[新聞]大學畢業生身價勁跌

原帖由 E60 於 2009-9-20 11:55 發表

讀得劍橋有一定成績的話應該未畢業已經有人請o左

咁又係，但係finance個field（點解我講finance？因為我身邊大部份讀外國名牌大學的朋友，都係想入呢個field）又的確好重視internship experience，請人更加係通常由intern pool入面搵，所以果次聽UPenn個朋友講，美國東北岸堆ivy kids一個二個都為左份summer internship鬥個你死我活。

咁當然我唔知道呢位Cambridge的小朋友有冇呢d實戰經驗，果三年間做過d咩，如果無野可以俾到人睇，咁個結果係自己自招。畢竟，名校只是康莊大道和成功的起步點而已，唔代表將來會成功，只代表機會比人多。

P.S. 話時話，我都有個同屆中學同學會考4A，過英國讀A-level，之後順利入到Cambridge數學系，應該來年grad。

原帖由 cong 於 2009-9-20 12:06 發表

咁都好過沙士果陣得五六千蚊啦.......我就係沙士果年畢業, 果陣邊有依家咁嘈架, 都唔明點解只係事隔幾年, 依家班畢業生反應咁大,成日都話要政府幫, 咁香港同共產化有咩分別, 但佢地又唔 buy 呢套喎........ ...

咁我又覺得社會應該要reward肯付出的人，給予一個合理的工資，足夠應付生活所需。

不過，話時話，我又覺得呢班大學生好多好抵死，自己唔識得主動shape up自己，甚至上堂竟然要rely on教授的lecture notes同powerpoint，唔識自己抄notes，功課多又嘈喧巴閉，可見做事極缺乏主動性，明顯係被寵壞的一群。

諗返我上個sem響美國，邊度有咁既學生？上堂無精美lecture notes同powerpoint，教授話知你死，教書速度是香港的兩倍，學生要自己抄notes、上堂聽書、課後主動去圖書館搵reading materials，功課再多都唔會complain。就係要咁既環境先訓練出一班有質素、有超卓能力的大學生。香港學生，學下野啦！

原帖由 3ASV196 於 2009-9-15 16:14 發表

直言, 好快, 我自己都會加入研究生行列, 我都會擔心幾年後, 搵工又會唔會有問題呢?
但我認為, 再讀上去, 我目的並唔係為左更加高人工, 而是為左自己學識/智識上的增長,
如果讀多d學識/智識, 只要求更高的人工, 我想又未免太過金錢化...

當然, 我同意社會係應該要reward肯付出的人

咁我又唔係話你唔岩，其實咁先係一個理想的態度，只可惜大部分人（包括唔少家長）都唔係咁諗。

我而家都忙於school search（雖然今年美國經濟咁差，某d州份又狂cut funding，cut到離晒大譜，收生情況都唔係咁樂觀），希望三月份果陣有好消息啦。講真，如果我係咁睇重$$$的話，我當年都唔會揀呢個field，而家都唔會諗住報grad school。

原帖由 S3BL100 於 2009-9-20 12:15 發表


咁我又覺得社會應該要reward肯付出的人，給予一個合理的工資，足夠應付生活所需。

不過，話時話，我又覺得呢班大學生好多好抵死，自己唔識得主動shape up自己，甚至上堂竟然要rely on教授的lecture notes同powerpoint，唔識自己 ...

認同，我最初上大學時就係太rely on text book同notes，而且上堂阿sir寫的notes大多來自text book，日間要返工得好少時間搵書，最終炒埋，現在成日都後悔點解當時讀唔好，依家搵o左個RMIT係香港開的學位讀住先，日間係Housing撈CTA，睇下借呢個職位去考公務員的機會大唔大

原帖由 S3BL100 於 2009-9-20 12:02 發表


對PhD黎講，呢樣野響香港的學術界已經發生緊，independent of經濟情況

例如我個dept早兩年有兩個assistant prof入職（其實佢係用external funding請，因為當時有人拎左份fellowship放sabbatical leave放假），
本身個qua ...

你叫到咁我又講下啦～

首先，我已經程序上MPhil畢業，defense pass，論文final version交了，教授畀錢畀埋九月，
以我的能力及往績，係可以留在lab做RA的，但我已經決定十月開始唔會返lab。
七月開始搵工，但因為lab裡還有手尾要跟（執好data之類），自己又想去旅行，暫時都未係好積極。
現時有漁護署的自然護理主任（非公務員）將會interview。

我個Department呢......今年有翻天覆地的改動，幾個programme合埋做Life Sciences，
旗下再加多個新的Cell and Molecular Biology (CMB)，
第一年200幾人一齊上general courses，CMB係出年先開始收Year 2學生，
但課程都未準備好，就已經有傳聞話開科的教授（包括我的supervisor）過份樂觀，
估計有40人讀，實情填意願只有10個左右。

上兩段好似互不相干，其實都有一個共通點，就係有時大學為了拿多點funding，
有意無意把課程／研究做得好專門好高深，以高深來「拋」審批者，對方唔識就會乜都畀晒你；
如果學生選了這個field，將來分分鐘係冇人知你做過乜，話之你MPhil定PhD，在別人眼中都係高分低能。
精明的學生，如果早知自己只係想用個qualification去搵工，係會揀general的field；
揀得specific field的，真係要諗清諗楚，自己係咪真係有興趣同有能力，同埋可唔可以適應曲高和寡的寂寞。

我自己就係唔想在象牙塔裡困死，所以拿到我expect的qualification之後就鐵了心一定要走。
我都曾經掙扎過，係為錢而做丫，定係照原定計劃讀完MPhil就算，
最大的領悟來自我地lab一個PhD，現已在芝加哥做PostDoc的他同我講，「你無理由做一世RA架」。
之後我先醒覺，由小學揀中學、中三揀理科、中六揀BIO、揀CUBIO、入到BIO之後揀course，
甚至喜歡甚麼歌星，從來都是隨心所欲的，每一次的決定都沒有令我後悔，
因此，我今天決定出去搵工，我都會抱著這個心態，出擊次數少，但我揀得的都一定係好嘢。

我唔喜歡問人幾錢人工的，以我的所知大約估計：
Junior RA (BSc): $12xxx
MPhil/PhD studentship: $12800
RA: $16xxx
PostDoc: $20xxx

CUHK BSc (BIO) Graduates就業情況：
2007 Grad：身邊朋友唔太差的都係$13000以上（包含入職後加人工）
2008 Grad：有些近幾個月才剛剛搵到工
2009 Grad：佢地搵緊以及搵到的係$8000-$10000

我自己的目標係定到同我同年而BSc程度的朋友一樣（而我係MPhil），>$13000，呢個係心中價，對外價就睇情況而作調整。

暫時危機感唔係太大，屋企同自己有積蓄，亦都唔係大花筒，幾個月無收入都尚可，當然不排除真係搵唔到時唯有降價。
不是我大口氣，而是如果BSc係$10000，MPhil又係$10000，那這兩年的MPhil為什麼在這個世界上存在？
晦氣說話：如果以我的quality（不是qualification）而我又努力去搵，都搵唔到一份decent的工作，香港的失業率應該係25%。

別人笑我太瘋癲，我笑他人看不穿。

[ 本帖最後由 DIH 於 2009-9-20 12:56 編輯 ]

原帖由 S3BL100 於 2009-9-20 11:53 發表


返香港搵工無問題（我本身都識人讀UPenn的Wharton，都因為family ties同sentiment諗住返香港搵），但係劍橋出黎
除非呢個人入面「頹讀」同成績差，否則本身已經高人一等，同香港的大學生不可同日而語，無必要咁作賤自己。 ...

點樣係"作賤自己"呀？仲未係幾明。

名校只係提升個人身價因素之一，學位本身先係真正嘅學歷(就算你去Oxford讀個PPE返來，無人會請你做醫生)，更重要係實質正作能力同態度。

原帖由 DIH 於 2009-9-20 12:52 發表

我自己就係唔想在象牙塔裡困死，所以拿到我expect的qualification之後就鐵了心一定要走。
我都曾經掙扎過，係為錢而做丫，定係照原定計劃讀完MPhil就算，
最大的領悟來自我地lab一個PhD，現已在芝加哥做PostDoc的他同我講，「你無理由做一世RA架」。

RA當然唔可以諗住做成世啦！

RA人工低當然係問題，但更大問題係，RA本身只係二打六research asisstant，
好多時只係幫PI做technical stuff，連intellectual collaborator都稱唔上，唔使旨意出paper，
咁既position對於學術界有雄心壯志的人，完全係諗都唔可以諗。

咁我又好奇怪點解香港會有咁多呢類full-time RA positions。如果係美國，一般RA都係undergrad/junior grad students，
都係part-time basis，目的志在培養本科生對研究的興趣，以及訓練學生進行研究的技巧和能力，特別係grad students，
好多時都會晌唔同的research group之間rotate，直到搵到自己真正興趣先settle down。就以我exchange期間做summer intern的
實驗室（是一間materials science lab，個PI晌個field都幾有名氣）為例，成個lab有20-30人，基本上全部都係grad student同postdoc，
無所謂RA，因為根本無需要；本科生intern計埋我就有五、六個。

咁果陣我做過咩呢？係有個postdoc走去supervise我，up to mutual interest的條件下propose左一個project，從中多方面訓練
不同的實驗技巧，最後結果當然同work plan有好大距離，但係就學到唔少野。咁講真，美國唔少學校都好興undergrad走去
research lab度學野，係香港先咁奇怪，淨係final year project/senior thesis先有呢種機會，二打六工作就要另外請人做。事實
上，無呢種experience，想有grad school取錄都唔容易。

postdoc同RA唔同，睇下你好唔好彩，有機會可以做到independent contributor，你講果個U of Chicago的朋友，能夠香港讀PhD
之後走去名校做postdoc，絕對係異數。如果係香港做postdoc，好多都似乎係呼之則來，喚之則去，有幾大自由度就唔清楚喇。

講開又講，近年香港的大學突然興趣一種title係research assistant professor的position，好多成功登陸者，都以為自己好好彩，
搵到faculty position，之後先發覺原來呢種position唔係tenure track。說穿了，其實咪又係大學減少支出而生的怪胎，人工又唔
算太差（起薪點都有四萬幾），但係無資格做principal investigator，無自主收grad students，好多時都要跟住有PI資格的tenure
faculty member做，雖然係independent collaborator，但係就無完全的自由，亦好難升上tenure track。

我當初揀左academia呢條path，除左興趣之外，亦因為我好想有flexibility，唔想同人打工。而家我依然認為當初選擇正確，
identify到自己的research interests，亦會繼續報學校，我個dept入面的profs都係咁叫我試多幾間top schools。但係我都要再
諗下，萬一咁唔好彩，如果無學校收，咁我應該點？以香港個環境，同lack of diversity in research areas，我又唔係真係
咁想呢邊升MPhil，搵工又唔係好以好岩我，雖然萬一到時不幸言中，就唔係完全自己話事架啦……

始終呢個field，如果無determination、能力同興趣，就千祈唔好諗。

好啦，發完up瘋啦。

原帖由 ArnoldC 於 2009-9-20 22:44 發表

點樣係"作賤自己"呀？仲未係幾明。

名校只係提升個人身價因素之一，學位本身先係真正嘅學歷(就算你去Oxford讀個PPE返來，無人會請你做醫生)，更重要係實質正作能力同態度。 ...

其實我已經晌#21補充返。

但係閣下用PPE同醫生類比，我覺得唔係好恰當，因為個field唔同。但係無論如何，事實依然係，名校的學歷比較值錢，至少在事業的起步點比其他人有更多advantage（你諗下，Oxford的PPE同中大的政治與行政學系的學生相比，就算兩個都係GPA 4.0，credentials都差好遠），所以我先話果位Cambridge數學系的仁兄，點解唔把握自己個advantage，諗得高少少，做d人工咁低、香港唔少學生都可以做的工作。

原帖由 S3BL100 於 2009-9-20 22:51 發表


RA當然唔可以諗住做成世啦！

RA人工低當然係問題，但更大問題係，RA本身只係二打六research asisstant，
好多時只係幫PI做technical stuff，連intellectual collaborator都稱唔上，唔使旨意出paper，
咁既position對於學術 ...

香港的情況，或至少我個lab的情況，是類似一個辦公室，
除了「老世」外，有各種各樣可以出業績（paper）的「營業員」（MPhil、PhD、PostDoc），
亦有維持個「辦公室」基本運作的「秘書、庶務組」，就係所謂RA喇。

我知道一個健康的實驗室，應該係由graduates自己負責自己的chemicals之類，
但個lab實在太多人，冇個「管家」的話，實七國咁亂。

我舊年去德國學習的lab，佢地係請了一個人負責開medium（培養基）及autoclave（高溫高壓蒸汽消毒），
至於order chemicals and enzymes則是由學生與supervisor溝通後自己搞掂。
我個lab就掉轉，開medium同autoclave係各人自己做（又因為有好多種實驗，要各自調校），
ordering and materials control則是由RA負責，工作係trivial，但「管家」放假一天都可以亂晒大龍。

我眼見的RA（包括其他lab），年齡由廿到尾或三十幾歲，幾乎全部係女性，
我指出係女性係因為佢地無需揹起頭家，所以一份糧可以食到有人炒為止。
以fresh grad而言份人工算幾有吸引力，但過多幾年，身邊朋友開始係>$2000，你仍然$16xxx，
付出的時間心力不比普通大公司的員工少，畀著係一個需要照顧家庭的男性，呢份係冇前途的工作。

CUBIO都有三個RAP......話就話在美國做過幾年，research我唔知，
但至少有其中一人，其presentation skills真是不敢恭維，我覺得佢似一個剛由大陸來香港的PhD。

簡單而言，這些RA係當真係打份工咁做，其心態同做文員冇分別。
而我聽聞外國，或香港其他大學的lab，professor可以隨時走人而由得班人自生自滅，
但中大BIO的風氣不是這樣，我都眼見至少兩位教授一做就做到退休，
有這麼一個穩定的環境，他們所領導的系統當然都係穩定壓倒一切。