今日64K鐵路化？

原帖由 Snoopy@FB8617 於 2011-2-21 22:48 發表
唔會有人肯意等到條64P先上車掛....@@

如是者,不如先由熟悉64K既板友講解下客量既分佈
咁應該會更加好

其實另一邊有$10紅小...(上左12人要開車，未夠12人，最多於站頭上20分鐘客)

*有錯請插

原帖由 EH2674 於 2011-2-22 10:54 發表
其實另一邊有$10紅小...(上左12人要開車，未夠12人，最多於站頭上20分鐘客)

*有錯請插

應該話多數坐到滿先開車
即係16個

其實如果將元朗往返上村經西鐵站、錦上路的服務獨立分拆出來又是否可行？因為這批客源是整條路線中佔最多的，64K現時頻密的班次某程度上都是因為有這批客源支撐。而且，改動後由元朗、西鐵站往錦上路可直接用八仔付$5

如果另外再開條線連接八鄉至錦上路站只怕原有64K變成另一條77K，原本元朗/大埔往林村一帶的乘客會受影響

原帖由 cmkmichael 於 2011-2-21 15:42 發表


其實個慨念係:
元朗市來往錦上路沿途照舊給64k
林村來往元朗/大埔就坐"64p"

其實64k拖卡的癥結在錦上路的站好多都無巴士彎,要停就齊齊停,
去大埔方向學板友話齋,錦上路站已經對頭,咁不如skip左佢

而我認為把坐全 ...

基本上KSR個問題係 64K、54、77K是但一條線入村方向一到繁忙時間，就互相擋住對方
例如64K-->TP上40-50人，後面去上村的54 or 祥華的77K就算條龍有人等，都唔會即時開門上客，而係等第一部開左先會上客，於是乎就塞到無了期。我唔知係咪d 內部指引明文禁止咁做，不過我總係覺得長遠計個度要擺個白衫係度指揮d 車埋站同開走，先有望解決D車係KSR個邊塞死的問題。

原帖由 victor888 於 2011-2-22 22:14 發表

基本上KSR個問題係 64K、54、77K是但一條線入村方向一到繁忙時間，就互相擋住對方
例如64K-->TP上40-50人，後面去上村的54 or 祥華的77K就算條龍有人等，都唔會即時開門上客，而係等第一部開左先會上客，於是乎就塞到無了期。 ...

搬過去站坑玩一線一坑咪算囉，反正大把坑無用

原帖由 Wright---AVW16 於 2011-2-22 18:41 發表
其實如果將元朗往返上村經西鐵站、錦上路的服務獨立分拆出來又是否可行？因為這批客源是整條路線中佔最多的，64K現時頻密的班次某程度上都是因為有這批客源支撐。而且，改動後由元朗、西鐵站往錦上路可直接用八仔付$5 ...

不如直接改 54, 用不著開多條線

唔清楚版友當日情況係點，但講番平時脫班問題，其實好主要原因係行車時間不足
有繁時搭開64K既版友應該好清楚，行車時間係唔足夠，所以一早一晚繁忙時間都係嚴重過鐘，特別係夜晚6點打後元朗西開出班次，所以班次表寫到幾密都好，行車時間一日唔加，過鐘問題一樣持續。
另一個過鐘情況主要係64K沿線臨時工程，如果冇數錯的話，錦上路近日有最少兩處工程，林錦公路有近五處 (麻布尾，新塘，新村，鍾屋村，較寮下)，大埔公路兩處(近帝欣苑及康樂園)。未有工程之前，行車時間都未必足夠，何況而家? 好多時過鐘係因為前車不停停燈，以致客量積聚，後車因而追到。當然，實際環境變數更大，可能性唔盡錄，但想講既係，無哂呢類工程的確可以減少行車時間，亦有機會減少過鐘。
同時，車長碌車亦都係一個過鐘主因，至於點解有車長會碌車我唔清楚，但有部分車長的確因為行車時間本身不足而搏私牌。而有部分後車更加會響追到前車之後一齊碌車，我自己就試過因為咁樣，響非繁忙時間拖三卡

拆線對64K黎講可能係一條不歸之路，呢條線主要客源由元朗番錦上路又有，元朗/錦上路去林村, 大埔又有，錦上路去大埔有，而且唔同因應唔同時間情況又有分別，例如朝早繁時錦上路出大埔同大埔去元朗，錦上路出元朗都比較多客，中午就林村往返大埔同元朗往返錦上路較多，再因應平日假日，又有分別。而且，我自己大膽估計拆線後車隊數目唔會大幅增加 (增唔增加都成問題)，繁時改部分班次做特別車都仲可以(但詳情就唔寫咁多住)，但拆線真係唔搞好過搞

[ 本帖最後由 jd2522 於 2011-2-24 19:34 編輯 ]

原帖由 wilsonli321 於 2011-2-21 17:58 發表

我不太同意 64K 拖卡是因為錦上路冇巴士彎
64K 班次很密,大部份時段都是 6--9分鐘
總站開出不久後,無論是在元朗或大埔市內
停多兩盞燈,已經令後車個 GAP 得2-3分鐘
結果後車愈做愈少客,去到林錦 / 錦上路,後車就少 ...

冇巴士彎確不是直接令 64K 拖卡的主因
但冇巴士彎會令行車時間加長
出現不必要的過鐘情況
（而過鐘後要踢車或做其他調動，又會搞亂車務，最終其實都有機會增加拖卡，不過呢樣已經係好間接既影響）

不過冇巴士彎某程度上令 64K 加重過鐘的問題
如果去到林錦同錦上路可以有巴士彎令拖卡 64K 做到 AB 站停車
對減少過鐘也會有一定的好處

另外金車閂門慢確係一個問題
好多時錦上路唔少站雖然停得多，但每個站都係得一兩個人上落
停咁多站叮多咁多個「幾秒」真係唔拖卡都幾難
不過對此好似無咩解決方法
冇理由因為咁而要批車唔叮完就開得車
更加冇理由因為咁而換車
好似都係一個死症

原帖由 EH2674 於 2011-2-22 23:58 發表


搬過去站坑玩一線一坑咪算囉，反正大把坑無用

不過站坑冇記錯好似冇上蓋 (至起碼記得 51 果條係冇)

但其實如果照於入站通道上客，但將排隊欄分散 D 放，可以同時比幾架車對準站頭上客又可唔可行？
但先要解決有 D 乘客可能叫緊雙飛既問題......

[ 本帖最後由 kks 於 2011-2-24 19:48 編輯 ]