小西灣鐵路站？！你地聽過未？

原帖由 dogdog 於 2009-8-23 12:29 AM 發表

我就唔太認同

有西鐵馬鐵之前, 果度DE居民夠係慣咗用巴士/小巴出入, 但係點解都咁想有鐵路?

咁多年我係小西灣個頭都冇聽過住小西灣既居民需要鐵路
講真..
就算港鐵肯起..
由小西灣去灣仔,金鐘,中環同788,789都打成平手什至更快啦...

[ 本帖最後由 LP1200 於 2009-8-23 17:32 編輯 ]

Facebook上有一群組名為《港鐵 小西灣站...支持!》，會員人數逾千，可惜多年來有關方面都無實際計畫。

原帖由 3bx 於 2009-8-23 01:24 發表


現時由小西灣去太古坊至筲箕灣搭巴士好慢，但搭小巴轉港鐵快些但就好貴。
如果有一程地鐵小西灣開，部份巴士線客量會下跌。

我諗MTR入左小西灣後，巴士客量跌得較大既會係82、85同106，85就起碼少左班杏花村客先，其他就可以參考82；106就筲箕灣到北角同港鐵平排咁滯；82就可能變得只做流水客(雖然而家都係有一定比例既流水客：小西灣往來柴斜、筲箕灣、西灣河、魚涌；電車路流水；柴灣去電車路沿線)，客量模式會變左小西灣去柴斜、柴灣區內線、電車路流水)。

[ 本帖最後由 AVW28 於 2009-8-23 21:53 編輯 ]

現時788 同 789 去金鐘同中環只係 $6.2
相反港鐵如果起小西灣站,
車費結構相信同柴灣站睇齊, 要 $6.6
而車程又大致相同
對小西灣居民其實吸引力不大

區議會的人口統計證明左小西灣人口較多,
但係無諗到西區同小西灣乘客的需求係唔同架

一有鐵路，巴士就一定減班，
而家d 7系特快車一定難逃一劫…
到時交通會係改善還是倒退？

原帖由 brian 於 2009-8-23 22:26 發表
一有鐵路，巴士就一定減班，
而家d 7系特快車一定難逃一劫…
到時交通會係改善還是倒退？

若鐵路與巴士線重疊，巴士客量有減少，繼而減班，
其實係好正常的事情，情況如當然海底隧道通車，
渡輪客量下跌。

多一種交通對一個社區當然是改善交通，大家
經常講7系特快線有幾快，但遇上路面突發事故塞車時，
係東廊想落車都唔得，有時都會幾無奈。
如康城只有港鐵，但港鐵有事故，乘客無選擇亦都唔係好事。

多謝各站友踴躍的回應，其實樓主提出「小西灣鐵路站」的 topic 並不代表它是優先的鐵路項目，只是令你們知道原來港島綫的延長不但只包括你們聽得多（並且已開始動工）的西港島綫，也包括向東伸延而較少人聽過的小西灣支綫。本人估計之前聽過小西灣鐵路站的，應大多是柴灣小西灣居民靠地區報章而得悉的。

講真，雖然小西灣理論上有足夠人口來支持一個 MTR 站，樓主覺得有很多鐵路項目是 urgent 過小西灣支綫。因為以返工時間的 traffic flow 來講，小西灣已經是最上游（最天涯海方）的地方。例如由華富往中環要途經西環，由慈雲山往尖沙咀可途經土瓜灣，但由哪一個地方出市中心要途經小西灣呢？答案根本是冇！所以小西灣的車流全部都是以小西灣為起點或終點，並冇來自其它地區的 traffic 來加重小西灣的車流，鑑於小西灣的馬路已能應付繁時交通需求，所以小弟也認為小西灣鐵路站並無迫切的需要。即是話以現時來講，以下方案應足夠 serve 到 purpose：

原帖由 張偉沖 於 2009-8-23 02:49 發表

或者可仿效荃灣區的95K 咁,
搭西鐵到荃灣西轉乘95K 可獲免費轉乘.

那麼,
新增港鐵同綠小47M 免費轉乘,
搭港鐵到柴灣站轉47M 唔駛錢.
以95K 成功的例子來睇,
47M 一樣可以.

呢個零成本的方案係好過任何一個方案.

小弟也留意到有站友提出新記 84M 免費轉乘 MTR，但恐怕新記的財政狀況很難支持這種優惠。頂多就於小西灣引入港鐵巴士往返杏花邨站來取代 84M，令小西灣居民如果用杏花邨站出入就可以免費接駁港鐵巴士。

真正有迫切性的鐵路項目主要有以下兩種：

• 第一種就是廣泛地擴大 MTR 的市區服務範圍來增廣客源，同時解決一些市區地帶因未有鐵路覆蓋而造成的道路擠塞。西港島綫、沙中綫（大圍至紅磡段）、黃埔延綫、和南港島綫（東段）就屬於此類。而南港島綫（西段）因乘客較分散，比較似 feeder 的角式，所以筆者對它的迫切性有點保留。
• 第二種雖然不會明顯擴大 MTR 的服務範圍，不過都是同樣重要／迫切的，因為它們是用來疏導現時道路和鐵路的最樽頸地帶（例如紅隧口的巴士站、早上的港島綫北角→灣仔段、同埋羅湖站等），同時也令以上第一種鐵路綫過車後 MTR 系統能把額外的乘客分流，以避免額外客源令現有樽頸位迫上加迫。沙中綫（紅磡至金鐘段）、北港島綫及北環綫就屬於此類。

以上可以看到，有些鐵路綫已有o左建造時間表，先後會於 2013 -19 年通車。不過也有些迫切的項目如北港島綫仍未出建造時間表，現時 MTR 應盡快公佈北港島綫的計劃和建造時間表。

鑑於香港的空氣污染問題嚴重，小弟也支持香港以鐵路為骨幹的公交系統，而鐵路站除了帶來交通方便之外，鐵路站附近的物業升值潛力也會較強。所以小西灣站應遲早都會興建，只不過會可放在「長遠的鐵路發展項目」當中，這些項目包括：

• 西鐵綫（未來的東西綫）由屯門延長至機場及東涌；
• 第五條過海鐵路綫：觀塘綫由黃埔再伸延至炮台山天后。不過黃埔站的地下情況只能容納單軌及單邊月台（而不是島式月台兩邊都有軌），所以該站於 2011-15 年動工時就要興建上下隧道及月台 (stacked tunnels and platforms) 來預留將來由黃埔站過海的可能；
• 小西灣站（根據站友的主流意見應是由杏花邨分叉的方案會較可行）；
• 東涌綫延長至逸東；又或者…
• 觀塘半山輕鐵系統：彩虹、彩雲、四順、秀茂坪、德田、廣田、油塘；甚至…
• 大埔輕鐵系統：大埔墟、廣福、大埔中心、富亨、工業邨。

因這主題是講小西灣站為主，為免有些帖子過分離題，若閣下想詳細地建議或評論其它「長遠鐵路發展項目」（e.g. 第五條過海鐵路綫、觀塘半山輕鐵系統 etc.）的話，請你們開一個新主題，謝謝！

原帖由 3bx 於 2009-8-24 01:02 發表


若鐵路與巴士線重疊，巴士客量有減少，繼而減班，
其實係好正常的事情，情況如當然海底隧道通車，
渡輪客量下跌。

多一種交通對一個社區當然是改善交通，大家
經常講7系特快線有幾快，但遇上路面突發事故塞車時，
係東廊想落車都 ...

呢個係公路特快線一定會面對的問題,
唔單單係小西灣而已.
乘客早繁搭巴士預早時間上車基本上係一個常識,
如果唔想冒險, 早就搭小巴轉鐵路.
以此作理由根本唔充份.
當然, 突發的事情根本無得講,
唔好忘記鐵路都會有故障的一日.

當然, 選擇都係算係一個理由,
但問題又來, 如果此理由成立的話,
葵涌邨入晒伙有成四萬幾人, 區內有89 系小巴到葵興站, 葵涌邨一樣無一個獨立鐵路站.
東北葵(石籬, 石蔭, 梨木樹) 的人口加埋更多於一個小西灣,
出入鐵路站只係靠31M,235M 等線或紅綠小,
亦唔見得有問題.

小西灣出柴灣站只需要十分鐘,
出杏花邨站約需五分鐘,
其實呢個時間已經係非常合理,
比起其他地方已經好好多.

[ 本帖最後由 張偉沖 於 2009-8-24 13:47 編輯 ]

其實小西灣係一個長遠既時間都唔需要鐵路
如果真係杏花村cut入去同港島線玩1+1
港島線要開密d..柴灣人實同你嘈
加上港鐵講明,cut入去成本高,起得黎同巴士競爭差唔多
就算要起我覺得等到藍灣要88個陣研究將條將軍澳線康城段過唔過得海去小西灣再從地底接駁去柴灣站....
到個陣或者將軍澳線可以係地底,港島線係返原來位置..
純粹一個大膽預測...

原帖由 張偉沖 於 2009-8-24 13:44 發表


當然, 選擇都係算係一個理由,
但問題又來, 如果此理由成立的話,
葵涌邨入晒伙有成四萬幾人, 區內有89 系小巴到葵興站, 葵涌邨一樣無一個獨立鐵路站.
東北葵(石籬, 石蔭, 梨木樹) 的人口加埋更多於一個小西灣,
出入鐵路站只係靠31M,235M 等線或紅綠小,
亦唔見得有問題.

小西灣出柴灣站只需要十分鐘,
出杏花邨站約需五分鐘,
其實呢個時間已經係非常合理,
比起其他地方已經好好多.

咁其實拎東北葵黎比較會稍欠說服力，

因為石籬好早落成（60年代），所以一早就有往九龍的交通（16B），

時至今日演變成4條路線往深水埗，

都是收取九龍區內線貴一至兩元的價格（歷史問題），

現時石籬出荔枝角（不計等車）才10-15分鐘左右，也算方便～


不過若東北葵他日有鐵路車站落成，我也不會驚訝，

葵涌往城隧主要道路途經東北葵外圍，

青山公路荃灣及葵涌段（其中一段近石籬）至今仍是主要幹道，

葵涌惟一一棟酒店位於東北葵近石籬（雍澄軒），

上面城門水塘（旅遊區），下面和宜合道／葵興工廠區（上下班客源）


再看看小西灣，有以上那一點？

沒有主要道路途經，沒有酒店及旅遊區，

只有上下班客源，也不能像巴士那樣做鐵路車站接駁，

非繁時是要學康城站那個模式嗎？