25/2(三)財政司司長曾俊華2009至2010財政預算案討論區！

原帖由 3ASV196 於 2009-2-26 09:40 發表
本人是大學畢業生, 直言, 如果4000蚊, 真係好低好低

但留意的係, 呢4000蚊係最低下限, 而就業市場都係市場控制,
demand & supply, 如果真係有人出4000蚊請人, 都要有大學
生肯做, 先會成事..... 呢個係個人選擇. 有權選擇唔參與有關
計劃的.. 而企業亦要承受低人工可能帶來的負面後果...

(如果4000蚊有大學生肯做, 咁即係這份工真的有市場價值,
當然, 這定論係假設所有人理性)

而就現在環境, 搵工一定難, 畢業就失業好d, 定係用低人工返工,
去賺取經驗好d?  自己去諗喇, 每人唔同選擇....

政府財政有限, 俾多d資助, 當然都好d, 但留意係, 如果俾多d資助大學生,
有人可能會話, 不如俾多d $$$ 窮人好過la...要平衡, 並不容易...尤其正如
樓上講, 本身一個大學生身上政府投資的$$, 已經唔少, 而且人工仲要睇
長遠, 唔係只是睇一畢業...

當然, 我希望係, d 企業 可以出人工比4000這最低下限為高, 最少都
7000 - 8000 人工 la, gum 就大家都得益較多, 大學生亦會較有心去做..

聽你口吻, 都應該讀ECON讀到一個較高水平吧..
如果market 係efficient的話, 就唔駛政府插手啦...而且, 假定每個人都係rational呢個point,
本身就已經係一個好大的weakness.

個個僱主都係好似你下劃線的字句咁諗, 大學生想有高過$4000都幾難...
係呢個asymmetric information的環境下, 而僱主既Bargaining power 係高既時候,
個welfare 及 surplus自然去晒僱主度....

仲有, 唔知你有冇報過工, 好多都要求你寫之前的人工水平..
而以小弟之前做過人事部的經驗, 呢個可以係訂定你既薪酬既參考資料之一..
如果起薪點過低, 真係唔知幾時先可以返到 "正常" 水平...

原帖由 S3BL100 於 2009-2-26 10:30 發表


事實上，現時許多大學生，都是家庭裏第一代大學生，不少都是出身基層，
可以說，幫助大學生就業，某程度上亦能幫助低下階層加快脫貧，改善生活。
因此，幫助大學生就業，和幫助窮人，絕對不是對立的。當然，政府的幫助
大學生「實習」的政策，其實大有可改善之處。至少，我認為，政府開創更多
公務員職位，吸納這些大學生，是一件絕對可以做到的事。

OT：我一年後畢業，雖然不打算在港找工作，但是看見現時的情況，其實自己都
有少許擔心；至少我身處的某帝國，經濟實在差得好緊要，大學funding已經狂cut，
許多進行中的project都要叫停，隨時可能影響我的升學計劃。

小弟都認同, in-kind transfer 好多時都好過cash-transfer.....
係帝國搵工而家分分鐘難過係香港...
真係把心一橫, 讀多一年吧啦...四千, 個opportunity cost 真係低到令人發笑...

原帖由 S3BL100 於 2009-2-26 10:38 發表

以香港的情況，沒有交過稅，就代表沒有contribute過，沒有要求更多
糖果的理由，這是不合理的。只可惜，這個argument已經成為不少中產
人士、商家、以至決策者，不為窮人設想的藉口。

不如咁講, 窮人是社會的生產者; 中產/富人是社會的管理者, 也是消耗者

所謂既實習,即係一份短期合約工
當一間公司出4000銀就可以請個大學生黎做
咁點解要用五、六千黎請一個冇大學學歷既人黎做?
呢班低學歷人士點算?
你估間間公司都會學公營機構用九千銀請個OA呀

用1.4億資助大學生做實習生,另外用6300萬開職位教年青人點
上網,真係奇怪,政府每年總會花d無謂錢係無謂事情上,用6千幾
萬教年青人上網,倒不如將呢筆錢交俾社福機構,買食物資助窮人

原帖由 orange 於 2009-2-27 00:33 發表
用1.4億資助大學生做實習生,另外用6300萬開職位教年青人點
上網,真係奇怪,政府每年總會花d無謂錢係無謂事情上,用6千幾
萬教年青人上網,倒不如將呢筆錢交俾社福機構,買食物資助窮人 ...

年青人上網都洗教? 呢方面年青人比你們呢高官醒好多啦...

為網絡23條實行就真啦...

原帖由 superbus 於 2009-2-26 23:41 發表
所謂既實習,即係一份短期合約工
當一間公司出4000銀就可以請個大學生黎做
咁點解要用五、六千黎請一個冇大學學歷既人黎做?
呢班低學歷人士點算?
你估間間公司都會學公營機構用九千銀請個OA呀 ...

有種既, 就齊齊杯葛此等奴工計劃
唯希望不要見到超額報名...

原帖由 orange 於 2009-2-27 00:33 發表
用1.4億資助大學生做實習生,另外用6300萬開職位教年青人點
上網,真係奇怪,政府每年總會花d無謂錢係無謂事情上,用6千幾
萬教年青人上網,倒不如將呢筆錢交俾社福機構,買食物資助窮人 ...

早前有 d 食物銀行都已經資源緊拙
根本就應該係果 6 千幾萬入落去食物銀行

*拎 6 千幾萬教年輕人上網就真係好無謂
同埋而家坊間根本有好多關於呢方面既教學 , 政府咁做就真係有點兒那個 ...

原帖由 JX9097 於 2009-2-26 08:28 發表
四千蚊請大學生
根本就係荒謬
難聽d講句,洗廁所都唔止四千蚊啦
唔好斤斤計較?我諗做人對某d嘢係有底線lor
中五生叫佢收四千蚊都冇人啋你啦

四千蚊扣搭車,扣食飯,扣埋最基本消費
根本就唔會有錢剩
(隨時仲要倒貼 ...

對 d 住得比較遠既人黎講 , 根本係要倒貼

*以北區為例 , 佢要出去對面海返工 , 再回交通費已經無左 30 幾雞
計埋個 lunch , 一日已經無左 60 幾 70 雞
未計其他基本消費已經得番二千幾

[ 本帖最後由 AD18 於 2009-2-27 12:21 編輯 ]

del , 打多左

以下係我對預算案ge解讀:

保就業穩民生
未來三年創造62 000個工作及實習機會，涉及金額預計為16億元
-> 已經俾議員篤爆左當中水份有幾重
(01)預留4億元的非經常撥款，加強一系列就業計劃，並增撥1,300萬元，提升勞工處為倒閉企業員工所提供的就業支援服務。
-> 平時貼響勞工處D招聘廣告offer有幾好係有目共睹
(02)預留1億4,000萬元，推行大學畢業生實習計劃。
-> 已經俾人插到開花 我都唔駛再加隻腳落去
(03)預留7億元，推行樓宇更新大行動，協助業主維修1 000幢破舊的樓宇。
-> 可以講呢D資助實際上唔容易claim 而且我唸政府唔知做樓宇維修係咩價錢
(04)預留1億元，協助籌辦更多吸引旅客的盛事。
-> 唔會又係維港巨星匯果D野掛
(05)撥款7,800萬元，舉辦東亞運動會和建國六十周年慶祝活動。
-> 拭目以待D高官打算點樣擦鞋
(06)預留6,300萬元，推行互聯網教育活動。
-> 要教育D乜呀?
(07)額外撥款1億3,000萬元，提升政府大樓及公共設施的能源效益。
-> 我仲記得有時事節目講過機電署總部大樓點樣"節能"

強化支柱行業 拓展經濟領域
加強與廣東、台灣及澳門的合作。
-> 觀乎而家ge周邊城市產業格局 我想問你要同人地合作D乜?人地又憑乜野要睬你?
優化銀行證券業務的監管制度，加強保障投資者。
-> 希望唔會做D幫倒忙ge事出黎
拓展與新興市場的合作。
-> 我唔知你當邊度係新興市場? 同埋都係要問你要同人合作D乜?
推行政府債券計劃，促進債券市場發展。
-> 香港公共財政有個優勢係無負債 做乜而家要無端端為自己製造負債?
推廣香港為亞洲美食美酒中心
-> 聽落似乎又係一個"假大空"
推動會展旅遊。
-> 點推動?有無留意過D周邊城市搞會展旅遊係點搞法?
郵輪碼頭今年內動工。
-> 啟德呢笪地點用都拗左超過10年 我唔可能相信今年內可以開到工
推動創新科技，探討開發科學園第三期。
-> 希望最後唔係變成又一個豪宅項目
預留3億元，支援創意產業。
-> 憑D官員對創意產業ge態度 預留30億都唔驚 因為最後好可能1毫子都唔需要用
推動綠色經濟。
-> 係咪為左湊夠字數而寫呢?
研究推廣電動車輛的使用。延長電動車輛首次登記稅豁免。
-> 真係為左環保嗎?
提升建築物的節能效益。
-> (07)已經講過

培育人才
動用75億元，以助落實「334」學制。
-> 香港教育制度越搞越喎 希望改334唔會又搞出個大頭佛
每年額外投放2,100萬元推動國民教育。
-> 乜咁揼本擦鞋呀

加速基建 建設未來
盡快推動十大基建工程上馬。
-> 拭目以待最後有幾多個係真係搞得出
成立「發展機遇辦事處」，協調基建項目。
-> 希望唔係"裁員機遇委員會"又一翻版

建設社會 優化生活
(01)未來三年向醫管局增加資助，按年遞增8億7,000萬元。
(02)預留8億4,000萬元，加強醫療服務。
(03)增撥3,700萬元經常撥款予安老院舍。
(04)增撥5,500萬元經常撥款，增加650個資助安老宿位。
(05)未來三年撥款2,000萬元，擴展「自在人生自學計劃」，協助婦女提升個人能力。
-> 顯然十年前ge金融風暴證明左一味叫人提升自己最後只係製造左資歷通賬
(06)增加撥款支援「活化歷史建築伙伴計劃」。
-> 其實我覺得一直以原有用途繼續使用係好過將法院變做藝術學院又或者將警署變酒店
(07)推行綠化都市計劃，改善環境。
-> 又係咪為左湊字數而寫呢?
(08)增撥資源，推廣體育文化藝術。
-> 同"支持創意產業"同理
(09)提高煙稅保障市民健康。
-> 非常支持 仲好應該一早就咁做
(10)擴展「鄰里支援幼兒照顧計劃」。
(11)加強「左鄰右里」計劃，成立長者學苑發展基金。
(12)建立長者專門網站。
-> 繼醫療券之後 政府又一次展示佢想令老人家都成為網民ge一片苦心
(13)撥款1,900萬元，為殘疾人士增加156個住宿服務，30個日間訓練/職業康復服務及54個學前兒童康復服務名額。
(14)額外撥款770萬元，添購及更換復康巴士。
(15)增撥2,500萬元經常撥款，加強對家庭暴力受害人及有需要家庭的支援。
(16)加強樓宇維修，推出強制驗樓驗窗新法例，落實小型工程新規管制度。
-> 希望唔會成為又一個擾民政策

以上解讀如有過激之處
請大家見諒

[ 本帖最後由 kychung 於 2009-2-27 19:10 編輯 ]