是攝一轉用膳就走?

原帖由 hywonglx 於 2008-12-31 08:08 發表
打仗車司機好爛做，見車追車，扒頭搶生意是司空見慣的事，甚至有司機指出，見到打仗車，必定要讓，尤其大站，讓他先載。

梗係啦，車房師傅出黎開工你唔讓
小心自己架愛車返到廠俾人特別招呼 

擧兩個我自己知道既安排：

中巴595
早更朝早開工，一路踩到11點左右夜更接做兩轉，早更食飯。
早更12點左右又踩，到3點3夜更又接，早更飲茶，4點幾早更
接，踩到7點左右收工，夜更已食飯，7點幾踩到尾。

中巴601
開頭朝六點半晚七點半，每日做六轉車，五架字軌，第1/2/5/6
轉五個司機都有份，第三轉用1/2/3車，第四轉用1/4/5車，但
第四轉渣一車既係由第二條線既司機接，只係有人無帶車黎接。
第一單秀茂坪返金鐘有四部車房打仗車，第六單金鐘返秀茂坪
有一班車房打仗車。

原帖由 hjhj 於 2008-12-31 03:48 發表


我看了好幾次,也找不到九巴的「大兩味」和中巴的「工半」有什麼分別
大家都不就是
1.到早更司機去用膳,夜更司機就接車開工;
2.輪到夜更司機用膳,早更司機就接車繼續駕駛;
3.最後夜更司機用膳完畢就是早更司機收工, ...

我諗係工時問題，中巴既工半車工時去到成 12 個鐘
九巴既大兩味中段應該有休息時段，工時相應會短左......