大埔巴士計劃兩則

原帖由 dippy 於 2010-9-25 12:09 發表
可能係東隧傳左好耐話取消全日果條掛
(純綷估計)
不過九龍公司既Quota真係幾緊
奇怪點解佢會主動傾加班

據不少人的見證，隧巴307號在非繁忙時間的乘載率相比其他全日巴士線一點也不差勁，相信不可能取消全日服務。本人認為傳聞中要取消全日服務的東隧巴士線該為隧巴692號，692號在非繁忙時間的客量差勁且所服務之處均有鐵路到達，雖然也有其他客量欠佳的東隧巴士線，但該些巴士線均有途經鐵路不能到達之地區，不像692號般完全有其他替代品，相信692號比任何東隧巴士線更有條件取消全日服務，只保留繁忙時間服務。

原帖由 YC 於 2010-9-25 15:08 發表
據不少人的見證，隧巴307號在非繁忙時間的乘載率相比其他全日巴士線一點也不差勁，相信不可能取消全日服務。本人認為傳聞中要取消全日服務的東隧巴士線該為隧巴692號，692號在非繁忙時間的客量差勁且所服務之處均有鐵路到 ...

692最多人坐既時段唔係繁時, 而係入夜之後

大埔墟都算係 71K 其中一個重要服務範圍
大埔墟街市及綜合大樓就更加令 71K 食到不少買餸客
唔經大埔墟,咁叫佢地點由富亨/富善/廣褔往返大埔墟心臟地帶?
佢地好多都唔係後生仔後生女,
對佢地黎講,由運頭街落車行埋去已經唔易
大熱天時 / 落大雨時更甚
否則當年改雙邊總站之後,都唔駛重新再改經鄉事會街和南盛街返大埔火車站補鑊
估唔到過左咁多年,運輸署竟然借加班而舊事重提
如果成真,咁樣加班反而令 71K 乘客不便

另外,
同日另一段區議會會議錄音中,
亦提到大埔區公共巴士服務工作小組會研究增強大埔往馬鞍山之巴士服務
因為小巴已經供不應求,同埋太昂貴
個人覺得: 一早就要做啦
起碼上下午繁忙時間一定夠客

[ 本帖最後由 TP人 於 2010-9-25 18:41 編輯 ]

原帖由 KC3555 於 2010-9-25 00:40 發表
今日有時間聽下區議會會議，聽到大埔兩個比較重要的巴士事項：
1. 大埔區議會要求71K加密班次：運輸署建議以取消運頭塘邨至大埔墟一段服務作交換條件。
2. 大埔區議會要求307加密班次：指九巴及城巴未能達成加班共識，而會方譴 ...

71k咁搞,得,轉循環,唔洗煩...


再唔係好似我咁講,用74k果2部單層係非74k服務時間套71k d大車出黎番廠,

橫掂71k紅日d客量用asc都夠頂...同埋74k果2部單紅日多數搵asv/其他車代...合哂何尺

[ 本帖最後由 tkf_2005 於 2010-9-26 13:35 編輯 ]

原帖由 tkf_2005 於 2010-9-25 19:40 發表



71k咁搞,得,轉循環,唔洗煩...


再唔係好似我咁講,用74k果2部單層係非74k服務時間柯71k,

橫掂71k紅日d客量用asc都夠頂...同埋74k果2部單紅日多數搵asv/其他車代...合哂何尺 ...

74k依家兩部都係蛇車再加72柯打
如果要攝71k, 就要加工時
如果全日攝 就更加要改做早夜更車
資源雙倍使用 有暗湧

原帖由 imary 於 2010-9-25 21:39 發表


74k依家兩部都係蛇車再加72柯打
如果要攝71k, 就要加工時
如果全日攝 就更加要改做早夜更車
資源雙倍使用 有暗湧

駛乜咁煩, 74K 收車時段換車咪得囉

好囉！終於講大埔啦！！！~~~

作為大埔居民，巴士線是由小到大的重要交通，係點樣路wo 自然最清楚啦
1. 71K
71K 開線時以富善邨為據點，路線的設計以貫通在大埔新開發的路網為考慮：當時的南運路、運頭街而與傳統路網相銜接——鄉事會四坊外圍、原大埔大道行車橋（即廣福橋，改為寶鄉橋、大埔太和路）往太和，可惜，九鐵以本傷人，以免費K 巴攻入大埔兩個新邨，令71K 收入命脈受到致命傷，九巴不得不改組路線，成為太和至大埔墟（循環線），即便九巴放棄富善接駁火車服務，但大埔墟已儼然成為71K 一大重要據點

九巴放棄意在何呢？
2003 年初，當年沙士未爆發，九巴宣佈71K 結束多年來大埔最長循環線以穩定班次，改為雙總站並南行不再繞經南盛街、取消廣福道中電對開的車站（原72 1991 年以前大埔墟總站），改經運頭街時加停聖母無玷聖心堂附近車站，並加繞運頭塘邨
這個做法初期引起往大埔墟的乘客不滿，往運頭街的乘客因此要於下車後步行，失去乘巴士「點到點」的原意
九巴的目的，除了穩定班次外，也透過運頭塘總站此舉利誘區議會通過
其實，此舉更重要的目的，是希望令往那打素醫院的乘客可以在大埔火車站站內總站登車，以茲與香港仔小巴公司20A 線抗衡，但是，71K 繞經大埔墟，與小巴快上快落相比，71K 明顯只舉有離那打素山上之競爭力
而且，儘管到了沙士期間，全港巴士大減班時，我曾親身搭乘71K 火車站方向一次，理應門可羅雀的巴士，到了那打素風睬依然，在運頭街下車時，更出現當時難得一見之巴士上景象——排隊下車！當時香港百業蕭條，不要說平日大旺的新界X 線，東鐵列車座位也是隨便揀隨便坐（當然，揀張乾淨d 嘅櫈好d, 記得落車時去廁所洗手），這個站居然要排隊下車？！
未幾，未到年中，路線已改回與原有路線相若的情況，加經鄉事會四坊外圍
到底，大埔墟二站有甚麼需求呢？首先，四坊附近一帶，以前有舊臨時街市，而今日有大埔墟新街市（綜合大樓），加上富善街這個傳統墟市，71K 有師奶粉絲，而綜合大樓上面是各個不同設施：圖書館、體育館等，是區內居民必到的地方；加上四坊又是一個消費熱點，所以，71K 是沒有理由omit, 不經大埔墟這個路線之本，以南盛街為例，往廣福邨較遠，故上車的乘客不少是廣宏居民，而大埔墟兩站，往富亨富善亦不少，因為行路的時間與最長候車時間（僅以15 分鐘為例）加行走時間相若，也增加放棄走路的誘因。
大埔墟居民往那打素醫院，實有賴71K, 71K 提供低地台服務，較20A 方便，雖然20A 往醫院時經寶鄉街金行，但71K 來回程途經，20A 於最近的路線修訂中取消南盛街一段，一旦71K 不再經大埔墟，定必為墟市居民帶來不便，亦對大埔墟的活力開始構成影響。

這樣做就能與20A 平衡競爭？
誠然，醫院是71K 巴士線上現時的主要定位，九巴想要或運輸署要求九巴71K 取消大埔墟路段，實在只是將71K 「K 線化」，把其核心改為火車站的後備服務：往大埔區各屋苑未知道應搭任何路線的乘客請搭71K, 然而，在加車的同時鏟走大埔墟段，近乎要令71K 難劫不復，一方面，加車增加成本的同時，削去大埔墟段又未能為增加收入提供根據，或許，取消大埔墟一段有助減低時間成本，但是，路線本身的沿線乘客需要，根本不能被忽略。況且，即便運輸署的如此建議成功，路線設計不能不被考驗，九巴的如意算盤也響不起：運頭塘邨一段是否要巴士在出入火車站時加經呢？如果不加經，運頭塘居民必定受波及；如果加經，是否意味著九巴希望縮短火車站與醫院的行車時間，有關想法落空與失敗，並無法與新開辦的20X 競爭？（說到20X, 71A 也受到考驗）如果改以運頭塘為總站，71K 應否在現時火車站邨巴上落處設站，又，運頭塘站根本可否被理解為可以放巴士的總站呢？現時早上的晨特線，已經需要即捕即解解決站內擠迫，一旦71K 進駐，往各區上班的不同乘客已經為排隊而適應秩序欠妥善，但能否再加一群學生哥？而71K 這個被重新定義的角色，彷彿又回到邨到邨的意義。

71K　我支持加車，但取消墟市路段值得商榷

2. 307 暨過海服務
（待續）

原帖由 superbus 於 2010-9-25 21:51 發表
駛乜咁煩, 74K 收車時段換車咪得囉

九記一向無呢D車務安排, 否則606都跟下城記周日同74A/606/24換D單層慳隧道費