九巴 92 調整班次 (已補回豬紙及通告)

原帖由 kks 於 2010-8-27 19:27 發表
而家佢仲要整 D 15-17，16-18出黎
我諗我日後除非時間好鬆動，如果唔係都係搭小巴喇...
講真，我寧願佢 20 分鐘一班都好過 D 咩野 15-17, 16-18 囉....

若果係普通市民既
見小巴/巴士就已經會上
明明15-17,16-18密過20既
點解寧願疏D都唔要密D?
若果係為左轉乘既
同樣地
你知道佢幾點有車都係冇咩用
只要有車到就已經得...
你齊頭定浮動都照係會等...

原帖由 2157 於 2010-8-27 12:53 發表
又係一條九記自毀的路線，由當年仍在彩虹做總站的熱狗全盛時代繁時做到6-10分一班，那時沒van仔嗎?到今天的境況，下一批單層佢同95M都應該有份LU!

其實當年臨屋區清拆係一大致命傷
92客量大減,而且小巴唔洗等咁耐同埋快過92好多
再加上92長期脫班問題更加令人揀小巴而唔揀巴士

原帖由 Snoopy@FB8617 於 2010-8-27 23:19 發表
若果係普通市民既
見小巴/巴士就已經會上
明明15-17,16-18密過20既
點解寧願疏D都唔要密D?
若果係為左轉乘既
同樣地
你知道佢幾點有車都係冇咩用
只要有車到就已經得...
你齊頭定浮動都照係會等... ...

如果覺得 20 分鐘載少左客，九巴大可以列出15-17分鐘時段內所有實際班次開車時間供乘客參考。反正一個鐘都係得三四班，唔見得會用多左豬紙好多位。

齊頭班次同唔齊頭班次既分別，就係生客可以知道大約幾時會有車到。
當然你可能會話搭慣左就會知時間，但生客搭車頭幾次既印象會影響佢地往後是否繼續選乘該路線既意欲。
如果企o係街度十幾分鐘都唔知幾時有車到，其實都感覺唔好。

無錯，你可以話 D 人一樣要等車，一樣要上車，
但如果能夠話比人知幾時有車到，乘客一定有較佳預算，等車都冇咁忟。

當然，以九巴經營 92 線既態度，有可能九巴真係唔想有新客源，只想盡量搵機會開少幾班蝕少幾班，反正頂閘都唔會點賺。


「都照係會等」對，是事實，但這也不等於不可以從乘客角度考慮一下吧?
難道因為都係會照等，鐵路公司大灑金錢在車站月台顯示下幾班車幾時到達的資訊屏就是不必？
有時企業既行為人性化一點，對乘客，以至公司形象是有正面影響的，
尤其而家受多方面正面競爭，要生存，企業就唔能夠坐低擺款「你點都要搭我，我點做都得」既姿態。

原帖由 kks 於 2010-8-27 23:53 發表

如果覺得 20 分鐘載少左客，九巴大可以列出15-17分鐘時段內所有實際班次開車時間供乘客參考。反正一個鐘都係得三四班，唔見得會用多左豬紙好多位。

齊頭班次同唔齊頭班次既分別，就係生客可以知道大約幾時會有車到。
當 ...

我係生客既知道20分鐘後有車到既感覺反而會好過大約15,6,7分鐘後就有車到?

究竟16-17同16/17既班次有咩唔同呢?
唔通有16.5既班次?

原帖由 Snoopy@FB8617 於 2010-8-27 23:58 發表
我係生客既知道20分鐘後有車到既感覺反而會好過大約15,6,7分鐘後就有車到?

所以我話，如果真係覺得 20 分鐘唔可行，九巴大可以列出 15-17, 16-18 呢 D 時段所有班次既實際開車時間，我諗幾多分鐘都好，生客知道幾時幾分有車開感覺會最好。
換豬紙時一次過寫晒詳細班次上去，都係用番果張豬紙，並不會增加成本，班次實際既開車時間也不見得有甚麼需要去保密。

原帖由 KC7960 於 2010-8-27 23:50 發表


其實當年臨屋區清拆係一大致命傷
92客量大減,而且小巴唔洗等咁耐同埋快過92好多
再加上92長期脫班問題更加令人揀小巴而唔揀巴士

講起上黎， 92 脫班既問題其實都好難解決...

一出西貢總站隨時已經要塞迴旋處（假日更加嚴重）
之後繁忙時間西貢公路埋完站好多時都要等無車先出得到去
於是，愈塞得耐，就儲得更多客，就愈多中途站要停，停中途站既時間更長
加上 92 本身要上好多斜，各車款性能有異（而且停中途站愈多，架車就愈多人，上斜又愈慢）
雖然本身 92 既車程唔長，
但自己真係試過無數次於司機無碌車既情況下，
於15分鐘一班既時段，
由西貢去到彩雲就比後車追到.....

但你又可以咁睇，
有轉乘起碼可以保證個客會搭九巴去到目的地，
如果無轉乘的話，
D人分分鐘已經小巴+港鐵了，
到時連果少少都賺唔到。

原帖由 JX9097 於 2010-8-27 09:54 PM 發表


以前小弟返中學年代
都會搭3M轉91M./92返順利DSQ
印象中92絕不比91M疏(印象中仲密d)

p.s.不過當年仲坐緊EH4145...吾老矣...

以前92的確係比91M密架！
91M開緊8-15分鐘既時候，
92既班次已經開緊5-12分鐘了。
(以平日比較)

原帖由 dennislokawai 於 2010-8-28 00:52 發表
但你又可以咁睇，
有轉乘起碼可以保證個客會搭九巴去到目的地，
如果無轉乘的話，
D人分分鐘已經小巴+港鐵了，
到時連果少少都賺唔到。

的確如果冇左轉乘，而家 92 可能會更加少人搭
但巴士公司或可以因而名正言順削減班次得更疏，再降低營運成本，
情況就類似 51 咁「開少一架，蝕少一架」


曾經聽說 92 是九巴十大蝕錢線之一，如果唔係有班長期支持既半價客／轉乘客，可能 92 會好似 51 咁進一步被陰乾....


當然，從普通乘客角度去想，用 $2.1 入西貢，只要唔係趕時間，其實真係好爽，絕對係一件好事
不過換轉從營辦者角度想，就未必咁開心了
其實一些其他路線如 91M 都應該面對緊類似的營運困難，路線長，上斜多令機件損耗大，但好多人都淨係比個幾/兩個幾
有轉乘？做成車客都未必夠維皮。冇轉乘？平又唔係平小巴好多，但等車耐，停站多，結果D人去晒搭小巴，其實一樣死……

[ 本帖最後由 kks 於 2010-8-28 01:22 編輯 ]