[九巴服務日日進步系列] 28分鐘一班車

原帖由 238X 於 2009-10-6 23:34 發表
好似之前話齋，如果 14# 樓所言屬實九巴就唔抵幫。 ...

閒日都照收比人睇啦...
成8個字都冇車咪又係咁
趕客搭小巴趕到出晒面

原帖由 EE9255 於 2009-10-6 21:43 發表
其實我好唔明白點解 25 分鐘會好過 16-22 分?


如果係熟客,搭開就知幾點有車到.
生客都唔一定響站頭等車,更何況絕大部份人唔會楂住計算機計住幾點有車開,
都係照企響度等架啦.

再者 16 分一班同 25 分一班差好 ...

班次都唔知道
生客就比較難變熟客
除非真係好有心就時間去試搭
去就時間先知道係幾點有車

做生意舊客點都會搬屋轉工退休有流失
結果咪越做越少客 越做越頹囉

呢個世代，見到咁既班次，
一早拍拍屁股去搭小巴火車啦，邊個仲咁得閒同你等？

原帖由 238X 於 2009-10-6 23:09 發表


咁即係惡性循環啦。
我又唔明點解工會或者市民從來都無公開過呢個問題？

如果真係咁樣，咁就更加大理由要九巴交出 (部份路線)
專營權，因為呢個就同之前某 D 站友口中所講既員工怠工
毫無關係，只要有公司出到合理、有競 ...

九龍公司自從由地產商收歸旗下，已經有若干廠房地皮經已重建發展成住宅/商廈，及政府要致力發展鐵路，巴士已成為夕陽工業。自從2004年之後，九龍公司所聘用的新員工，不論職級，均已沒有"年終雙薪"，公司內部員工出現重大分歧。講現時最新請的車長，底薪約有7300元，出糧時計晒其他津貼，如有11000元已算是做得非常辛苦;再比較，最初的月薪車長，現在底薪普遍8千5蚊左右，出糧最少都一定過12000;日薪車長(加五車)，出糧最少都有萬七銀。

原帖由 238X 於 2009-10-6 23:09 發表


咁即係惡性循環啦。
我又唔明點解工會或者市民從來都無公開過呢個問題？

如果真係咁樣，咁就更加大理由要九巴交出 (部份路線)
專營權，因為呢個就同之前某 D 站友口中所講既員工怠工
毫無關係，只要有公司出到合理、有競 ...

有時唔係交俾其他公司做就叫改善服務

港島區已經有好多實證例子,巴士服務今時今日唔再係
以前風光時期,可以出高人工請車長,買新車去搶客,而家
有客既線都要cut車,更何況係無人搭既線

當大家成日數九巴有幾多條over 25分鐘既線時,不如諗
下如何令路線營運更有效率

巴士幾時開少一架就蝕少一架錢, 唔會因為開多班車就多一車客出黎.
講營運效率, 一定會繼續 cut 車.

我諗 "收車" 呢個已經係一個根深蒂固o既問題,
車費收入有限, 開資有限, 請車長出o既錢有限,
而家長期都唔夠人開, 我諗九巴每日應該都有過半數路線有收車.
而且就算夠人, 都會唔夠車開, 跟本唔夠車行.
兩三年間九巴開車數目真係相差好遠 .. 兩三年前真係唔係點收車 ..

就算對面海公司都開唔足車啦, D 人話新城巴幾唔夠車用, 又話 D 班次準,
我諗就欠資源又開足車應該唔可能喇, 只係新/城巴路線密集, 會有多 D 替代路線姐.
而且對面海公司請車長雖然人工高少少, 不過又難做過九巴,
路面情況差, 記o既野更加多, 福利無咁好, 其實情況應該相差不大.

交比其他公司做, 我相信情況會更壞.
每間公司都有行政開支, 管愈多路線相對開支就會攤薄,
十條路線比十間公司做, 擺站牌都要分十次擺啦.
交比其他公司做唔等於一定會請得到司機, 能維持甚至超過九巴的服務質素.
要明白收車的原因, 除非交比一間公司係慈善機構,
高薪挖角請晒 D 司機, 如果唔係好難避免收車問題.
或者咁講, $10000 同 $11000 o既分別唔大, 加少少對求職者黎講吸引力真係好有限,
但如果巴士公司出多 $1000 黎請每一位車長, 巴士公司開支都會龐大得多.
點樣去平衡亦都係一個問題, 我諗唔係部份巴士迷諗得咁簡單,
下下有問題就掟比其他公司就等於搞掂晒

[ 本帖最後由 EE9255 於 2009-10-7 13:55 編輯 ]

原帖由 EE9255 於 2009-10-7 13:54 發表
巴士幾時開少一架就蝕少一架錢, 唔會因為開多班車就多一車客出黎.
講營運效率, 一定會繼續 cut 車.

我諗 "收車" 呢個已經係一個根深蒂固o既問題,
車費收入有限, 開資有限, 請車長出o既錢有限,
而家長期都唔夠人開,  ...

唔反對九巴資源不足
但係荃灣區個市場做到咁樣
佢應該負好大既責任

你話51 30 32B依D線本身唔多客做唔好我唔都算
有乜理由30X 33A 38 40等等一大堆明明有大客量既線
流失大量客甚至愈做愈差?
荃灣區幾條車海紅小線中
唔少都同九巴有路線重疊既情況

用埋樓主講既32做例丫
九巴你可以開28分鐘一班
紅小係旺角去石圍角同象山既紅小可以3分鐘就一架

唔係話佢開得密先叫做做得好
只係成個山有31B 32 35A 36A 36B咁多條線以相近起/終點服務乘客
有冇諗過只要認真重組一下
每條線既服務都可以提升?

荃灣以至成個香港都會不斷變化
係唔係開左線就唔再理直至條線CUT得?
荃灣南起左咁多屏風九巴做過D乜?
係唔係條條線都要行同一條路同一走線?
美孚去到尖沙咀點解有咁多線行晒全程?
好似35A依D線旺角都企滿直踩石梨啦
點解仲要行晒全段路停晒所有站?

有D服務係要慢慢先吸引番D客的
早年59A往屯門方向對荃灣客冇乜吸引力
但持續有唔疏仲穩定既班次
夜晚一大段時間每班都上到廿個客以上

守業成果既例子 對面海應該更多

多言了...

要改就要改一改個制度
效率方面好明顯係跳飛機好 D 既..但依家要全面去改就絕對有難度

灰心唔係一個亂咁黎.....以不變去應付佢既新增龐大客量既藉口囉

荃葵青我只可以講係小巴太多
巴士越開越疏..亦都突顯左九巴根本無心戀戰

43 34 ...一個新區都有 五條綠小線落荃灣
313 加完一部又一部... 6 分鐘一班越開越多
你睇下 34 ? 除左早上個時間係因為果百幾人既人龍稍為開密左..
但係依家已經比上年開得越來越疏...
其他時間開埋 D 16 ~ 17 既班次...仲要甩班....

33A 仲過份 .... 朗豪坊紅小夜晚去新區差唔多 1 分鐘 1 班....
但係隔一條街既 33A 呢 ? 企硬 20 ..
我自已講出黎都覺得九巴好醜囉.... 繁時可以 20 分鐘一班...去應付呢 14 幢野.
如果當年 4 年前九巴唔係開 20 .... 開 7 分鐘一班/....點會走得咁快咁少人搭..

象山石圍角仲過癮...81M 82M 紅小
長期霸左個站頭....但係想等部九巴呢........分分鐘要等八至十部呢 D 小巴先有一部

[ 本帖最後由 JU2541 於 2009-10-8 11:21 編輯 ]

原帖由 petcity 於 2009-10-7 23:58 發表
提到重組路線，有時公司想重組
但地方組織為左自己地頭利益，唔開綠燈
巴士公司想搞都唔係易事，最經典例子
41變41X，因為九龍城區議會話少左車
去西九龍(但本身仲有45，兼且客量唔多)
結果，大家有眼見

都係個句，唔止九巴，做巴士 ...

新巴城巴想改寶馬山線CUT車
自然年年都提出縮骨方案
如果九巴咁想改41X
咁有幾多次提出過唔同既方案呢?!